عمده كفر ابو عجوه
السادس
سبحان الله العظيم
دخلت حياه مع جدتها اوضه النوم
الجده : هتعملي ايه يا بت يا خدامه
حياه : يا تيته قولتلك مليون مره انا مش خدامه انا بنت ابنك
الجده : لا خدامه وهتروحي تنامي في المطبخ
حياه : كده كتير متخلنيش اعملها معاكي
الجده : تعملي ايه يا خدامه يا حقيره يا صعلوكه
حياه نفخت : بقولك ايه يا تيته انا اصلا علي اخري كفايه خلتيني ارقص الزفت يحي. وهو فرحان وعايش في دور هارون الرشيدي
الجده : اطلعي بره يا بت .بلاش صداع
يحي دخل عليهم : في ايه يا حياه مزعله قمر العايله ليه
حياه : يا شيخ منك لله انت وقمر العيله ..بقي دي قمر ، دي شلل العيله , دي جلطه العيله
الجده : مقهووره مني .
بحب ضحك : طبعا. مين في حلاوتك مين
الجده : محدش
حياه : طبلها حلو
يحي : اطبلها ، ملكيش دعوه
الجده : متغاظه مننا يا حبيبي .
حياه : حبيبك مين يا حاجه . اتقي الله
الجده : تعال يا واد هات بوسه
يحي قعد جنبها والجده باسته من خده وبعدها طلع لسانه ل الجده
حياه : يا دي المرار الطافح . مش هنخلص في ليلتنا دي . عايزه انام يا بشر
الجده : انتي يا بت روحي نامي مع جوزك البواب ده تحت العماره
يحي بصلها : مين البواب
الجده : انت . مش انت بواب القصر بتاعنا
يحي يصلها : نعمممم
حياه : عيب . هتعمل عقلك بعقلها دي مريضه
الجده : بصو الواد بيجز علي سنانه ازاي
حياه : يحي دي تعبانه
الجده وقفت علي السرير وهي بتصقف : مش تعبانه . تعال يا واد وانا اديك شلوط اوديك اسيوط
يحي : ايه الخناقات القديمه دي . انتي اخى مره اتخنقتي أمتي
الجده : من سنه ٦٠ كده
يحي : يادوبك . علي قدك
الجده : يلا بره. خد البت الخدامه يا سفرجي واطلع بره
يحي نفخ : مش كنت بواب من شويه .
حياه : هي رقتك من بواب لسفرجي
يحي : كتر خيرها . كريمه اوي
الجده : قولت بررررره يلا
يحي خرج هو وحياه بعد ما الجده طردتهم من الأوضه
