اسبوع جديد في بيت ابو حسام
ام حسام بالمطبخ مع نجد يطبخون الغدا ومجد تقهوي ابوها وإخوانها
جلستهم عالارض اغلب وقتهم جلست نجد جنب ابوها
نجد:يبه ودنا ننهج لم حايل نشوفه من زمان عنه
ابو حسام:ودتس بكره ننهج
نجد:اذا ما عندك مانع
ابو حسام:وش رايتس يا ام حسام
ام حسام:الي تشوفه يابعد حييّ
ابتسم ابو حسام:اجل بكره العصر ولمو كل شي الساعه ٤:٣٠ ألقاكم جاهزين
الكل:ابشر
رجعو يتقهوون ويسولفون
ام حسام:نجد يامّلي ما كلمتك نجمه خلها تجي يمنا قبل ننهج
نجد:لا ولله بس بتصل عليها
اتصلت عليها وقالت انها بالطريق
نجد:تقول بالطريق
ام حسام:قومو زهبو القهوه والبخور
مجد ونجد:ابشري
في بيت ابو محمد
في الصاله السفليه كانو متجمعين وأبو محمد ومحمد يتناقشون في مواضيع التجاره وما التجاره ومُلهم ماله بتجاره طلع بالحوش واتصل على الشخص الوحيد الي يفهمه(حاكم)
مُلهم:بجيك
حاكم:انتظرك بس ترا بيجي اخوك سالم يعني
مُلهم:زين
قبل يطلع قال لابوه وقاله يقول لأخوه يسير عليه
وصل بيت عمه على وصول اخوه سالم
مُلهم:هلا بأخونا الي ما ينشاف ولا سرقتك المدام
سالم ضربه على راسه بخفه:اسكت بس وامسك ولدي
مُلهم وهو يشيل سلطان ويبوسه بخده:شلونك يابطل
سلطان ببراءه:بحير
مُلهم:وههه يناس امسك ولدك لا أكله،شلونتس يانجمه
نجمه:بخير انت شلونك وشلون اهلك
مُلهم:ماعلينا خلاف اقلط
سالم:تقلطني في بيت أهل زوجتي وعمي
مُلهم:ياخي اذلف واسكت صدعت راسي
طلع لهم حاكم
حاكم:او ابن خالتو أجى وكمان اخوه واختي تعال ولك يئبرني وجهك ما احلاكي اشتقت لك
سالم:قلب سوري الأخ
نجمه:وش عرفك فينا عرق سوري
سالم:ولله لو يشوفونكم أهل سوريا بيقولنا يارب ارحمنا
حاكم:اقول اسكت بس هات اختي سارقها اسبوع ليه
سحبها سالم:زوجتي وش تبي
وسحبها حاكم منه:اختي
سالم:زوجتي
حاكم:زوجتك في بيتك الحين هي اختي بنت امي وأبوي يلا اتركها ياشاطر خلها تدخل تسلم على اهلي
طلع عليهم ابو حسام وضحك على شكل بنته الي متورطه بذا الاثنين
ابو حسام:بس بس اتركو البنت مصعتوها
سالم:شفه ياعمي هو الي بدا
حاكم:يبه كذاب ذا ولد اخوك
ابو حسام:بس يعيال يلا ادخلو
دخلو العيال المجلس ونجمه دخلت الصاله وهي ماسكه كتفها
نجد:وش شنوحتس يابنت
نجمه:اخوتس ولد خالتس المهبل كانو بيخلعون كتفي زين ان ابوي جا بالوقت الصح
ضحكت نجد عليها:يمزحون متس المهم ترا بكره بننهج لم حايل بكره
نجمه:صدژ
نجد:اي ولله
وخذتهم السوالف الحش،في المجلس عند ابو حسام:اقول يا مُلهم مانويت تتزوج بتصك الثلاثين يابوك
مُلهم:لا ولله ياعمي خلني كذا مرتاح زوج ولدك
حاكم:وأنا شدخلني خلني كذا مشتري راحت بالي
سالم:ولله يعيال الزواج حلووو
حاكم:وععع اسكت مابي اسمع سوالف متزوجين
سالم:تقوم على كلمه حلوه ولا بوسه
مُلهم:الله يلوع كبدك ياشيخ اسكت هاذا ليش زوجناه
سالم يكمل: قبل لا تطلع تحضنك وتحصنك وتبوسكككك شدد عليها
حاكم ومُلهم:وععععع
ضحكو عليهم
حاكم:منجدك اختي تسوي كذا ماخبر اختي خفيفه ولا طاحت ولا احد سمى عليها
سالم:مصدق انت تخيل اطلع اسرار بيت لكم بكره ألقاهم في كل مكان
حاكم:اقول قم اذلف لأبوك قم
مُلهم:قليل الخاتمه مخلي ابوي ينتظر
سالم:على شحم انت وياه بس احترمو شنباتي طيب
طلع سالم لبيت ابوه كانت بيوتهم مجمع فلل في النص قصر الجد وحوله البيوت
اليوم الثاني
في بيت ابو حسام
ابو حسام:يلا يعيال
ركبو كلهم كانو بسيارتين بس قبل يمشون بيروحون يسلمون على الحد ويمشون دخلو بيت الجد وحان موجود العم محسن وعياله
ابو حسام:السلام عليكم
الكل:وعليكم السلام
الجد:على وين
ايو حسام:ابدا قلنا نروح نشوف حايل يومين ونرجع
الجد:كان ودي اروح معكم بس مافيني يلا توصلون بسلامه
ابو حسام:الله يسلمك سلمو وطلعو برا عند حاكم ومُلهم الي يودعون بعض
مُلهم:انتبه لنفسك ويويلك تتعرض لهم مانبي مشاكل
حاكم:طيب
مُلهم:يلا فمان الله وتوصلون بسلامه
حاكم حضنه:فمان الكريم،الله يسلمك
ركب سيارته الي فيها نجد وانطلقو
في نجد
طلع مُلهم ضايق من يقعد معه من يونسه دخل البيت سوا له شاي وطلع مرا ثانيه وهو يهوجس وطرا على باله هذا الشطر
ياغايبه بالله مشتاق انا ردي
طول غيابك ليه في رحلة الغربه. ♡
في حايل وصلو على صلاة الفجر نزلو يصلون في المسجد بعد ما حطو البنات في البيت.
