رياح هائجة

بارت 1

#رياح هائجه
#للكاتبه: الخفاجيه
#بارت 1
★★★★★★

أريج:واكفه كدام المرايه اباوع لملابسي لابسه تنوره سوده وقميص بيجي وشعري فاتحته واصل لركبتي جريت الحمره طوختها وخليت عطر جريت جنطتي ونزلت شفت العائله الكريمه كلها كاعده وجانو يتناقشون بصوت عالي من شافوني سكتو ما هتميت صبحت عليهم ووكفت اسوي لفة الي
مها: كعدي اكلي احسن من الفه خاف تجوعين
أريج:لا راح يجي السايق ما اكدر اكعد اكل اخذت لفتي وطلعت شفته واكف ينتظرني سلمت وصعدت اكل بلفتي واسولف ويا بنت خالي وصلنه للكليه نزلنه رحنه للقسم كعدت بمكاني
ساره:قريتي امتحانه
أريج:اي ونتي
ساره بضحكه:هههه اي
أريج:منج من الشيطان تقرين شعجب
ساره:مدري حتى اني متعجبه والله
أريج:بدت المحاضرات دك علينه منا لي 1 اله خلصنه رجعت للبيت ميته تعب وحاره بدلت ملابسي ونزلت اساعدهم بلغده وكتها غدانه جان تمن وتشريب دجاج احمر اجوي ابوي واخوي من الشغل كعدنه نتغده

علي:اليوم نروح لبيت اهلي مسوين ثواب على روح امي
مها:بيش الساعه نروح
علي:اني هسه شوي واروح لان نطبخ وانتن بكيفجن شوكت تروجن روحن
مها:العصر نروح
أريج ببرود:واني شنو اروح
مها:شي اكيد تروحين يمه
أريج:عندي امتحانات ما اكدر
علي:بويه بس اليوم تحملي روحي عيب شيكولون صارلج هواي ما رايحه لبيت جدج وبيبيتج وجدج يسؤلون عليج
أريج:ماشي بس ارجع من وكت
علي:ميخالف عود اياس اخوج يرجعج
اياس:اي مو اياس يشتغل يمها
علي:اختك وغصبن عليك
أريج:كملنه غده شلنه لمواعين اختي اسيل غسلتهن واني نظفت الطباخ وسويت جاي قدمته الهم وصعدت للغرفه ذبيت نفسي على السرير جتي عيني على الصوره لي كبالي  جريتها وبستها هسه شكد عمرج اكيد كبرتي وصرتي بلمدرسه اباوع للصوره وابجي مسحت دموعي من سمعت الباب انفتحت ودخلت اختي تباوعلي بحزن
اسيل:أريج حبيبتي كافي ما تعبتي من النوح والبجي صارلج با 6 سنين انتي على هاي حالتج انسي وعيشي حياتج
أريج بصياح:شلون انساها كولي شلون بنتي هاي بنتي اني امها اني لي تعبت 9 اشهر اني لي شويه وردت اموت بلولاده تالي ما شميتها ما حضنتها ما بستها احجي بصياح وابجي طبت امي تركض مخروعه جتي حضنتني وتبجي وياي
مها:سوده بوجهي ولج يمه تعبتيني كافي بجي يا بعد روحي كافي
أريج:يمه تعبت بليوم اموت الف موته بدونها اريدها يمه
مها:ولي اسيل جيبي علاج اختج
اسيل:هزيت راسي ورحت جبت علاجها ومي اخذت علاجها وخلت راسها بحضن امي ونامت
مها:شحجيتي وياها وخليتيها هيج تتخبل
اسيل:ما حجيت بس كتلها كافي بجي انسي عيشي حياتج
مها:طاحض امج اي والله هاذه هم حجي ولي من وجهي نزلي
اسيل:ما حجيت غلط كافي 6 سنين تنوح عليها قابل من تنوح وتبجي راح بنتها ترجعلها ها لا اكيد خل تنسه
مها:افتهمي هاي بنتها ضناها هاي شلون تنساها
اسيل:عفت امي ونزلت ميته قهر واني اشوف اختي هاي حالتها من 6 سنين لسه من وره لي صارلها صار بيها سكر وحالتها النفسيه ادمرت اله دخلت يم دكتور نفسي اله شوي تحسنت صارت بارده وما تحجي هواي ولا تضحك ولا تطلع حدها للكليه مو مثل أريج القديمه ام وجه اليضحك 24 ساعه تضحك جانت وتسولف بعد ما تزوجت تغيرت عبالك صار بيها توحد وانوب اخذو بنتها منها صارت بعد اسوء من قبل