"يامساء هالليل ياعطر ودخون ‏ياغرام باهر يا أحلى العمر"

17

"مزرعة ابو جاسر"
كانو العيال متجمعين بـ بيت الشعر
ويضحون ويسولفون
سيف:انا من شفت غيث مرتاع كذا وانا قامط ام العافيه
غيث:الله لايوريك اللي حسيته قسم بالله حسيت قلبي بيطلع من مكانه
سعود:الحمدلله عدت والبنت بـ خير ، الا اقول وين اخوها
قاطعهم دخول راشد بـ غضب
سيف بهمس:السموحه بغير بالمثل ابليس على طاريه
ضحك غيث بقوه
سيف:يفضيحهه
سكر فم غيث بيده
راشد : هي انت وياه وين ابوي
سعود:منا بعمال عندك تكلم زين الرجال ولا اسكت
راشد كأنه ناقص سعود:الله يلعنك يا ولد***
فزو باهر وسعود على كلمته
خنقه باهر وهو يبطحه على الارض : قلنا اغلط لكن توصل هنا ادق خشمك دق
سعود:والله ان يوصل العلم لأبوك وقل سعود ماقال مابقى الا هي تدخل الأهل ما اقول غير الله يخلف على ابو وام(ن) جابتك
دخل ابو راشد وشاف راشد بين يدين باهر
وماتكلف يتكلم لان عارف ولده قليل ادب ومايمسك لسانه
باهر بغضب: ياعم ترا وصلنا حدنا من ولدك تكلمنا معه بالطيب وقام يسب الأهل والله ان ودي اطقه لين يحب الارض لكن احترام لك مانيب لامسه
ابو راشد :ياشيب راسي بس ،الله يخلف علي اللي احسن منك
ولانت بولدي ولاني اعرفك ودربك خضر
راشد:يبه انت صادق!!!تتبرا مني عشان فلان وعلان نطلو لك كم كلمه عني !!!!
ابو راشد:اقطع واخس ،اذكر كلامي ثم قم انطق ،وبيتي يتعذرك انت وامك لا انت اللي بمحترمني ولا امك اللي حافظه بيتها والله يستر عليكم خذ امك واطلع من بيتي
ورقة الطلاق توصلها بكرا
وقف راشد بـ صدمه ولف على العيال: طيب طيب ،ان ماوريتك الويل انت وياه لا تناديني راشد
طلع وهو مغبون مب على ابوه انه تبرا منه لا مقهور من العيال انهم شهدو الموقف
.
.