الامام عَليّ عَ هوَّ أول من جمع القرآن الكريم على ترتيب نزوله بعد النبي " صلى الله عليه وآله وسلم "
والروايات اثباتًا تكول
: أخرج ابن أبي داوود في المصاحف من طريق ابن سيرين قال: قال عَليّ: لما مات رسول الله " صلى الله عليه وآله وسلم "
( آليت أن لا آخذ على ردائي إلا لصلاة جمعة حتى أجمع القرآن فجمعته ) .
الامام عَليّ هواي ضحى وهواي صُبر
لاجل الدين الاسلامي ولاجل ينتهي الظلم والفساد والناس تتكاتف و يعبدون رب العالمين
بذل اقصى جهده بعد الرسول تعرض لهواي اذيه
منهـا الهجوم على بيته وفقد ابنة والمشاكل
جانت مُعاناة جبيرة لكن امير المؤمنين ضَحى وجان مستعد ضحي اكثر ويصبر
ظَلت الخَلافة مسلوبة من الامام عَليّ عَ سنين
بَس رغم كلشي هوَ ما قطع روحه عن العالم
ظَل يساعد المحتاج ويحجي ويا الناس يوكفلهم وينصحهم ويخطب بالنـاس
هواي منهم جانوا يلتجئون اله يستشيروا وياخذون بـ نَصيحته
جان كُلش يحب الفقراء والايتام
بحيث الامام عَليّ جان يصرف كلشي عنده في سبيل يساعدهم ويوكلهُم
ويتصدق حتى ع الناس اللي مو مُسلمين
جان يحارب الفقر
واكيد سامعين احاديثه واقواله اللي من ضمنهن
" لو كان الفقر رجلًا لـقتلتهُ "
جان كُل شهر يروح ينطي للفقراء مأكل ومشرب وياهن اموال خاف يحتاجون شي
بيوم من الايام
اكو شخص كلش منافق ومشهور بـ نفاقة بين الأمة
فـ من كمل صلاته امير المؤمنين وراد يطلع من المسجد صار بوجهه هذا المُنافق
من راد يطلع الامام علي
صاح هذا الرجل المنافق : يا عَليّ
وجان اسلوبة شبه مُستهزء
الامام علي رَد عليه : نعم
سأل الرجل وجان سؤاله انُ اني ليش ما تنطوني فلوس محتاجهن
ليش تنطي لكُل الناس الا اني ما تنطيني
هنـا الامير عَليّ من سمع كلامه راح للاشخاص اللي معينهم يصرفون ع الناس وما يخلون اي احد محتاج
فـ من راح عليهم وسألهم اكدوا انُ هم ما ينطون لهذا الرجل اموال ومن سألهم ليش ؟
جابوا وكالوا
" يا امير المؤمنين ان هذا الرجل يوميًا عندما يدخل الى المسجد يصلي يلعنك سبعين مَره !
الامام عَليّ توجه عليه وكال : أفعلًا ما يُقال ؟
الرجل جاوب : بلى .. انا اشتمك في كل صلاة ولا اؤمن بخلافتك ولا اصلي خلفك
هنا امير المؤمنين
ظل يحجي ويا ويسأله ويكله
المُجتمع اللي انتَ بوسطهم تأذيهم ؟
جاوبه الرجل انُ اني ما مأذي احد واذا تريد اسأل الناس عليه
فـ هنا الامام عَليّ عَ گال " مادام الناس مِنك في مأمن فَـ لكَ مِني العَطاء ولكَ مني التحية "
اخلاق أميّر المؤمنين .. گرم أميّر المؤمنين
حتى الانسان من عرف بي يشتمه لكن ما يأذي الناس طلب منهم ينطوا ويلبون حاجته
ياهوّ من البشر العاديه يسوون هالشي ويساعدون اللي يشتمهم ويحجي عليهم ؟
بَـس ألامام عَلي مو بشر عادي
هوَّ امام معصوم هوَّ امير المؤمنين وصي رسول رَب العالمين عليه الصلاة والسلام
