جازو يامات و اميرة وين تلقا عبد المالك تبعد عليه . مهيش فاهمة علاش تبعد عليه و علاه تحس بقلبها يخرج من بلاصتو كي تشوفو . ( الحب ) اما عبد المالك مزال مفهمش علاش راهي بعيدة عليه . مي مزالو مع حياة . شوقي راهو يحكي مع مريم و يسي يتقرب منها . اما هيثم راهو كيف كيف يسي يتقرب من سارة . اسامة و آية ولاو صحاب . ( ماشي اون كوبل) . اليوم عيشة و حمد عرضو فاطمة و محمد و ولادهم . كانت الدار مقلوبة . ناضت اميرة مخلوعة من العياط لي كان فدار. رفدت تيليفون لقاتها 1تاع العشية . راحت لتوالات حشاكم قضات حاجتها و راحت غسلت وجها . هبطت للكوزينة لقاتها خرابة و عيشة تالمون منسجمة فالطياب مشامفتهاش . عاودت خرجت طلعت لشومبرتها خرجت للبالكون . رفدت تيليفونها و بيبات لهيثم . قعدت فالكرسي . 2 دقائق و عاودلها .
- اميرة : صباح الخير.
- هيثم : صباح الخير. واش كاين ؟
- اميرة : وين راك ؟
- هيثم : فالطونوبيل .
- اميرة : وين بيها ؟
- هيثم : كنت رايح نشري كادو ليما . عمبالك عيد ميلادها بقالو يومين .
- اميرة : يا صح. عيد ميلاد خالتو. شحال راح تقفل؟
- هيثم : 56 .
- اميرة : كبرت ياه .
هكاك و تشوف عبد المالك خارج للبالكون يحكي فالتيليفون . شافت فيه مليح و عاودت دورت راسها .
- هيثم : وي . ايه علاش عيطتيلي ؟
- اميرة : هيثم. عينيا. ڨلبي . نتا وليد خالتي العزيز. خويا لكبير. و عمبالك بل ينحبك و نموت عليك .
- هيثم : علاش هاد العسل كومبلي ؟
- اميرة : هيثوم . تقدر تجي تديني معاك . الدار راهي نايضة .
- هيثم : علاش ؟ واش صرا ؟
رمات عينها على عبد المالك لقاتو يحكي و يضحك . تغزلت .
- اميرة : راهم جايين دار مريم ليوم يتعشاو معانا .
- هيثم : ايه .
- اميرة ؛ هيثم ارواح لهنا قوللهم نسحق اميرة عفسة ايرجون و احكي مع ماما .تعيش . و الله ماراني حابة نقعد فالدار و زيد رحت للكوزينة لقيتها خرابة و معمرة ماعن و آية ماهيش فدار .
- هيثم : اوكي . وقت و نكون عندك مي تخلفيهالي .
- اميرة : ياو ارواح سلكني برك . لابغيت نحففلك اللحية .
- هيثم : منيتك نخليك نتي تمسي لحيتي .
- اميرة : خلاص . ندير واش تحب برك ارواح .
- هيثم : راني فطريق .
- اميرة و هي تسوطي و تضحك : ياي نحبك .
- هيثم : مام انا نحبك . خلاص رنكي .
كوبات عليه . خزرت فالبالكون تاع عبد المالك لقاتو يشوف فيها . دخلت لشومبرة و راحت جبدت شعرها و رولاتو مالتحت . فهاداك الوقت سمعت لاصونات تاع الباب . هبطت فتحاتو لقات هيثم سوطات عليه تعنق و تبوس . دخل عند عيشة. بدا يحلل فيها حتى وين قبلت . عيطت عيشة لأميرة لي كانت دايرة روحها معمبالها بوالو .
- اميرة : واش ماما؟
- عيشة : روحي وجدي روحك تروحي مع هيثم .
- اميرة : وين ؟
- عيشة : توجدو العفايس تاع عيد ميلاد خالتك .
- اميرة : اوكي .
راحت طلعت لبست هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و راحت ركبت فالطونوبيل . معاه. حتى وين قالت.
- اميرة ؛ وين رانا رايحين ؟
- هيثم : كنت رايح نشري كادو ليما . هدا مكان .
- اميرة : وجدتو كلشي ؟
- هيثم : ايه . كلشي .
- اميرة: اوكي . دونك نروحو للبحر ..نقعدو برك .
- هيثم : اوكي .
- اميرة ؛ واش راك داير مع سارة ؟
- هيثم : رانا نحكو مي على حساب الشوفة راح نعاني بزاف .
- اميرة : وي . ربي مسكينة . خليها مع اليامات تلين . مي متخافش مدام عندك اميرة. عفسة مواعرة .
- هيثم : واش راح ديري ؟
- اميرة : نحكيلها عليك و منا . راك فاهم نخليك تدخل لعقلها .
- هيثم : اوكي . حقا وين راهي آية ؟
- اميرة : معمباليش . نضت مالقيتهاش . اصبر نعيطلها.
عيطت لآية . ريبوندات عليها.
- اميرة : بڨرة وين راكي ؟ خرجتلي و خليتيني وحدي ؟
- آية : راني مع اسامة .
- اميرة : شكون اسامة ؟ ..حبسي اسامة اسامة .
- آية : ايه .
- اميرة : عمبالها ماما ؟
- آية : منيتك . كان قلتلها متخلينيش نخرج . قتلها بلي عيطلي بلال قالي ارواحي اخدمي ليوم برك .
- اميرة : و لوكان تسقسي بلال .
- آية : راني فاريتها . وين راكي نتي ؟ راني نسمع صوت طونوبيلات.
- اميرة : راني مع هيثم . جا يديني . منيتك و الله منغسل هادوك الماعن . و دوك باي . منبعد نحكو عليك نتي و اسامة .
- آية : اوكي . باي . منبعد .
هيا غير كوبات ڨارا هيثم الطونوبيل . هبطت من الطونوبيل. و مام هيثم. و بداو يمشو .
- هيثم : راهي مع اسامة ؟
- اميرة : ايه .
- هيثم : واش كاين بيناتهم ؟
- اميرة : معمباليش . راهي تقول بلي ولاو صحاب مي على حساب الشوفة راح يولو اون كوبل .
- هيثم : مام انا راهي تبانلي هكا. امشي نشوفو هاد الحانوت .
دخلو لحانوت تاع ذهب.
- هيثم : اميرة شوفي هادي ؟ ماشي شابة ؟
- اميرة : وي مليحة. بصح راه تبان غالية .
- هيثم : عفسة ماغالية على الواليدة .
- اميرة: بصحتها سارة . اوكي ندوها . استنى نزيد نشوفلها مام انا جبت دراهم باش نشريلها .
- هيثم : ماشي هداك عبد المالك ؟
- اميرة ؛ وين ؟ وين ؟
- هيثم: راهو جاي من جيهة الحانوت ؟
- اميرة : يالزح . ماشي وقتو .
🎥🎥🎥🎥🎥🎥🎥🎥🎥🎥🎥🎥🎥🎥
يتبع ... 💞💞💞❤️❤️❤️
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
