يحيي : قصدك ايه ؟
لينا : يعني مش هقدر اتخطب لحد كل ما اعمل حاجة يزعق فيا ، انت مش بتتفاهم معايا يا يحيي بس انت بتحكم عالموقف من وجهة نظرك بس لازم تثق فيا شوية
قاطع كلامهم دخول ليلي
ليلي : انا اسفة بس دا معاد الميتنج يا استاذة
لينا خرجت و سابته
يحيي و هو بيحاول يفهم و بيكلم نفسه لا اكيد مش بعد ما حبيتها و قعدت اتخيل يوم الخطوبة و الفرح و أنها هتكون ليا هتسيبني بسهولة كدا ، ما هو انا كنت خايف عليها عشان بحبها خوفت ليعمل ليها اي حاجة ، بس انت لسه مقولتلهاش انك بتحبها متوقع أنها هتفهم اي من اللي انت عملته ، طب اعمل ايه دلوقتي اروح في وسط الاجتماع اقولها اني بحبها
ولا اعمل ايه
قاطع شروده صوت ليلي
ليلي : بشمهندس يحيي ابراهيم بيه كان بيدور علي حضرتك عشان الاجتماع
أثناء الاجتماع
لينا كانت بتتجنب أنها تبص حتي ليحيي ، و يحيي كان متضايق من اللي بيحصل
أحد العملاء : و انت ايه رأيك يا بشمهندس
يحيي : هاا.. انا بعتذر سرحت شوية
ابراهيم بهمس : في ايه يا يحيي ما تركز شوية
يحيي و هو بيبص علي لينا : ما انا مركز اهو
ابراهيم بنفس الهمس : في الميتنج مش في لينا و حياة ابوك
يحيي ضحك هو و ابراهيم
و خرجوا من الاجتماع
يحيي : لينا ممكن نتكلم شوية
تليفونها رن و كان غفران
لينا : معلش هرد عالفون ، غفران ازيك عامله ايه انت وحشتني اووي
غفران : و انتي كمان يا حبيبتي فاضية نتغدا سوا
لينا و هي بتبص ليحيي : أيوة انا اكيد فاضية
و قفلت مع غفران
لينا : معلش يا يحيي انا مضطرة امشي
يحيي بأسف : انا مكنتش هاخد من وقتك كتير
لينا : ماشي يا يحيي نتكلم ، عايز تقول ايه انا سمعاك
يحيي : انا عارف اني اتصرفت غلط بس حطي نفسك مكاني لما الاقي الشخص اللي كان عايز يقتلك معاكي في مكان واحد و كمان اعرف منك انك اتنازلتي عن القضية ، انا مش ببرر لنفسي اي حد مكاني كان هيعمل كدا
لينا : مينفعش يا يحيي تعلي صوتك عليا لاي سبب من الأسباب و المفروض انك تحترمني و دي مش اول مرة تزعق ليا قدام حد
يحيي : انا اسف ، لعلمك علي فكرة انتي الوحيدة اللي بعتذرلها اصلا غير كدا مش بعتذر لحد
لينا : علي فكرة يا يحيي انت مغرور اوي
يحيي : خلاص بقي يا لينا حقك عليا ، انا جبتلك دي عشان نتصالح
لينا : طيب يا يحيي عشان الشكولاته بس عادي الموضوع و دلوقتي انا لازم امشي عشان غفران
لينا وهي ماشية بتبرطم انا مش عارفة انا سكت ازاي دا لو في العادي يااه كان زماني ماسحة بكرامته الأرض ، علي اخر الزمن انا بقيت افرح بشكولاته
و لينا خرجت مع غفران و اليوم انتهي بدون احداث
في يوم الخطوبة
نور : اصحي يا لينا كل دا نوم
لينا بنوم : النهاردة إجازة سيبني انام بقي شوية
نور : بقينا الضهر هو في عروسة بتنام للضهر
لينا بنوم : ايه دا هو في عروسة في البيت روحي يا نور الله يهديكي عايزة انام
نور بزعيق : اصحي يا لينا الاجتماع كمان عشر دقايق
لينا قمت مفزوعة : يالهوي عشر دقايق انا .. و فضلت تلف حولين نفسها مش هلحق اعمل حاجة ،و بعدين بدأت تستوعب
و نور بتضحك عليها
لينا بغيظ : حد يعمل في بنته كدا يا نور ، بس انتي بتصحيني ليه مش عارفة أن النهاردة إجازة
نور بضحك : يا بنتي انتي عبيطة النهاردة خطوبتك
لينا : هل دا مبرر عشان اصحي بدري
نور باستنكار : بدري .... الضهر بدري ، قومي يا حبيبتي عشان تجهزي لسه الفستان و الميك اب
لينا بضحك : ميك اب ايه اللي اصحي ليه الضهر دا لو حد بيمحر شقة مش هياخد كل الوقت دا ، بصي يا ست الكل احنا نحط حاجة خفيفة ليه بقي عشان منبقاش اوفر
نور : لا لازم تبقي زي باقي البنات
لينا بصدمة : يعني أنا مش بنات يا نور
نور بضحك : مش قصدي يا هبلة انتي
لينا : طب بصي انا هسألك مش انا بعد الخطوبة همسح الميك اب دا
نور : اه
لينا : طب ما اهو مش كل ما هشوف يحيي هحط وشين الميك اب دول علي وشي انتي عارفة اني بحب ابقي علي طبيعتي
روحي بقي يا نور اعملي الفطار بسرعة علي ما اتكلم في الفون
نور بخبث : دا يحيي
لينا : لا يا نونو دا ابراهيم
لينا كلمت ابراهيم و اطمن عليها و قفلت معاه و نزلت عشان تفطر
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
