(بُصوا بقى أنا مش هقول عايزة الڤوت أو كومنت من حضراتكم خلاص .. وهنزل الرواية عادي زي ما بتنزل لغاية ما أخلصها وهرجع أقرأ وهبطل الكتابة وبالنسبة للروايات التانية ف أنا وقفتها خالص وشكرا ليكم)
©©في بهو المنزل بالأسفل ...
#نزلت نهلة إلى الطابق الأرضي بعد أن أبدلت ثيابها ووجدت الفتيات جالسون ويلعبون بالوسادة بمرح و صوت ضحكاتهم يملأ المكان ...
نهلة بابتسامة مرحة :- إوعوا تكونوا لعبتوا من غيري يا أندال مش متفقين ننزل مع بعض .
ياسمين بضحك :- ههههههههه تعالي يا هبلة إحنا كلنا قاعدين مستنيين حضرتك تنزلي وكنا بنتسلى لغاية ما تنزلي وتكملي معانا .
جنا هزت رأسها بنفي وابتسامة :- لأ والله كنا بنظبط اللعب بس لغاية ما تيجي إنتي حتى لوليتا لسه فوق بتخلص حاجات تبع الجامعة ونازلة وراكي .
نهلة بإيماءة وجلست معهم :- حلو أوي حيث كده أنا هلعب معاكم لغاية ما سولي تنزل وتلعب معانا وكمان إحتمال دوروك ينزل ويلعب معانا .
ياسمين ببلاهة :- يلعب مع مين لامؤاخذة إنتي بجد متأكدة إن أخوكي هيلعب معانا ويقعد ويهزر ويرغي وناخد عليه وكده يعني .
جنا بجدية ولكزت ياسمين بضيق :- أيوة وماله عادي ياروحي ينور ويآنس وبعدين إحنا ولاد عم مفيهاش حاجة لما يقعد معانا ونلعب ونتسلى سوا .
نهلة بحرج :- احم لو مش حابين يكون أنا هكلمه قبل ما هينزل وأقوله خليك علشان البنات هيتكسفوا من وجودك وكده مش هيزعل والله .
سهيلة بابتسامة وجلست جانبها :- لأ متقوليش حاجة علشان هو أصلا جاي ورايا وهيقعد معانا وهنلعب مع بعض ونتسلى للصبح .
ياسمين بصدمة وفم مفتوح :- نعم ياختي إزاي بقى هو هيقعد معانا وكده أومال مين إللي حط نص علبة الشطة ف طبق الملوخية بتاعه مش إنتي .
جنا بضحك ولكزتها مرة أخرى :- هههههههه ياسو دي بتعشق الهزار والمقالب يا نهلتي والله وزي ما قولتلك إحنا إخوات وولاد عم وعادي نقعد ونلعب كلنا سوا .
سهيلة وهي تكمم فمها بغيظ :- أبوس إيدك بلاااااش سياح وصياح وفضايح وبعدين ده كان مقلب خفيف وبنرحب بيه وإتلمي بقى ف ليلتك .
ياسمين إغتاظت وأزاحت يدها بضيق :- خلاص بؤق إللي جابوني وجعني يووه وربنا أنتو غلسين أوي .
دوروك بمرح وجلس بجانب أخته :- Selam وأتمنى إنكم تكونوا لسه ملعبتوش حاجة من غيري أنا كمان ولا وجودي غير مرغوب فيه وأروح أطلع .
جنا بنفي وابتسامة :- لأ لأ خليك وطالما لوليتا قالت كده يبقى إلعب وخليك قاعد ويانا عادي ومتطلعش .
سهيلة بهمس وجزت على أسنانها :- جنجونتي بقولك إيه خلِّيلي بالك من الزفتة إللي جمبك علشان لسانها مترين وممكن تقع بلسانها ومقالبنا تبوظ .
أنت تقرأ
الصعيدية والتركي ♥️🌏 مكتملة
Romanceالجزء الأول من سلسلة الصعيدية والأجنبي بطلتنا المجنونة إللي تعرفوها 😂 معاها كمان بطلات جديدة مختلفة هتنور الرواية الجديدة أبطالنا الشباب أتراك وقمرات من الآخر يعني 😂 وطبعا فيها أشرار بس مش هيفضلوا كتير معانا يارب تعجبكم وتحبوها 🤲🌍
