ONE SHOT BISAYA STORIES

TEACHER X ENGINEER

ANG ENGINEER KAY PARA RA JUD NA SA MAESTRA.

Hays, basa nako sa post. Tinuod kaha? Nganung wa pa man juy Engineer na nasaag bi? Kanus-a pa man? char basin borit.

Ingon sila na ang mga Engineer bright ranag math pero bogo na og gugma.

Eh?

"LOOKING FOR ENGINEER, PAKISUBMIT NALANG NIYA SA APPLICATION FORM ADTO SA AKONG FACULTY ROOM ARUN MASABOTAN ANG KASAL. UGMA ANG DEADLINE. DAGHANG SALAMAT!" post nako sa fb.

Daghan kayg ni comment og ni react. Hasta mga estudyante nako nang react pero kabuang ra jud nako na.

Usa ko ka maestra. Bachelor of Secondary Education Major in Engineer ray patungan. Char, kuyawan man diay. Char, Bsed-Major in English bitaw.

"Ms. Shely!"

Tawag sa akong estudyante na lalaki.

Wala nako tagda kay kahibaw ko mo submit nasad nig late na papers.

"Ms. Shely!"

Niatubang ko kay sige siyag balik balik og panawag sa akong ngalan.

"Late papers will not be accepted, Mr. Rodriguez," sulti nako og nitalikod.

"Ms. Shely, sige na ba!"

"No."

Wala jud nako gedawat ang papel sa akong estudyante.

Nisulod ko sa faculty room og nilingkod na sa akong lingkuranan.

Daghan pa kaykog checkanan na papel so dapat di mag luya-luya. Mga 2hrs. guro ko na nag atubang sa akong laptop hasta sa naay kalit na nitawag nako.

"Shely, naa raba toy nangita nimo. Gepatawag ka sa principal office," sulti sa akong amega.

"Hala, nganu? Kinsay nangita?"

Ma ampo man sad nako tanang ampo ani. Nakulbaan ko kay wala may meeting sa pagka karun. Nganu kaha?

"Engineer man daw to, yads. Abi nakog uyab nimo."

Nisamot kog kakulba. Kahibaw mo nganu? Kay wa man koy uyab!

Panington man sad ta anig ice oy samtang gapadung ko sa office.

"Hello, good afternoon," greet nako pagkasulod nako sa principal office.

"Please, have a seat Ms. Shely," sulti sa principal.

Unsa mani? Matangtangan na ba kog trabaho?

Nisulod dayun tong lalaki.

Naka puti na longsleeve na gepilo padung siko while iyang kuan nagbitay... iyang necktie. Unsa pa man diay magbitay? Kamo ha. Pero di jud ko mangatik kay gwapo jud siya.

"Good afternoon, Engineer Rodriguez."

Oy Engineer? Ka very abtik jud nakong nibarog.

"Moreklamo unta ko," sulti niya.

"Moreklamo ko kay wala gedawat ang project sa akong manghud," dugang niya.

Shuta? Manghud diay to niyang estudyante nako na si Keifer Rodriguez? Oo.

Nitaas jud akong kilay.

"Sala to sa imong manghud kay gahapon pa deadline ato niya karun ra ni submit," sulti nako.

Isog kay siyang mitan-aw nako. Oh? Reklamo lang way sukoay. Shalan ba diay.

"Ni pass naman to siya atong project," sulti niya.

"Unsa man diay tong e pasa niya kung ni pass na siya?"

Nikun-ot akong kilay.

"Kita kos post nimo sa fb. Nangita kag engineer diba? Mo apply unta ko as bana nimo, Ms. Shely. Katong e pass unta sa akong manghud kay application form to nako," matud pa niya

Getunol niya sa akoa ang application form. Ako kining gedawat.

"Kung karun ang deadline sa application form, kanus-a man ang deadline sa atong kasal?" pangutana niya.

Wa ko kasagang ato da. In-ani ra diay kasayon maminyo?

Date posted: February 18, 2021

A/N: Nagkatawa jud bitaw ko ani ay while gihimo ko ni ato hahaha. Enjoy reading!