في حايل-بيت ابو حسام
البنات برا ينظفون الحوش وأمهم جالسه وفجاءة نزل مطر
نجد:الله مطر مطر
رفعت راسها وقعدت تدعي على دخول ابوها واخوانها
ام حسام:يبنات ادخلو لا تمرضون
نجد:ماعليتس يمه
ورجعت تركض وترقص وانضم معها حاكم وحمد ومجد وبدو يغنون هالسامريه
"حايل عساه المطرعسى السحايب
على حايل وماحولها
ريح النفل بالفياض"
"متخالط عشبها ربله وحوذانها
حايل عريب اصلها
دار الكرم كل خلق الله يعرفونها
يامـسندي لو تشوف"
"العاجزة والنخل والبدو يردونها
وركان ليا جا المطر
تلقى النشامى بها خيامه يطقونهـا
وليا رحت يمة شطيب
تلقى الوناسه بها والفقـع يجنونهـا
مشار كله مصيف"
"تلقى بيوت الشعر والضلع يرقونهـا
هواه طب العليل
واللي بحبه طبيبه مايداونها
واليا سكن به غريب
مايطلعه لو تحول الناس من دونها
حايل عساه المطر
عسى السحايب على حايل وما حولها".
نجد:الله الله
حاكم:صح لسانكم
الكل:صح بدنك
وقف المطر ودخلو داخل يبدلون ملابسهم بعض ما جف المطر طلعو وشبو الضو واجتمعو حولها
نجد:يمه مشتهيه حليب زنجبيل من يدينتس
ام حسام:اجل قومي جيبي الاغراض وجيبي اغراض الشاي
نجد:ابشري
قامت تجيب الاغراض ورجعت وسوت امهم حليب زنجبيل وشاي على الجمر
نجد:اوهههه الريحه لحالها شي ثاني تسلم يدينتس يالغاليه
ام حسام ابتسمت:جعله عافيه ان شاءلله
نجد:يعافيتس
في الرياض-بيت ابو محمد
في الحوش كانت نفس جلستهم كلهم متجمعين حول شبة الضو
ابو محمد:مُلهم ما كلمك حاكم
مُلهم:هذاني بتصل عليه يبه
ابو محمد:زين
اتصل عليه
مُلهم:يا هلا بولد حايل
حاكم ضحك:هلا بولد نجد كيف الحال
مُلهم:مشتاق لك
حاكم:ههههههه مالنا ست ساعات امداك
مُلهم:شسوي يا توأمي
حاكم:تصبر كلها يومين ونرجع
مُلهم:اقول مصدق نفسك هات عمي ابوي يبي يكلمه
حاكم:مالت عليك لا ولله مالت علي انا الي مصدقك كل تبن يلا
ضحك عليه مُلهم وسمعته نجد وابتسمت
حاكم:يبه هاذا عمي يبي يكلمك
ابو حسام:هلا ولله بولد ابوي
ابو محمد:اهلين بولد امي
ضحكو كلهم
ابو حسام:كيف الحال وكيف الاجواء عندكم
ابو محمد:هبوب يهبل حنا ولله بخير انتو شلونكم
ابو حسام:بخير الحمدالله ولله توه مخلص المطر من عندنا
ابو محمد:ما شاءلله
رجعو حاكم ومُلهم يكلمون
نجد:حاكم قله منيره عندك
حاكم:يالرفيق تقولك اختي مناير عندك
مُلهم:اي عندي
حاكم يكلم نجد:يقول اي
نجد:خلني أكلمها شوي
حاكم رجع يكلم مُلهم:تبي تكلمها
مُلهم ينادي منيره:منوررر تعالي كلمي رجلتس
منيره:وش ابي في توه مكلمني
مُلهم:يويلتس لا يسمعتس الحين
منيره:وش يبي
مُلهم:مشتاق لتس
حاكم:اقول اخلصص
مُلهم:امزح معتس هاذي نجد تبي تكلمتس
منيره:جب بسرعه جب
مُلهم:وجع شوي شوي
خذت الجوال منه
منيره:ياهلا ومرحبا ببنت حايل
نجد ضحكت:اهلين ببنت نجد شلوتنس يادبه
منيره:بخير ياعجيز
نجد:كل تبن يالخايسه انا عجيز يالوغد
منيره ضحكت عليها:اي وما بعد اعرست عجوز عانس
شهقت نجد:يويلتس من الله توني شباب وبعدين كيفي قاعده على قلبتس
منيره:اي ولله دورت لتس خوش عريس
نجد:وبعد منقيه ومن حضرته
منيره:حمد
منيره ناظرت مُلهم الي بان على وجهه العصبية حبت تلعب بأعصابه
نجد:وعععع مالقيتي الا ذا لو انتس قايله اخوتس احسن من حميدو الخايس
ابتسم مُلهم من كلامها
منيره:كشفتس اجل تحبين اخوي
نجد:من قال
منيره:واضح من الابتسامات الي عندي
نجد:لا يكون يسمعني
مُلهم اشر لها ب لا
منيره: لا انا بالغرفه
نجد:اجل كيف عرفتي
منيره:واضح كل ما طرينا اسمتس هو اول السامعين
استحت نجد:كلي تبن
منيره ابتسمت:افهم من كلامتس تحبينه
نجد:بيني وبينتس
منيره:اكيد
استحت نجد:مو بس احبه وأعشق التراب الي يمشي عليه اعشق زوله ريحة دهن عوده اخخخ تجيب مخيي صوته يالبيه وبحته
مُلهم:وانا بعد احبتس
شهقت نجد وسكرت عليه احمر وجهه وحست بحر
اما عند مُلهم الي الفرحه مش سايعته ضحك عليه
منيره:زين كذا سويت بالبنت الحين كيف بكلمها
مُلهم:عادي
نرجع لنجد الي استجمعت نفسها وطلعت لهم وتحاول ما تبين لهم
حاكم:واخير كان نمتي
نجد بصوت خافت:وش اسوي هي الي تحش بناس
حاكم:وش فيه وجهتس
نجد:مافيه شي ليش.
