بان الإرتباك فملامحها و هي حاسة بهالة الخطر لي ضايرة بيه..هالة تصرخ بالتهديد و رغبة كبيرة فالإنتقام!..مكانش كيف ولفات عليه..الهدوء و الطمأنينة..كان العكس تماما...
جوهر هزات فيه راسها بتردد: خليني ندوي معاه هو الأول..واخا يدير لي يدير تيبقا جزء كبير مني و كان بجنبي فالوقت لي تخلا عليا شخص مهم فحياتي...
آزاد رخف الشدة على كتيفاتها حتى بعد بشوية جامع يديه لعندو و كلامها الأخير تيضرب فراسو "فالوقت لي تخلا عليا شخص مهم فحياتي" ديك "تخلا عليا" بالضبط كانت كافية تبيين ليه مدى خطورة تفكير جوهر من جيهتو كشاهين و الأسوأ هو استغلال ظلام لديك النقطة حتى قدر يحفر جذورو فحياتها!..تنهد تيحاول مايبيينش ليها عصبييتو و كتمها بتحريك راسو بالإيجاب...
آزاد: المهم انا عارف بلي صعيب عليك..غير هو بغيتك ماتبقايش تقربي منو مزال واخا؟
جوهر شافت فالجهة الأخرى و سكتات..ماعرفها اش قاصدة بهاد الصمت بالضبط واش موافقة ولا لا..ولكن حاجة وحدة لي عارفها مزيااان و هي انه ظلام نهايتوو عاجلا أم اجلا غتكون على يدو!...
▪︎ مملكة كينتاريا - مكتب الملكة▪︎
بعد وجبة الغذاء..كانت كوثر فمكتبها حتى تسمع الدقان و دخل الطارق بعدما عطاتو الإذن بالدخول...
دخلات أسمهان ضامة يديها بإبتسامة حتى حيات كوثر بإحترام هاد الأخيرة لي اشارت ليها تجلس قدامها...
أسمهان: يمكن ليا نعرف فاش بغيتيني ا جلالتك؟
كوثر بإطمئنان: الخير ا بنتي..عندي ليك اخبار مزيانين
أسمهان بفضول: ودنيااا كلهم لييك جلالتك ههه
كوثر بتاسمات و هي تتشوف الفرحة فعينيها و مزال حتى ماجبدات ليها الموضوع: البارح جا عندنا ضيف..باش نكون واضحة أكثر هو ضيفك نتي...
أسمهان استغربات شكون هذا لي غيكون ضيفها و هي متتعرف حد: واش تنعرفو؟
كوثر: لا متتعرفيهش ولكن هو تيعرفك..(تنهدات بشوية) هاد الضيف تيقول انه هو ولد عمك يعني من عائلتك الحقيقية
أسمهان وساعو عينيها بالصدمة: و ولد عمي؟؟؟ يعني من عشيرة أركاني!!؟؟ واش بصاااح؟؟؟
كوثر: داكشي لي قال و برهن لينا عليه انطلاقا من خاتم فيدو محفورين فيه رموز بحال الخاتم لي فصبعك و قال انهم خواتم متعلقة ببعضياتهم..اش بان ليك نتي دابا واش بغيتي تشوفيه؟
أنت تقرأ
العُــــقَــــابُ الأســــطــــوري🌼🦅|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🌼🦅الــــعُــــقــــــــاب الأســــــطــــــوري🦅🌼 🗿🤴🏽أمــــيــــر فــــي عــــصــــرنــــا3🤴🏽🗿 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 __...
