خادمه_على_عرش_الثراء❤🔥
حلقه❤11
❤آلَـيَتٌـآ Alatta❤
_________________♡
خشت دينا و قعدت قريب ساعتين و عمك احمد مش مهني روحه 😅 من غمزات 😉 و تعزيق كلام بعدها تبي تروح دارين طلعت معاها حضنتها 🤗 بعد دارين كانت تبي تخش في حد ناداها
دارين😳 نضال
نضال: في خاطره عليك جمال 😍 دارين الحمد لله على السلامة عجبك الورد
دارين: الله يسلمك شكراً حلو تبي حاجه 🤨
نضال : نبي زين في شغل .... في خاطره غير نبيك انتي شن نبي في وجه هضا 😈
دارين: مش قاعد كان تبي انا نقوله 😒
نضال: لا توا نراجي
دارين: باهي خش تفضل
طلعوا للجنان قعدوا يهدرزوا و زين وصل للحوش نزل شاف سياره نضال ركبه ستين عفريت 😡😡 هضا الآخر شن جابه توا و زين خش للحوش شافهم يهدرزوا في الجنان و دارين تضحك .. بعدها نضال دار روحه جاي يقابل في زين لموضوع شغل 😂😂
زين: قريب أنكلب ..... إن شاء الله خير شن جايبك توا 🤨
نضال: كنت نبيك في موضوع
دارين: هياا باي و شكراً على الورد 🙃💐
نضال: لو نحصل نجيبلك ورد العالم كله يا وردتي 😍
زين: الضغط رقا شوي و قتله 🤬.......كلامك معايا في الشغل .. و أنتي دارين خشي🙂
دارين:😒😒
زين: شن تبي انا مش فاضي
نضال: بعد كم يوم عيد ميلاد ساره و أنا نبي نديرلها مفاجأة 🤓
زين: باهي و انا شن دخلني
نضال : انت خطيبها يعني شنو شن دخلك
زين: انا منحبش الجو هضا بتاع التفشيك و كان على الهدية ندزها لها مع أمي حاجه ثانيه 😒
دارين : ماسكه ضحكتها 😂
نضال: اسمع يا زين ساره أختي و أنت خطيبها و لازم تحترمها و اديرلها قدر و توا سلام يا زين ... و التفت لدارين .. باي يا حلوه 😍
و مشى بدون ما يراجي رد من زين 🔥🔥
________________
زين شايطة فيه نار 🔥 خش للمطبخ
زين: و هوا راقيله 😡 كمين مره قتلك معش تحكي معاه صصح
دارين: انت شن دخلك نحكي مع من ولا نحكيش مع من غير الها بخطيبتك و فوتني 🙂
زين: اسمعي انا عفاريت الدنيا تتنطر قدامي آخر مره أنشوفك تحكي معاه 🔥😡
دارين: انا ما حد يدخل في حياتي تسمع 😠 فيا
زين: أنتي ليا أنا بس أنا بس 😡 و آخر مره أنقولها و خبط🚪 الباب و طلع
دارين: أنا كيف نبي انتحمل الوضع هضا 🥺 و المصيبة اني انحبه 🤦🏻♀️
__________
عند ساره
ساره: شن صار معاك وافق
نضال: غير انتي شن عجبك فيه هالمتوحد هضا .. ياريته يعامل فيك كويس بس 😒
ساره: غير انت خليك في الخط بس و الباقي خليه ليا
نضال:طرف يا هووو 😍 بو نسيب محظوظ اللي عايش مع جمال هضا 😌😍
ساره: نضاااال اسكت خيرلك و عزقت عليه مخده
نضال: طلع هيا باي يا نفسيه
ياسمن: انت هيه احكي مع اختك كويس
نضال: 😒😒
ياسمين: ما تخافيش انا معاكي و بكرة نبي نمشيلمهم عشان نشوف البنت و بالمره نحددوا موعد العرس
ساره: أنتي احلى مام 😘 هيا باي نبي نرقد
____________________
❤آلَـيَتٌـآ Alatta❤
_________________♡
في الليل🌙✨
هديل: تبحت في التلفون📱قريب نص ساعة و خداته و رنت على آدم
آدم كان يقرا في رواية 📗 في قلبي أنثى عبريه ..
( أكيد أنتوا توا تقولوا كيف واحد كيف آدم يقرا مش شرط الواحد يقعد تافه او يقعد بتاع بنات ما يقرش المهم خلونه في روايه 🙂 )
تلفونه رن بحت في الاسم لقاها هديل
ادم: كيف خطرنا عليك يا مزه 😄
هديل: انت فيش ادير 🙃
ادم: نقرا 🤓
هديل: ممل بكل 🙄 أنت توا بتسمع كلامي 🤐
ادم: شرفي أتحفينا 😏
هديل: حط الكتاب على الطاوله
ادم:تمام 🙂
هديل: توا نبي ندزلك فلم اكشن كوميدي 🎞 وصل
ادم: اصبري شوي وصل
هديل :تمام توا عدي للمطبخ طلع اي مشروب 🍺 انت تحبه و حط فوشار 🍿 و ولع الفلم 😊
ادم: تمام ي مجنونه 😂💖( غزل مواليد 90 😂)
هديل:بكرا نبيك تقولي عجبك الفلم و لا لا 🙃
ادم: يضحك فيه أي أوامر أخرى ... هيا باي
هديل: باي ... بعدها سرحت
______________
عند دينا
دينا ماسكه تلفونها و تتفرج على صور احمد : شكلي بديت نحبك ❤ بس نكرهك و نرايفلك بس في نفس الوقت نقعد من دونك أحسن نبيك تطلع من حياتي و في نفس الوقت نبيك تقعد 😔 اوووف يا
(انا: دينا معش عرفت انتي شن تبي حيرتيني !!🤨
دينا: انا بروحي مش عارفه عليش تسألي فيا 🙄
احمد: ست الحسن تبي تشعفني 😌 بس على من انا اللي توا نشعفها 😏
انا : انت زارق في أي موضوع
احمد: موضوع شور الحلوه معجونه معناته شوري و نص 😌)
_____________
تاني يوم🌈☀️
دارين توتي في طاولة الفطور 🍒🍇 زين نزل عشان يفطر
تلفون سمر رن
سمر:الووو ياسمين شن أخباركم ....... أكيد تفضلوا مرحبتين
زين:🤨🤨
هديل: شن يبوا عيت مغرورين 🤨
سمر: يبوا يجوا عشان نحددوا موعد العرس
دارين: 💔 مسكت دموعها و خشت للمطبخ
زين: بحت في دارين و كان يقولي في خاطره انا مش حناخد غيرك
دارين: تبكي اناااا كيف نبي انتحمل العذااااب هضا😭 كيفف مسحت دموعها و طلعت للجنان اتصلت بدنيا
بعد كم ساعه وصلت ياسمين و خشت تسلم
دارين طلعت تضيف عشان الخاله عائشه كانت مريضه و ما جتش
و هيا تقدم قلبها يتقطع 💔
_______________
عند الخاله عائشه
تلفونها رن
الخاله عائشه: شن تبي توا حتى في حوشي مش مريحني😌
خليل: فكرتي في الموضوع
الخاله عائشه: اوووف 😒😒 تمام بس عندي شروطي و مش ح نوافق إلا بيهن
خليل: أشرطي يا عسل خليل مصباح يلبي الأوامر 😉😅
الخاله عائشه: 😂
___________________
❤آلَـيَتٌـآ Alatta❤
_________________♡
زين كان في الشركه و تفكيره كله في دارين و كيف قعد يجرح فيها 😔💔
ادم: تعرف قصة حبك لدارين لازم تنشهر كيف قيس و ليلى ❤
زين: معش عرفت شن ندير كل يوم يمر أنتعلق فيها
أكثر و حتى الشغل معش ركزت فيه
ادم: في حل واحد بس
زين: اتحفني بحلولك 😒
ادم : أخطف البنت و تزوجها
زين: شن تخرف أنت مش وقت خفة دمك
ادم: عندك حل آخر
زين: حط يده على راسه
( مرات الظروف تكون سبب في جرح و كسر قلوبنا 💔 بس لازم نتحملوا 😔🥺 )
ياسمين مش مقصره إهانات طبعاً و ساره لما تطلع دارين قريب تموت
ياسمين: عن أذنكم نبي الحمام و دارت روحها ماشيه للحمام بس مشت للمطبخ و حكت مع دارين
دارين: اهلً أبله ياسمين ليش جيتي كان ناديتيني راه طلعتلك
ياسمين: اسمعي الطروح متاع البنات الطيبات ما يمشنش عليا و الجو متاع تاخذي خطيب بنتي فوتيه و كلامي واضح خير ما نديرلك شي نخليك تتمني الموت و ما تشوفيه 😠
دارين: باستفزاز .........اسمعي بالنسبه لخطيب بنتك ما درتش معاه حاجه غلط و لا نبيه أشبعي بيه أنتي و بنتك و التهديد توا ما يفيد شي انا ما عنديش حاجه عشان نخسرها مهما اديري عادي 😉
ياسمين: قلت أنبهك بس ... و طلعت
دارين: عليك نماذج حقيره
__________
في الليل🌙
روحوا أهل ساره و قعدت دارين تحوس في المطبخ ....رنت دينا على دارين و قعدن يهدرزن و بعدين اتفقن أنهن يتلاقن بعد كم يوم
و خشت دارين رقدت
......
____________
ثاني يوم☀️
مختار يفكر و يفكر لين وصل لحل واحد
مختار: نفذ الكلام اللي قتلك عليه 😈
مجهول ....
_________________
يتبع .....
نضال كيف ح يحاول يتقرب من دارين 😈 و زين و دارين شن ح يصير فيهم 💔😔 احمد و دينا حتى هما شن ح يصير فيهم و خاصة أن دينا مش عارفه شن تبي ؟! و ادم و هديل كيف ح تتطور علاقتهم 🥺💔 و الاهم من هضا اللي حكى مع مختار و شن يبي يدير 🤷🏻♂️
نبي تفاعل 😍 ي عسولات
❤آلَـيَتٌـآ Alatta❤
