ذئاب الحنين

الفصل السادس عشر

رواية #ذئاب_الحنين
الفصل السادس عشر
بقلمي: Jawhara

*********
نهوى الرحيل . . .
حين تنتهي كل حلول البقاء
نحمل على أكتافنا . . . أوجاعنا برأس منخفض . .
وخطوات ثقيلة . . . أشتاقكِ كثيراً
ولم أستطع أن أخبرك . . . .
أخرسني الكبرياء يا سيدتي . . .
لا جديد غير أن هناك حنين فتك قلبي، . . . وشوق يريد تمزيقي،​‌ .
وذكريات مؤلمة تسيطر على ملامحي . .
لا أحد يشعر ما أشعر به . . أبكي، وأضيع، . .
وأحتاج لحضن أرتمي به ولا أجد، . . .
ثم أنهض على أمل أنهم سيشعرون. .
عدت لعزلتي . . . .
حتى لا يأتيني يوم أراك بالصدفة، . .
في أي مكان . .
في هذه العالم البغيض . .

********
اسحاق فار دمه وبقى يضرب بسيف الي ماقصر هو بالضرب
زجرة صوت قوية خلت سيف يبتعد خطوات عن إسحاق الي تاذى بعينه وبدأ جرح بطرفها ينزف د م
بيرغ دخل مطير عيونه عليهم مصدوم من الي شافه
زمخ بقوة وعينه تتجول بيناتهم ..
_ اصاااااير شنوووو. !!! خل افهم سويتونا فرجه للوادم
بقت عينه على سالي تبجي وترجف وشعرها مخربط ،،
اسحاق تلفت يدور شماغو والعكال شالهم نفضههم ورجع لبس شماغو وعكاله وجر نفس قوي يهدي روحه لأن مهما كان سبع وشخصيته قوية يبقى غريب ديرة ولحاله
نتر بيرغ بي وهو يحاول يفرزن منو الرجل هذا ممتاكد
_ منو انت !؟
اسحاق رد بغضب وهو يضغط جرحه بطرف الشماغ
_ من طرف صفوان ،، وسمعت صريخ البنت ماردت ادخل بس صريخها وطلبها أحد يساعدها خلاني ادخل بيتك واطلب منك السموحه ادري مايحقلي وعيب علية بس خل نفسك مكاني وانت تسمع حرمه تصرخ تطلب فزعه
رد سيف الي حس انو سوايته السواها راح تنقلب عليه ،،، خشمه لازال يقطر د م ومنظره مبهذل عالاخر
_ ها ابن عمي تريد تسكت والعار صابك ضحك عليك بكلمتين انا شفته وياها بنص بيتك ما خلى حرمه للبيت وصاحبه رجال غريب شلون يدخل بيتك بنت اخوك مواعدته
زمخ بيرغ بعصبية ..
_ تنطم وتسكت سالي ما تطلع منها العيبة
_ الا طلعت وانفضحت ،،، من الاخير أنا استر عليها اخذها و محدن يحجي بيها
عاطت سالي الي خاتله ورى جدتها ..
_ والله العظيم جذاب ،، عمي لاتصدكه هو تحرش بية والله والله دخل علية للحمام والبيت فارغ بس انا كمت اصرخ وشرد من اجى هالرجال يساعدني
بيرغ تذكر من اتصل باسحاق انقطعت المخابرة فجاة يعني كلام اسحاق صحيح وهو وين يعرفها لبنت اخوه رجال غريب والموقف صعب والاصعب صارت سالفه بوجهه شلون مخازي
اقترب من سيف وشال أيده ركعه سطره
_ صخم الله وجهك تريد تفضحنا انت طلعت راس البلا تتحرش ابنت اخوي ورب العزة ولا اسكتلك
سيف بحركه عاط وأشر على سالي ..
_ هاااي بنت اخوك فضيحتها باجر تملي البصرة الا اخلي الكل يعرفون بيها

_ انت تخبلت اكو واحد يفضح دمه ولحمه يالاغم هاي عرضك
_ اسمع بيرغ أنا اكلك شفتها وي هذا شنهو اجذب عيوني شفتهم بالمطبخ. شلون يدخل لبيتك ها كلي شلون
اسحاق بغضب متصاعد وهو الود وده ينهي خلاص ويكص لسانو
_ انت جاي تخدع الرجال يول انت شفتني اي صدك بس أنا دخلت اساعدها من سمعت صريخها