سارة وقفت و عاينت للمرة قالت ليها وفارقة يعني المرا عاينت لي سارة وقالت ليها اي فارقة لازم تلقى اي طريقة تخلي أحمد سارة قالت ليها انا اخدة زوجات الرسول
عليه الصلاة والسلام قدوة لي صح احيانا بغار لكن انا متسامحة جدا مع الفكرة دي وبعد النحن عملنا مع منة اظن دي أبسط حاجة اعملها عشانها المرا ب شمار كدا عملتو لي منة شنو سارة قالت ليها خير ي خالتو خير و واصلت توزيع عصيرها المرا لوت خشمها و مشت... من ناحية تانية مراد كان سايق بي سرعة عالية و وقف جنب النيل و كان ماشي وجاي يفكر في طريقة تخلي منة تكون ليهو هو براهو وبقا ماشي لمن بقا يسمع صوت بكا خافت و بقا ماشي على الصوت لقا بتين و الاتنين بيبكو واحدة قالت للتانية يعني أسى ناس امي ماتو و التانية تقول ليها استهدي بالله مراد قعد طرف وبقا يسمع لانو هو زاتو يتيم و حسة انو كل أفكارو المان ح يعملها دي ح تكون يمكن سبب في انو ولد يبقا يتيم مشى بعيد و بدأ يهدأ ويفكر تفكير منطقي اكتر انو هو ح يكون سبب في دمار بيت و اتخيل اخواتو مكان منة و بدأ ينفض الأفكار السلبية و يستعيذ من الشيطان وبقا قاعد لمن الواطة ضلمت و الليل نزل قام ماشي على عربيتو شاف البيتين كمان ماشين و عيونهم مورمة الكانت بتقول امي ماتت ماشة ورا و التانية قدام عايزة تقطع الشارع جات عربية ضربتها مراد من الصدمة رجلو بقت ترجف يعني تشوف مشهد زي دا قدامك حاجة صعبة بتاع العربية نزل سرعة و ديك غرقت في دمها مراد أتلفت لقا البت التانية شاحبة جسد بلا روح خلاص جات دمعة واحدة نازلة في وشها الشاحب و عيونها بقو م بيرمشو وحات واقعة زي شجرة عاشت عمر و جا زمن ترحل تسيب الدنيا مراد كان لا سامع لا حاجة بس بعاين الراجل شال المضروبة و لانو المستشفى م بعيد و مراد متابع مشي شال التانية و بحق الأولى بي عربيتو و دخلوهم الاتنين المستشفى الراجل كان ماشي وجاي و العرق مالي وشو و مراد قاعد في الكرسي يهز رجولو بعد نصف ساعة جا الدكتور الكان متابع البت الجابها مراد قال ليهم اتعرضت لي صدمة حادة أثرت فيها و في قلبها لكن أسى بخير الحمد لله مراد اتنفس و الراجل لسه مستني بعد ساعتين و مراد مستني يشوف الحاصل الدكتور جا طالع و منظرو م ببشر بالخير..... يتبع
