الصديق الحقيقي ❤️

السلام عليكم ورحمة الله وبركاته
انا ملاك عندي ١٦ سنه
داخله أولى ثانوي
وفي اول يوم ليا في المدرسه
كانت جنبي صاحبه طفولتي ساره وعندها ١٦ سنه زي بس أكبر مني بكام شهر كنا صحاب اوي وقريبين من بعض اوي وبنحكي أسرارنا لبعض ومكناش بنخبي حاجه على بعض
كنا بندافع عن بعض وبنحب صداقتنا دي اوي مكنش حد قادر يفرقنا لحد في يوم من الايام
كنت قاعده ماسكه كتاب العربي في إيدي في المدرسه فجتلي ساره
-سيبكِ يا بنتي من الكتاب إلي في إيدكِ دا ويلا قومي في طالبه جديده جت على المدرسه إنما إيه شياكه كدا وحساها بنت رقيقه تعالي نتعرف عليها قومي بقى
=الله يختي مستعجله على إيه استني بس
-قومي بدل ما اشدكِ قومي
=يوه قايمه اهوه استني بس
-استنى إيه بس قومي يا بت
قامت ساره شداني
لسه هتكلم لقتها مسكت إيدي وخدتني جري عند الطالبه الجديده دي
قالت ساره
-إيه رأيكِ بقى؟
=والله لهدعي عليكِ
-ليه بس انا عملت إيه؟
=لا يختي اميره معملتيش حاجه
أمشي وريني فين البت إلي جننتيني بيها من الصبح دي
-بصي هناك إهيه الطلبه متجمعين حوليها بيتعرفو عليها جت علينا يعني
=لا يختي يلا قدامي لما نشوف أخرتها
-ماشي يلا
وصلنا للطالبه الجديده
لقينا الحته زحمه موووت
مش عارفين نوصل لها
قمت قلت لساره
=يا بنتي مش قادرين نوصل ليها
ولا تكون مشهوره دي
حتى المشهورين مش هيتجمع عليهم الكم دا
ضحكت ساره وقالت لي
-بقولكِ إيه يا ملاك
لمآ نشوفها نعرف الله
=لا يختي خليها لكِ انا راحه
ارتب اوقات الدروس إليي هناخدها
-خليكِ كئيبه كدا لا شغل ولا مشغله
=انا برضو يا ساره!
-اه امال انا
=غوري يا بنت من قدامي بدل ما اتحول عليكِ
- الله تتحولي إيه بس اهدي يا بنتي اهدي
=اهدى إيه شيفاني طالعه من مستشفى مجانين؟
- لا
=لا حاف كدا
-عيزاها بجبنه ولا مربى؟
=لا ظريفه يا بت
-الله مش قلتي حاف قلت اعملها لكِ بطعم
=ماشي انا همشي انا بقى
-سلام يا ملوكه
=سلام يا سوسو
رحت انا بقى قعدت فتحت كتاب العربي وكملت في آول صفحه كتابت مواعيد الدروس كدا قلت بدل ما اكتبها في دفتر ولا ورقه تضيع مني
راحت ساره يومها بتحاول تدخل في الحشد الكبير دا مقدرتش
راحت جايه ليا وهيه زعلانه
قلت لها
=مالكِ يا سوسو؟
-مفيش يا ملاك
=مفيش إيه وانتي وشكِ اصفر عامله زي الليمون البلدي كدا
-نعم يختي
=ايوه كذا دي سوسو إليي اعرفها
-امال من شويه كنت عمكِ ابراهيم مثلاً
=لا كنتي لمون بلدي
-نعم يما
=الله مش بقولكِ الحقيقه
-شكلكِ عايزه لمون احمر بقى
=هوه في حاجه اسمها لمون احمر انتي بتستعبطي
-اه في ما انا قدامكِ اهوه مش انا لمون برضو
=لا كدا قلبتي طماطم 🍅 بشكلكِ دا
- والله ما هسيبكِ
وتطلع تجري ورايا زي المجنونه
وانا اضحك وهيه تضحك
لحد ما خبطت في استاذه الرياضه
فقالت لي
-حضرتكِ بقى في مدرسه ولا في الشارع يا هنام انتي وهيه
قمت رديت
=في مدرسه
-لا واضح اوي انكم عيال مش بنات كبار
ردت عليها ساره
==هوه حرام نعيش حياتنا يعني
-دا برا عند أهلكم مش عندنا
قعدت الاستاذه في محاضره طويله عريضه لحد ما ارتفع ضغطها وسبتنا وِشْيتْ
قعدت اضحك انا و ساره واقول لها
- شفتي وش الاستاذه كان عامل إزاي كانت شويه وتفرقع 😂
ردت عليا ساره
=اه امال انا برضو إلي طماطم شفتي الطماطم إليي بحق وحقيقي
ومتنا على نفسنا من الضحك
رجعت قلت لها
-مقلتليش حصل إيه لما رجعتي زعلانه كدا
=كانت الحته زحمه عند الطالبه الجديده ومعرفش اعدي ولا اشوف وشها حتى
-دا إليي مزعلكِ؟
=لا مش دا
- امال إيه؟
=إليي مزعلني أن ....

(استناكم في الجزء التاني كدا اصل فصلت🐥)