“اللهمّ قوني بك اذا انفلتَ صبري وضاقت نفسِي وسئمَت”
جنت شخصيه كلش ضعيفه
من صغري واني منبوذة بين الناس
حتى من اقرب الناس جنت اسمع كلام من امي الله لا يراويكم لفظ يعني طفل المفروض ميسمعه مثل "كح*ه" "سا*طه" "الله ياخذج ويخلصني منج" "مامنج فايدة" "السمينه" "الدبه"...
وجنت اتعرض لضرب لحد هذا يومي اني انضرب من اخوي من امي من ابوي، امي جانت بالكيبل العريض الاسود مال كهرباء تضربني بي ايام وليالي
انام ودمعتي على خدي واني طفله عمرها مايتجاوز الـ٩ سنوات جنت استنجد باخوتي وهم واكفين يضحكون عليه.
واخوي الي يطعني بشرفي كل يوم ويضرب ويصيح ويكفر عليه على ابسط الاشياء لازم اخدمه واكون جاريه عندة مي ميجيب لنفسه ملابس اني اجيب اله حذاءه اني امسحها اله تلفونه هو يكون كاعد بغرفته يم الشاحنه يجي الي للطارمه يكلي كومي خلي تلفوني على الشحن.
بس واحد من عائلتي احبه حيدر اخوي الصغير دائما يدافع عني يحبني ميسمعني كلام جارح يساعدني بشغل البيت من اكون مريضه وميرضى احد يتعارك وياي...
نجي لابوي الي حرام يتسمى اب اتزوج امي وهو عمره ١٥سنه وعن حب نكدر نسمي حب مراهقه، جاب عمره كله يخون بامي وهو عساس يحبها شفت صور شفت محادثات شفت مكالمات اكثر من ساعتين
لحد ذاك اليوم اجيت اشوف الساعه بتلفونه تلفوني جان طافي شفت جاي مسج من الواتساب من رقم مكتوب عليه غريب فتحته وياريت مافتحته اشوف محادثه وي بنيه عمرها 16سنه تخيلوا وهو عمره 42سنه لا والاضرب اشوف صور للبنيه حرفيا تفشل يعني من شفتها خجلت من نفسي شلون الها قابليه هيج تسوي وخانت ثقه اهلها من انطوها تلفون والمصيبه مكذب عليها بان اسمه عباس ومن البصرة ودازلها صور مدري منين جايبها لولد صغير بالعمر.
ابوي بعمره ماجان عادل بيني وبين اخواني جنت اشوفه يحبهم ويدللهم ويجيب الهم اشكال واني اباوع اله من بعيد ودمعتي على خدي بعمره ماذكرني بشي بسيط حتى لو رخيص الا اخوني جان يجيب الهم اشياء غاليه وهم مامحتاجيها اساسا جانت دائما اسئله ببالي واني طفله
جنت بعمر 7_6 سنوات هيج تعرضت للاعتداء مرتين من اثنين شهوانيين حقراء
ماعدهم شرف وخفت كلش ان احجي لامي او واحد من عائلتي خصوصا هم جانو بعيدين عني كلش ولا مره حجو وياي بشي زين ولا سولفو وياي خفت احجي كلما اريد اكول الهم اتراجع
ولهذا يومكم مايمر اسبوع اذا اني مو بالمستشفى دخلت بحاله اكتئاب
ومحد لاحظ هل شي ابدا نفسيتي تدمرت صرت منعزله عن الناس ماحب الاختلاط واكيد جانو ميخلوني اضل بالبيت وحدي ببساطه ماثاقين بيه واني ممسويه شي
سؤال اكو احد حاس بشعور ان اهلك يثقون بـا اخوانك بس ميثقون بيك؟ اتمنى محد مجرب هل احساس لان كلش مو محلو
بكل لمه عائلية سواء يم خوالي او عمامي الكل تشوفوهم يضحكون ويسولفون ويلعبون
الا اني تلكون بالزويه كاعده وحدي وصافنه على الكاع، وجنت اسمع هواي كلام "مغرورة"
"متكبرة"
"شايفه روحها"
"ام خشم العالي"
"ديربالج ليطخ خشمج بالسگف" ......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
