خرجت لينا و احمد و ابراهيم و يحيي بعد انتهاء المؤتمر
احمد : انا هروح اتصرف مع الصحافة و اعمل كام مكالمة
لينا : ابراهيم انا عايزة اتكلم معاك شوية
يحيي : طب انا هعمل كام مكالمة و اجي علطول
لينا : بابا ايه اللي حصل جوا دا ، انا مش فاهمة اي حاجة
ابراهيم : يحيي بيحبك و عايز يتجوزك
لينا : بيحبني ايه يا بابا دا كل ما يشوفني يتخانق معايا اكيد مش بيحبني ، اكيد في حاجة مش مظبوطة
ابراهيم : لينا انا مش هكدب عليكي و خليني اسألك و ردي عليا
لما روحتي تدوري علي متبرع عشان احمد و كانوا هيخطفوكي مين اللي دافع عنك وقتها ؟؟ يحيي ، لما احتاجتي حد يحل مكانك في الشركة مين اللي وافق ؟ يحيي ، بالرغم من شغله الكتير ، طيب بلاش دا مالفتش نظرك أنه فضل يدور علي معلومات عنك عشان يعرف انتي بتحبي ايه عشان يجيب ليكي هدية تعجبك
لينا : و مين اول حد اتهمني اني حرامية كان يحيي بردو بالرغم من أنه عارف اني معملتش كدا و مصدقنيش لما وريته صور لارا مع الراجل اللي اخد منك الصفقة
ابراهيم : مين قال كدا ، انا مش عارف هو مقالش ليكي ليه اللي عمله مع لارا بس اللي متأكد منه أنه اخدلك حقك منها تالت و متلت ، و بعدين دا انتي اول واحدة تعلي صوتها عليه و يسكت ، و بعدين انتي ما وقت ما رجعتي علي حياتنا تاني عمرك كنتي تتخيلي أنه يحيي يعمل الحركة دي و ينزل علي ركبته و الورد و الكلام دا
لينا بضحك : لا طبعا بس أنا بردو خايفة أوافق
ابراهيم : بصي انتي هتصلي استخارة و تشوفي لقيتي نفسك مرتاحة نعمل خطوبة لاقيتي نفسك مش تمام نرجع زي الاول ، انا واثق ان هو بيحبك و متأكد من كدا كمان انا اول مرة اشوفه مبسوط كدا
لينا : خلاص يا هيما اتفقنا بس و الله لو حصل نصيب و لقيته مش مظبوط معايا هظبطهولك عشان انا مش بحب الحال المايل
يحيي خبط و دخل ليهم
يحيي : هو ممكن يا عمي اخد لينا نتغدا سوا
ابراهيم : و الله شوف لينا و احمد رأيهم ايه و أنا تمام
يحيي : هو احمد بيه قالي نفس الكلام
ابراهيم : يبقي الفيصل هنا هو لينا
لينا : اوك هجيب حاجتي و اجي وراك
لينا نزلت وراحة تركب عربيتها
يحيي : انتي رايحة فين
لينا : مش انت قولت هنخرج
يحيي : طب ما تيجي معايا في عربيتي
لينا : هو مينفعش يعني اجي وراك بالعربية بتاعتي
يحيي بضحك : هو ينفع بس تفتكري لما الصحافة اللي قدام الشركة تشوفنا كل واحد في عربية هيقولوا اني غصبك عالجوازة
لينا : انت خليتها جواز مرة واحدة يلا يا يحيي الله يهديك يلا
وركبوا العربية و وصلوا علي مطعم و قعدوا
يحيي : انا عارف انك متوقعتيش اني ممكن اعمل كدا و انك اتفاجئتي بالموضوع بس ممكن تديني فرصة بس ، انا عارف أننا اتعرفنا بطريقة مش لطيفة و حصل بينا شوية خناقات في النص كدا بس ادي نفسك فرصة تعرفيني كويس
لينا : طب افرض يعني ... يعني محصلش نصيب وقتها انا مش عايزة مشاكل مع العيلة انت اكيد فاهم انا قصدي ايه
يحيي : متخافيش وقتها هنسحب بهدوء ، احنا متحضرين مش كدا
لينا بهدوء : طيب انا هصلي استخارة و اقولك رأيي و اللي فيه الخير يقدمه ربنا
يحيي بخبث : تحبي تتكلمي عن نفسك و لا اسألك انا
لينا ضحكت بسخرية
يحيي : بتضحكي ليه
لينا : اظن اللي عارف اني بحب الخيل غير ابويا و غفران يبقي عارف كل حاجة عن حياتي ولا ايه
يحيي بضحك : معاكي حق بس انا عايز اسمع منك انتي
لينا : عايز تسمع ايه يا يحيي
يحيي بتوتر حاول أنه يخفيه: يعني انتي عندك مشكلة مع سني
لينا : معتقدش اني في يوم هاجي اتخانق معاك عشان انت اكبر مني في السن ، عالعموم انت اللي هيبقي عندك مشكلة
يحيي باستغراب : انا و دا ليه
لينا بمرح : هتبقي عجوز قبلي بكام سنة و مش هتبص لبنات تانيين هتبقي عجوز و مكحكح ، بلاش كلام فارغ يا يحيي
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
