"يامساء هالليل ياعطر ودخون ‏ياغرام باهر يا أحلى العمر"

18

"مزرعة ابو جاسر "
عند البنات/الفجر٤:٤٦/غرفة سحاب
البنات كانو متجمعين عند سحاب يسولفون
سحاب:ياراسي ما اصدق بجلس عندكم
ورد:والله فله احمدي ربك خذيتي غيث
لمياء : من قدنا بتجي ساحبي عندنا
سحاب مشاعرها كانت متخربطه ماتدري تفرح انها تفتك من امها وراشد او تزعل لانها بتفارقهم
غرام : بنات شرايكم نروح السطح ونسوي لنا جو
ورد : تمم حتى فيه فكره لحلا براسي مشتهيته
لمياء : اجل انا وسحاب بنرتب الجلسه وانتم سوو السناكات وكذا
غرام فزت بحماس وسحبت ورد معها : من عيونيي
وهالشي خلى سحاب توقف تشغل عقلها ومشاعرها وتستانس مع البنات
لمياء : سحاب يلاا شيلي هالجلسه وحطيها فوق
سحاب : وباخذ البطانيات بعد والبروجكتر
جلسوا يرتبون الجلسه وكان الجو يجنن  ونسانس ياخذ العقل
«عند ورد وغرام »
ورد راحت تشوف امها انكانها تبي شي
وبدت غرام تسوي الصوص وتجهز الصحن ولا تخلوا من من لمساتها الحلوه
جت ورد : بسوي لنا فرنش توست يموتت شفت وحده مسويته وتحمست اسويهه
غرام : وش هالفطور الرايق هههههه
ورد : حبيبتي ازبطك انا
غرام : تراني مسويه ورق عنب وملفوف
ورد بتلذذ : يميي احب الملفوف عشقي
غرام بعبط : كانك سيوف يموت فيه
ورد  : عاد تصدقين كل اخواني مايدانونه
بدت ورد تسوي الفرنش توست جابت التوست قطعت اطرافه وحطت عليه نوتيلا وطبقتها على بعض وغمستها ببيض وجهزت المقلاة ودهنتها بزبده وحطت عليها التوست لما حمرت واخر شي حطت عليها سكر بني
وسوت كم حبه وبدو يودون الاغراض فوق
غرام بانبهار : يمامي الجوو والجلسه مبدعين
حطو اغراضهم وبدت الوناسه الحين بين ضحك وسوالف
غرام : بنات خلونا نتابع فيلم فيه واحد اعرفه يجنن بس رعب
ورد بخوف : لا يمه اكرهم اخاف
سحاب بضحك : ماتوقعتك جبانه يابنتي
لمياء : تم احب الافلام وردوه واجهي مخاوف
جلسوا يتابعون الفيلم بين ضحك البنات على ورد وسحاب الي ماتوقعوه
لمياء وهي تسكت ورد : اصص لايقومون يا خبله
غرام ميته ضحك : ماتوقعتكم كذا هههههه
ورد وهي ضامه لمياء : اجل مين الجبان سحابوه ياحماره
سحاب بخوف : ماتوقعته كذا يخوف
غرام : مقدر بروح الحمام واجي ياويلكم تشغلونه
راحت الحمام وللحين تضحك عليهم
وسمعت صوت احد يهاوش بغرفة قريبه من عندها
غرام تكلم نفسها : استهدي بالله ياويلك تروحين ذا كانه صوت باهر مقدر بس بسمع وارجع
شافت باب الغرفه مردود وباهر واقف عند الدريشة يكلم بالجوال ويدخن