دوامة الحب

الفصل الاول

**كولنا فينا عيوب كلنا عندنا ماضي كلنا عندنا ذكريات و جروح حتا حد فينا ما نقي حتا حد فينا ما طاهر كلنا فينا شي حاجة خايبة و حتا حد ما كامل فينا... الجمال يكمن في الاختلاف ليس المثالية اننا نجريو ورا المثالية كايخلينا نضيعو بزاف ديال الحوايج لي حتا هما زوينين السعادة ماشي بالفلوس و إنما بالتفكير نستغلو داكشي لي متوفر عندنا نحافظو عليه ماشي نخليوه و نمشيو نقلبو على حاجة خرا **
Flash back
(..) : < صافي غانبدا من جديد صافي انا قررت غانخلي كولشي و غانبدا من لول صافي صافي باركة من البكا صاف انا قوية انا قادرة نديرها اه غادي نفوت هاشي كامل صاف دابا خاصني نمسح دموعي غانمشي ندوش و نجمع حوايجي صاف مزيان غانبدا من لول غانكون سند لراسي هادي 3 ديال الصباح خاصني نزرب قبل ما يفيقو >
خرجت هازا لافاليز ديالي جسد بلا روح غانخلي عائلتي حياتي مدينتي بيتي دارنا لي كبرت و عشت فيها غانخلي كولشي غادة خارجة من الدرب و كانهز راسي كانشوف و كلامو كايتردد ليا فدماغي " انا ما بقيتش محتاجك فحياتي انا مكتفي براسي نتمنى ليك الخير" دموعي نزلو بلا ما نحس هو اه هو الدري لي بغيت و عطيتو قلبي و لكن صاف انا غانبدا من لول اه
هادي 05:30 ديال الصباح الطيارة تحركات من الديار المغربية للديار الفرنسية.... دازت 3 ديال السوايع حطات الطائرة فالمطار هبطت ضرب فيا الريح درت الإجراءات اللازمة
خرجت شديت طاكسي الوجهة هي حي ستان هبطت كاندور و نقلب تما على دار مناسبة للكرا فعلا لقيت مع كنت هازة معايا شي أمانة فالاعوام اللولة دوزت العذاب خدمت فبار كسرباية خدمت فواحد المصنع ديال الخياطة خدمت كمربية خدمت فواحد الباتيسري صبرت كافحت و حاربت طحت و نضت و ما ستسلمتش دوزت معاناة كبيييرة و مع ذالك صبرت و كملت قرايتي
End of flashback
اليوم فقت شوية معطلة جا بالحد و الحد ما كاين حد اليوم ما كاين خدمة و اليوم هو عيد ميلادي اليوم كملت 24 سنة نضت ضربتها بواحد التدويشة و لبست واحد الكسوة خفيفة فالغوز بيبي الدار عندي دافية وخا شهر ديسمبر دابا دخلت الكوزينة صاوبت الفطور كليت و دوزت النهار عادي شوية جمعت شعري كعكة مهملة و لبست طابلية و قلت غانصاوب كيك ديال عيد ميلادي صاوبتها ساليت حطيتها تبرد و تشد فراسها و انا مشيت كانقدي فشغلي فالبيت
-_-_-_-_-_-_-_-_-_-_-_-_-_-_-_-_-_-_-_-_-_-_-_-
فالديار الامريكية كان الثلج كايطيح و موسيقى كلاسيكية خدامة فديك الغرفة شاد فيديه كأس ديال
الشراب كايسرب منو مرة مرة عينيه ولاو حمرين و فمو حتى هو الشراب بدا كايشد فيه و راسو بدا كايعطيه الحريق طلق الكاس من يديه و تشتت فالارض دفعو برجليه و ناض طلع الفوق تكا فوق الناموسية و نعس
-_-_-_-_-_-_-_-_-_-_-_-_-_-_-_-_-_-_-_-_-_-_-_-
20.00 واحد جوج تلاتة happy birthday to me نفخات على شمعة لي لوسط حيداتها قطعات gâteau و كبات ليها كأس ديال عصير رمان دوزت عشية زوينة مع راسها داز الوقت ضغيا دوموندات على pizza. وجدات الأجواء ديال فيلم و كملات السهرة ديالها
-_-_-_-_-_-_-_-_-_-_-_-_-_-_-_-_-_-_-_-_-_-_-_-
هادي المرة السابعة لي تليفون كايصوني و ما سمعوش حيت نعاسو تقيل.... مد يدو بزز لتيليفون جاوب و هو باقي شاد فيه النعاس
... : Marwan where are you we are in need for you in the French branch
مروان فينك محتاجينك ضروري فالفرع ديال فرنسا
Marwan : Who are you
شكون نتا
.... : Marwan focus with me we are in dire need for you take the first plane and come
مروان ركز معايا حنا محتاجينك ضروري خود اول طيارة و اجي
Marwan : OK
ناض مروان بلهلا يطريه ليه خدا ليه دوش و قاد ليه كأس ديال القهوة باش يالاه يصحصح شوية
شاف فالساعة لقاها 22h30 ديال الليل يالاه يشد الطريق مشا للقسم الخاص طبعا ما يمكنش يجي فطيرة عادية
بعد مرور 8 ساعات
نزل فمدينة الحب
L'bnat had l 9issa zwena vraiment khassa takhoud hqha ma knbghe h ntwl bezaf f les parts o ntwl l ahdat bezaf knder ما قل و دل bonne journée /nuit ❤️