منا وهيچي بعد .
تلگاني مـِتباعد
وحتلو تحبني بعد
حب مـِن طرف واحد
خاف أنتَبارد چنت
اني أخس منك صِرت
يحسـِدني گام الثَلج
گد مـا صـِرت بارد .
_____________
دزيت الكلام لقصي ورجعت سديت التلفون وبقيت متمدده ماعندي طاقه اتحرك رجعت رفعت تلفوني ساعه 5العصر صارت سمعت صوت جهالي كمت متكسره طلعت يمهم بعدني بهدوم الدوام بوستهم ولعبت وياهم شوي وكمت سبحت كملت شغلاتي والعشى اخذت اطفالي سبحتهم وبدلتلهم شمرتهم بفراشاتهم فتحت تلفوني دخلت عالواتساب لكيت مهيب ناشر عالحاله صورته وكاتب
ويبقى الماضي قصه جميله ولن تعود ابدا
رديتله سمايل حزين شافه ومارد
بقيت الليل كله كل شوي داخله عالستوري ومكدرت انام اشوفه متصل واني متصله تعبت تاذيت كمت ابجي اخر شيء متحملت اتصلت
-الوو
-......
-الوو رهام صاير شيء جهال بيهم شيء يابه
-جاوبته وصوت شهكاتي تطلع قبل الكلام كتله لا مبيهم
-عجل شكو متصله
-......ماكو رد مني
-ذب حسره وكال شبيج
-شهكت من كلبي وبجيت بحركه ماعرف شارد عليه اني ماعرف شبيه بقيت ابجي
-مو هذا الردتي يابه ؟مو طلبج هذا اطلع ونسحب من حياتي ومالك بيه دخل عجل شكو هالبجي هااااا
-بس اشهك ماكو رد اني اصلا شكو اتصلت
- صوت جداحه ونفس تنهد وكال بصوت تعبان
تعبتيني وخليتيني اتوسل واركض واحاول بس انتي ركبتي راسج شسويلج بعد انه كل العندي قدمتو الج والمقابل جنتي تصدين وترفضين ول انه مو ماعندي كرامه وضال اركض وراج ومامنج امل رهام جنت ناوي اغير حياتنه كلهه لخاطر ارضيج ردت الم اولادي وانتي على راسهم بس مانصفتيني ماخليتيني اعوضج ومن اجيج تصدين بيه وتحاولين تذليني غلطانه رهام انه جنت اجيج بدافع الحب والشوك مو مذله وهاي طلبتي اتركج بحالج وانه نفذت شنو التغير بعد يابويه شكو هالبواجي
-متحملت سديت الخط وصرت ابجي بصووت وكاتمه حلكي بايدي
اجاني اشعار منه فتحته دازلي رابط دخلت عليه جان رائد ابو فتيان قصيده راجعلي بقيت اسمع بيهه وابجي عرفت من هاللحضه خسرت مهيب ثاني يوم جوي بيت عمو ابو قصي دستفسرون مني على عفراء حجيتلهم وكالو انطيهه خبر الخميس نروح نسوان انطيتهه خبر وهي باهته ماحس بيهه فرحه عروس مشت ايامي واني صار عندي هوس الحاله مال مهيب بس اراقب بيهه
اليوم نروح نشوف اهل عفراء اني وامي ومرت عمي وبطه حامل توهه جانت رحنه وجان استقبال اهلهه النه كلش حلو ناس بسيطين ومثقفين والسانهم بس الكلام الطيب يطلع منه عالساس يحددون يوم لكعده الزلم ويتفقون خابر قصي كال لامه يمه كليلهم بليل نكدر نجي ضحكنه عليه وتفقو كعده الزلم الاحد وقرايه فاتحه كالو منخبص بس قرايه فاتحه وبعدين نسوي مهر
راحو الزلم واحنه هم رحنه حفله بسيطه لبست هي بشت ابيض ستن يصير مثل الفستان بينسل وفوكا البشت يتشكل بالاكمام مال فستان مكياج خفيف شعرهه بس سرحته هي شعره طويل كلش واصل لنهايه الفخذ اتفقو الزلم وقرو فاتحه وكالو نجيب سيد يعقد حته يدخل يشوف خطيبته والله جابو سيد وعقدو مجانت متحضره خطيه توترت نخبصت بسرعه صارت ودخل قصي لابس بنطرون بيجي وقميص سمائي طالع يخبل اباع عليهم خجلانين بس يخبلون لايكين لبعض كلش فرحتلهم هواااي
أنت تقرأ
غياهب القدر
Literatura Kobiecaماذنبي لاصبح ضحيه اخطاء أخي الذي لا يستحق هذه الكلمه ما الذي اقترفته حتى اصبح فريسه بين انياب ذئب لا يحمل الرحمه
