هبطت غير بلعقل . شعلت الفلاش تاع التيليفون و هبطت . لحقت للكوزينة راحت للفريجيدان دخلت راسها برك جبدت القرعة تاع الماء و راحت رفدت كاس . تكات على البوطاجي و بدات تشرب فالماء بلعقل برك . حكمت تيليفونها شعلاتو طفا لفلاش خلاتو هكاك و شافت شكون بعتلك . هكاك و حست واحد دخل للكوزينة ( اللقطة) شعلت الضو تاع التيليفون لقاتو عبد المالك ( زعما شكون راح يجي من غيرو هوا) كملت الكاس بزربة و حطاتو و رفدت القرعة رجعتها فالفريجيدان غير غلقت الباب لقات روحها محاصرة بين الفريجيدان و عبد المالك . مع كانت الظلمة ميقدروش يشوفو بعضاهم . كان هو يتنفس باضطراب في وجهها و هي تتنفس في الكور ديالو بسك كان عريان مالفوق ( تعرفوه طرزان) و اسم في ريحتو . و بدات تحكي بلعقل.
- اميرة: مالك بعد .
- عبد المالك: منبعدش .
- اميرة : وشبيك ؟ هبلت ؟
- عبد المالك بلعقل : ايه . هبلت . نتي هبلتيني .
كان يحكي و يتنفس في وجهها و هي كي تحكي تتنفس فالكور ديالو ( راني حابة نسيي هاد العفسة 😔) .
- اميرة : كيفاش ؟
- عبد المالك و هو حاط وجهو في رقبتها و يحكي بلعقل : اميرة سمحيلي .
- اميرة : على واش نسمحلك ؟
- عبد المالك: على واش قتلك اليوم . مكانش قصدي . كنت مقلق .
- اميرة : ايه و خرجت تقلاقك فيا انا . صح ؟
- عبد المالك: ايه . سمحيلي .
- اميرة : منسمحش و دوك بعد عليا خليني نطلع لشومبرة . راني نعسانة و عيانة و نتا راك تبان هبلت داخل فيا هنا شغول راجلي . ايماجيني تدخل يماك و لا حسام ( خوه الصغير) و لا باباك ؟
- عبد المالك: ميدخلوش دوك . راهم راقدين . و زيد علاش منكونش راجلك ؟
- اميرة : مالك بعد عليا زح . عييتني .
و حطت يديها على صدرو و بدات طبع فيه باش يبعد مي هوا حطبة .
- عبد المالك: حبسي متوشيني . نسخن .
- اميرة بتوتر: دونك بعد عليا .
زاد لسق فيها مليح مليح و هبط وجهو لوجها . عينيه فعينيها . نيفها يتوشي نيفو و شواربو كون يحكي كلمة يمس شوارب اميرة.
- بدا يحكي و كل ما يحكي شواربو يقيسو شواربها : اميرة سمحيلي .
- اميرة : هممم خلاص سامحتك . بعد عليا دوك .
- عبد المالك: اوكي .
حست بالابتسامة ديالو باسك كانو ڨراف لاسقين فبعضهم . هكاك و يحط شواربو فشواربها و يبوس و يعظ و زمر 5 دقائق و هو يبوس و يعظ و يدخل لسانو في فمها المفيد باسها مليح . بعد عليها بلعقل . كي حست بيه بلي بعد عليها مليح راحت تجري لشومبرة و عبد المالك كان يضحك بلعقل ( و انا راني هنا نضحك وحدي كي البڨرة لي حكموها الجنون) .
- تسريع الأحداث :
ناضت صباح اميرة على صوت آية تنوض فيها .
- اميرة : واش كاين ؟
- آية : نوضي خلينا نروحو لدار راهي جات ماما و زيد راهي 10:30 .
- اميرة: اوكي . استنايني التحت نغسل وجهي و نجي .
ناضت بلعقل . خرجت مالشومبرة دخلت للدوش رمات الماء على وجهها . و هبطت للتحت . لقات آية فالصالون مع اسامة و مريم .
- اميرة: راني جيت .
- آية : دونك حنا نروحو و اسامة منبعد نحكي مع الجماعة و نقولك و نتا احكي معاه .
- اسامة : اوكي عينيا.
خرجو من الدار .
- اميرة : واش كاين ؟
- آية : مكاين والو .
- اميرة : عمبالي بلي كاينة عفسة مي ماكيش حابة تحكي . معليش منبعد نعرف الحكاية .
- آية : هممم .
صونات آية فالباب فتحت بلقيس .
- بلقيس : اميرة آية توحشتكم .
- اميرة ؛ حياتك كومبلي و نتي معانا.
- آية : مام انا توحشتك . وين راهي ماما ؟
- بلقيس : راهي فالصالون .
دخلو لصالون لقاوها قاعدة دور فالفايسبوك . راحت اميرة تجري سوطات عليها .
- عيشة : وشبيك هبلتي ؟
- اميرة : ماما شوفي واقيل راني مريضة. عينيا مقدرتش نفتحهم و قلبي راهو يخبط يخبط و النفس ديالي يروح و يولي .
- عيشة : روحي ارقدي . كي تنوضي تولي مليحة ( هادي ماما) .
تبسمت اميرة في قلبها باسك هداك واش كانت حابة. كانت حابة ترقد . ناضت طلعت لشومبرة حطت راسها على المخدة رقدت ديراكت . اما آية راحت تحكي مع هيثم و شوقي . كان هيثم و وشوقي كيف كيف كي عيطتلهم .
- آية : هيثم .
- هيثم : صفا آية ؟
- آية : لاباس و نتا ؟
- هيثم : مليح .
- آية : وين راك ؟
- هيثم : راني مع شوقي في دارنا .
- آية : اوكي. مليح . دونك راني حابة نحكي معاكم . دير اون باغلوغ.
دار هيثم واش قاتلو.
- آية : شوف عبد المالك يحب اميرة.
- شوقي : كانت باينة بلي يحبها و هي تحبو ؟
- آية: معمباليش . دونك تفاهمنا انا و اسامة و مريم قلنا نروحو نكرو دار هاد 3 ايام فالبحر .
- هيثم : كيفاش ؟ وحدكم ؟
- آية : لالا . شوف هوما يقولو لعبد المالك و يروحو و حنا نروحو موراهم و نديرو روحنا معمبالناش بلي راهم تماك .
- هيثم : مليحة مي خالتو ؟
- آية : دوك تجي ليا سارة نحكو معاها و نقولولها بلي حابين نريحو برك و زيد نقولولها بلي مبقاش على ليكول . هكدا راك فاهم. و زيد سارة تجي معانا.
- شوقي : ايه نروحو . مي وين ؟
- آية : بومرداس .
- هيثم ؛ ايه رحنا ليه انا و شوقي . هايل هداك البحر .
- شوقي : ايه نروحو . مي وقتاش ؟
- آية : نحكي مع ماما و ادا قالت ايه نروحو ليوم على 4 تاع العشية .
- هيثم : اوكي . مي الدار ؟
- آية : قتلك بلي اسامة راح بكري دار .
- شوقي ؛ شحال فيها من شومبرة ؟ و مريم راهي جاية معانا؟
- آية : ايه جاية و تحكم روحك نتا بسك خاوتها معاها و زيد معمباليش شحال فيها من شومبرة. دوك نروح انا نحكي مع ماما مابيد ما تجي سارة و ادا قبلت نعيطلكم و نروحو.
- هيثم : اوكي .
🎥🎥🎥🎥🎥🎥🎥🎥🎥🎥🎥🎥🎥🎥
كيفاش جاكم البارت ؟ آرائكم خاوة .
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
