من بعدها الامام عَليّ عَ هوَّ اللي غسل الرسول ودفنه
بوقتها كال " بـ أبي انتَ وأُمي ما اطيبك حيًا وميتًا "
وللعلم ما جان احد حاظر دفنة الرسول غير الامام عَليّ واهل بيته
كُل اللي جانوا يدعون الحُب للرسول ويدعون الاسلام
ما حظروهـا واستغلوا عدم وجود الامام عَليّ وفترة غيابه وموت الرسول ويتسائلون
منو راح يصير الخَليفه
ظلوا مجتمعين لحد ما علنوا انُ الخَلافه
لغيّر عَليّ ابن ابي طالب يعني مو هوَّ الخليفه اللي راح يصير بعد الرسول
سلبوا الخلافه من الامام علي مع انُ هوَّ احق بيها من كُل البشر
وهم ما نفذوا وصية رسول الله وخالفوها
ولا مشوا بكلامه من جان يكول
" عَليّ ابن ابي طالب اخي وخليفتي من بعدي "
الامام عَليّ من رجع وشاف الخلافة راحت لغيرة ومحد التزم بوصية الرسول
سأل العالم وصار يكلهم ليش بايعتوا غيري
جاوبو .. لقد بايعنا غير رَجل ولو كُنت موجودًا لـ بايعناك
رَد عليهم " أكنتُ اترك رسول الله ميتًا في بيته واخرج الى الناس لانازعهم في سُلطانه "
يعني تتخيلون الامام عَليّ يعوف الرسول ميت بدون ما يغسله ويدفنه حتى يروح يعلن الخلافه اله وياخذها
لا ما يكدر الرسول جان نفس الامام عَليّ والا اتم مراسم دفنه وتغسيله على اكمل وجه يلا كدر يرجع
لـ العالم
لكن غيرة استغلوا انشغاله بـ الرسول
و راحوا سلبو الخلافة منه سلبوا حَق غيرهم
هنـا نقسمت الناس قسميّن
اللي صار ويا الامام عَليّ عَ وما تخلى عنه واعلن اله الولاء وبايعه
وهُم اهل بيت الامام عَلي واصدقائه المُقربين
خاصة مولاتي فاطمة الزهراء عَ
والقسم الثانـي منهم بايعوا غيرة
من بعدهـا الجماعة اللي هم صار الهم كلشي
صار بداخلهم انزعاج و بغض .. شلون اهل بيت النبي ما يبايعوهم ؟
الناس شراح يكولون علينه ؟ هم صاروا من بعد النبي لكن اهل النَبي ما بايعوهم ؟
ظلت نظرة الناس الهم تاكل بيهم
لحد ما مجموعة من المُنافقين قَرروا يهجمون على بيت الامام عَليّ " عَليه السَلام "
وهُمَ ياما اجت ايام ساعدهم بيها الامام عَليّ و وكف الهم بـ مصائبهم
لكن نكروا كُلشي و قرروا الهجوم على بيته
لحد ما راحوا كُلهم تجاه البيت
ظلوا يدكون بـ الباب ويصيحون
يا اما فاطمة الزهراء عَ تفتح الباب
أو يحرقوا !
عُذرًا مولاي يا صاحِب الزَمان
مولاتي فاطمة الزهراء " عليها السَلام "
بهذاك الوقت حامـل بـ المحسن
و واكفة ورا الباب
فـ من بعد الحرق واحد منهم دفع الباب بـ رجله
ومولاتي جانت واكفه ورا الباب
الروايات تكول
انُ فاطمة الزهراء عَ نعصرت بين الحايط و الباب من خشب جذع اصله فـ جان بي بسمـار من نعصرت ونطبك عليها الباب هذا البسمـار دخل بـ جسدهـا و ضلع من اضلاعها نكسـر
ومن شدة الضغط والعَصر اللي جان بينها وبين الباب .. وكع جَنينهـا المِحسن 💔
اللهُمَ العن قاتلين فاطمة الزهراء
اللهُم العن كُل مَن ساهم بالهجوم على بيت الزهراء ودفع بابها وگسر ضلعها
