ريما:يلا بدق على احمد
احمد:هلا شبغيتي؟
ريما:الاكل جاهز تعال
احمد:تم
منيره طلعت من الغرفه:ريما عطيني مالي خلق احط لي
ريما:ياااليل انتو تراني مهب شغاله عندكم!
منيره:لايكثر
ريما:اف طييب طيب لاتموتين استغفرالله
احمد وصل واكلو وخلصو:
........................................
ولايف دخلت لغرفه بهاج ولقته نايم:
ولايف:بهااااج قم قم شفيك للحين نايم الصلاه
بهاج:طييب طيب اطلعي وقفلي الباب وراك
ولايف:تستهبل انت اقفل!! اقولك الصلاه
بهاج:طيب بقوم
ولايف:يمممه بهاج عيا يصحى!!
نوره تنهدت:خلاص خليه علي روحي قومي ليان وابوك واورنس
ولايف:سمي يمه
ولايف دخلت غرفة اورنس:اوررنس الصلاه شفيكم انتو قوومموو!
اورنس:طيب شوي شوي
ولايف:يلا قوم بسرعه
بهاج الوحيد الي صحى اما الباقي لا
ولايف:بهاج رح قوّم ليان واورنس
بهاج:وابوي وينه!
ولايف:طلع مب موجود
بهاج:طيب
ولايف:لييااااان قووومميي شوفي الساعه كم!
ليان:جعلك الماحي شوي شوي علي اذني انفجرت من صوتك!
ولايف:لاتدعين طيبب وقومي!
ليان:طيب لاتموتين
نوره:الله يهدييكم اسكتو!
ولايف قامت للمطبخ:
اورنس:شتسوين
ولايف:وش بسوي يعني
اورنس:شفيك منفسه
ولايف:كله منكم
اورنس مط شعرها بمزح
ولايف:حسبي الله عليك انقللع براا!
اورنس:ماني بطالع
ولايف:ياااليل الحين يبدأ مزحك الثقيل
بهاج دخل على صوت الهواش
بهاج:بسم الله خير؟
ولايف:شف ذا مط شوشتي ويقول مزح
بهاج:اورنس! خير ان شاء الله
اورنس:شدعوه امزح معها!
بهاج:ماينمزح كذا
اورنس:زززيين سم
بهاج مسكه وطلعه برا المطبخ
ولايف:اعوذ بالله منكم!
ليان:بهااااج تعال
بهاج:ياليل
ليان:اخلللصص
بهاج:نعم؟
ليان:ابيك توديني عند صديقاتي تكفى تكفى
بهاج:وامي اكيد مابتوافق!
ليان:طيب اقنعها تكفى
بهاج:وابوي قلتي له؟
ليان:ابوي خله علي الحين امي
ولايف جت
ولايف:شفيكم؟
بهاج:تبي اوديها عند صديقاتها بس يمكن امي ماتوافق
ولايف:اوه ذي بالاحلام يعيوني
بهاج: خلاص انا بقولها وبشوف وش بتقول
بهاج طق باب غرفة امه
نوره بأستغراب:مين؟
بهاج:انا انا يمه
نوره:ادخل
بهاج جلس
نوره:وش بغيت؟
بهاج يمه ليان تبي تروح عند صديقاتها عادي؟
نوره:طيب بس ولايف معها
بهاج:طيب
بهاج طلع وقال لليان
ليان:الحمدلله تم
ولايف:يوه والله مالي خلق اطلع اليوم بس عشانك
ليان:يلا خلصت انا
وصلهم بهاج وكلشي وسولفو وبعدين رجعو البيت
.............................................................
مسعود قرر يروح ل احمد
وصل ل احمد
احمد:ارحب ارحححب
مسعود:يوه من زمان عنك
ريما جت تراكض وهي تشوف بجوالها كانت تبي توري احمد شي
وجت تقول احمد شف شف
احمد:هههي شفيك انتي ماتشوفين في ناس!
ريما:يمه اسف وربي بالغلط
احمد:خلاص طيب لاتنعاد!!
احمد جلس يسولف مع مسعود
مسعود:اقولك ودي اتزوج
احمد:اح توك بزر
مسعود:وشو بزر يخوي
احمد:لاامزح بس انا معك تم والله
مسعود:على اذنك
احمد:تو الناسس
مسعود:عندي شغل شويات
احمد:تم
راح مسعود ل اخته الماس:
مسعود:الماس ودي اتزوج
الماس:تم عادي بس مين يعني؟
مسعود:اخت احمد
الماس:اي وحده!
مسعود:ريما
الماس:يمه توها صغيره حرام
مسعود:ماادري
الماس:خلاص بشوف خل يترتب الوضع وكذا
مسعود:تمام
_________________________
عند عبدالله
ليا:يمه ولدك ذا احس فيه شي شفيه يعاملنا كذااا
فهد:اي صادقه!
نواره:عبدالله من اول ماولد وهو كذا شسوي له!
لميار:الله يصبرنا عليه
عبدالله:تتكلمون فيني شكله؟
فهد:بسم الله اذنك وشو!!
عبدالله:اي اي انا كذا من اول ماانولدت قاسي عندكم شي؟
ليا:خلاص انقلع برا ترفع الضغط!!
عبدالله: وخري انتي الثانيه
وبعدين طلع عبدالله وهو يفكر بكلام ليا عنه وحس انه يبي يتغير
بهاج دق عليه
عبدالله:هلا والله امرني شبغيت
بهاج:ابد بس ابقولك تطلع معي؟
عبدالله:مانقول لا
بهاج:تم انتضرك
وصلو وسولفو
عبدالله:احس اني مقصر مع خواتي ودايم يقولون ل امي عني ويقولون اني قاسي عليهم وخصوصا ليا كلشوي تتكلم عني عند امي بس انا ابي مصلحتهم
بهاج:عبدالله اسمعني ترا ذول خواتك سندك بعد الله تراهم يحبونك عشان كذا يقولون ل امك عليك يبونك تتعدل تعدل وخلك حنون معهم تراك اخوهم!
عبدالله:يصير خير
بهاج:يلا انا بروح
عبدالله:معك
وصلو وبهاج راح للبيت ولقى ولايف تصيح وحالتها حاله
بهاج:شفيك!
ولايف:اااببووويي
بهاج:ولايييففف شصاار تكللمي
ولايف حضنت بهاج بكل قوتها
ولايف:بهاج ابوييي يابهاج ابوي راح
بهاج انننصصددم مره وجلس متصنم بمكانه
ولايففففف وش تقولين!!
ولايف:بهاج لاتقول ل امي تكفى
بهاج:مردها تدري الحين وين ليان واورنسس؟
ولايف تشاهق:بغرفتهم
بهاج دخل وليان تبكي على الصامت
بهاج حضنها وقالها معليك الله معنا
دخل وشاف اورنس حالته حااله
ودموعه تنزل وبهاج كان يحاول يقوى قدامهم عشان مايزيدون
ولايف:بهاج لاتعلم اميي
بهاج:مردها تعرف!
ولايف:اخخخ الله يرحممك ياابويي
بهاج:انتي من علمك!
ولايف:ريما بنت خالي وصلهم الخبر وامي نايمه
بهاج:طيب كيف نقول ل امي يارب صبرك
قامت امهم وبهاج فاتحها بالموضوع وقالها
نوره:كيف!!!!!
بهاج:يمه خليك قويه تكفين كلنا بنموت
نوره تتببكي بحرررقه وولايف حضنتها وتطبطب عليها
ولايف:يمه هذا القدر وهذا يوم ابوي ترحمي عليه
سوو العزا وكلشي وخلصو وكانو طول الايام مع امهم ومايتركونها
بهاج كان سند لهمم وكان قلبه يحترق على ابوه بس مايقدر يبكي قدامهم كان يبكي لحاله ويحاول يقوي نفسه قدام خواته
بالنسبه لليان كانت طول الوقت بغرفتها وماتاكل ولاتشرب بهاج كان يحاول فيها كثير بس هي ترفض وماتبي تاكل
اورنس كان حززيينن حزن واكثر واحد حزن على فراق ابوه
ولايف كانت اكثر شخص مهتمه فيهم وتخاف عليهم من بعد ماتوفى ابوهم وكانت ماتذكرهم فيه وكانت تطلعهم عشان يغيرون نفسيتهم اما بهاج كان دايم يروح ل احمد ويفضفض له واحمد كان يسمع لبهاج ويواسيه ولايف كانت تروح ل ليا ولميار بس ماكانت تفضفض تكتفي بصمتها وكانو يحاولون يغيرون نفسيتها ويسلونها
ليان مرت ايام كثييييره وهي ماتطلع من غرفتها
جا يوم وبهاج دخل عليها
بهاج:ليان
ليان:وش بغيت ياخوي
بهاج:خلاص لاتفكرين كثير اطلعي من الغرفه غيري جوك مايصلح كذا وانا اخوك!
ليان:بهاج من بعد ابوي ماصرنا بخير كلنا
بهاج:انا ادري والله اني ادري وحسيت زيكم بالشعور بس اصبرو ان شاء الله ربي يفرجها
ليان:تعال هنا
بهاج جا عندها
ليان:من بعد ابوي صرنا كلنا مب بخير وامي نفسيتها تدهورت وش نسوي الحين حتى اورنس صار مهمل كلششي وكل يومه بكى
بهاج مسك كتفها مب احنا بس الي ابونا توفى صح ماكنا نبي نحس ب مر الشعور بس هذا القدر ولازم مانعارض قدر ربي
ليان:صح كلامك بس...
بهاج:مافي بس انتي اطلعي من غرفتك عشان بعدين اذا دخلتيها بتتذكرين وتفكرين وهذا الشي بيزيد حزنك
ليان:سم ياخوي بس وين ولايف؟
بهاج:عند لميار وليا
ليان: ودني عندهم
تم البسي ويلا
وداها عندهم وجلسو وسولفو
بعدين بهاج جلس يفكر كيف يسعد اخواته بعد حزننهم وامه الي حالاتها مره لا
راح عند امه وقالها بتعدي ومن هالكلام يحاول يهديها
امه:الله يخليك لي
بهاج طلع وراح يجيب ولايف وليان وجابهم للبيت وراح ل اورنس بغرفته
بهاج:اورننس خلاص لاعد تبكي ترا ذا قدر ربي محد يقدر يعترض وكلنا بنمر بهطريق
اورنس حضن بهاج وهو يصييح بقووه
بهاج:خلاص لاتصييح
اورنس:بهاج الحين بنكون ايتام ومين يهتم فينا ومن هاللكلام
بهاج ودموعه تنزل انا بكون ابوكم الثاني
اورنس ناضره وابتسم
بهاج:لاعد تضايق نفسك
اورنس مسح دموعه وطلع برا الغرفه
بهاج كان صعب عليه يشوف خواته واخوه وامه يبكون وهو مايقدر يسوي شي غير انه يواسيهم
ولايف كانت مره فخوره ب اخوها وكيف هو عوضهم عن اشياء كثار
________________________
جت ريماس عند نواف
ريماس:نواف يوه تقطع قلبي على بهاج وخواته احسهم صارو هاديين من بعد ابوهم
نواف:اكيد ابووهم
رحاب:اخ ياعمري عليهم والله حزننوووني
نواف:الله يعوضهم
ريماس:رحاب اقول ل ولايف نجي بيتهم نغير جوهم؟
رحاب:تمام يلا
ريماس ارسلت لولايف وقالت لها وولايف وافقت على طول لانها كانت تبي احد يغير نفسيتها وهي من زمان ماقابلت ريماس ورحاب
ريماس ورحاب لبسو وطلعو لبيت ولايف
بهاج بالغلط دخل بس غض بصره على طول وولايف جت عنده قالت في ناس ياحمار
بهاج:اسف قسم مادريت
ولايف:خلاص تم شبغيت
بهاج:كنت ابطلع لنواف برا يبيني بس ابي جوالي نسيته عندك
ولايف:خلاص بجيبه لك ثواني بس
كككيفف البارت بالله ادري في شوي حزن بس كيف؟
الجايات افضل❤️
