دخلو موراها البنات يجرو . لقاوها قاعدة فوق البونك . قعدو قدامها. و بداو يضحكو .
- اميرة: واش؟
- مريم: قالك نحبك .
- اميرة : ايه.
- سارة : و نتي واش قلتي ؟
- اميرة : مقلهالكمش .
- آية : لالا. قالنا برك بلي قالك نحبك .
- مريم : هايا اميرة . واش قلتيلو ؟
- اميرة : دونك مقلت والو .
- سارة : كيفاش ؟
- اميرة : ماقلت والو .
- سارة : راكي تحرشي ؟
- اميرة : لالا . دونك قلتلو معمباليش واش نقول . باسك جامي واحد قالي نحبك . و قتلو ادا نقدر نقولو منبعد و لا غدوة .
- آية : حمارة .
- مريم : هاه حمارة . ياو هادي بغلة .
- اميرة ؛ بنات راح نقولو .
- سارة : واش تقولي ؟
- اميرة : بلي نحبو زعما .
ناضت مريم سوطات فوق البونك . و سارة تضحك .
- اميرة : حبسو من جياحتكم .
- آية: و زعما هدا واش صرا ؟
تماك ريحو البنات و خزرو فيها مليح .
- اميرة : يعني كاين عفسة .
- سارة : احكي .
- اميرة : بلعقل عليا . دونك غطسنا انا و عبد المالك و كنا شغول متلاصقين في بعضانا . مي نقوللكم عفسة يابس . الولد يابس . صاحبي هادوك ليزابدو .
- آية : مام اسامة . آخخخ كملي واش صرا ؟
- اميرة : المفيد غطسنا و وطلعنا دقائق و انا نتنفس
- سارة : كنتو مزالكم معانقين بعضكم ؟
- أميرة : ايه . المفيد منبعد انا معمباليش واش صرالي و بستو.
- مريم : كيفاش ؟
- سارة : ياس. هكاك اميرة هكاك .
- اميرة : يا حبسو . مفهمتش كيفاش قدرت نبوسو . .
- آية : سيبون الطفلة راحت فيها .
- اميرة : اييي . حبسو . أصلا علاش راني نحكيلكم . بعدو خلوني نرقد .
و بدات طبع فيهم باش يبعدو . تكسلت و غمضت عينيها . حتى وين نطقت آية.
- آية : وقتاش تقوليلو ؟
- اميرة : معمباليش . خلوني نرقد .
غمضت عينيها و البنات قاعدين يتبسمو وحدهم . المهم رقدو الناس كومبلي و جا الصباح . الجماعة ڨاع ناضت من غير اميرة لي راهي راقدة بوضعية مثيرة للاهتمام .
كانو ڨاع قاعدين فالكوزينة كانت 11:30 تاع صباح . لي قاعد فالطابلة لي قاعد فوق البوطاجي لي قاعد فلرض . المفيد قاعدين و يشربو قهوة من غير اميرة .
- عبد المالك: مزال مناضت اميرة ؟
- آية :هديك كان تضرب الزلزلة متنوضش .
- عبد المالك: راني رايح ليها .
- سارة : وين ؟.
- عبد المالك: عند اميرة علاش ؟
- آية : روح.
راح عند اميرة . اما آية خزرت في سارة.
- سارة : واش ؟ كان يشوفها كيفاش ترقد يتخلع .
- مريم: عندها الحق . اميرة ترقد بوحد الطريقة . معرفتش نوصفها .
- آية : واش دخلنا حنا ؟
اما عند عبد المالك طلع للفوق فتح الباب بلعقل و يقابلو منظر دوك نوصفهولكم . دونك البونك هداك مولاش بونك . فيه 4 كوفرطات خفاف باسك رقدو ڨاع في بونك واحد . و اميرة شعرها طالع فسما عنداكم نتمسخر . شعرها كان هابط شوية و فمها مفتوح و منفخ . عمبالكوم ڨاع نوضو بشوارب منفخين شغول ليل كومبلي و حنا نبوسو. المفيد و وجها كان مليح مي رقدتها غريبة راقدة في نص البونك و رجل مطلعتها لرقبتها و معنقتها و الرجل لوخرة فاتحتها فجيهة لوخرة . و اليد لوخرة راميتها فجيهة. جاتو الضحكة كيفاش راهي راقدة مي حكم روحو . غلقت الباب تاع الشومبرة و راح قعد آجونو قدام وجه اميرة . حط يدو على وجها .
- عبد المالك: اميرة .
- اميرة : ...... ( يعني مريبونداتش راقدة )
- عبد المالك: اميرة
- أميرة: ......
- عبد المالك: يالزح . اميرة نوضي . رانا خارجين .
فتحت اميرة نص عين و خزرت فيه .
- اميرة : وين ؟
- عبد المالك: نضتي .
- اميرة : واش راك دير هنا ؟
- عبد المالك: نوض فيك .
- اميرة : علاش ؟
- عبد المالك: نفحتلي .
فتحت عينيها لزوج .
- اميرة: وين رانا خارجين ؟
- عبد المالك: معمباليش .
ناضت من الفراش و بدات تخرب في عينيها باش يتنقاو. خزرت فيه .
- اميرة : صباح الخير .
- عبد المالك: صباح الخير .
- اميرة : وين راهم البنات ؟ .
- عبد المالك: فالكوزينة .
- اميرة : اوكي . انا نروح نغسل وجهي و نهبط . باي .
و فتحت الباب هبطت. قضات حاجتها و غسلت وجهها و دخلت للكوزينة لقاتو واقف على البوطاجي . و الجماعة كل واحد وين قاعد .
- اميرة : صباحو .
- الجماعة: صباح الخير .
راحت سربات قهوة لروحها و طلعت فوق البوطاجي .
- اميرة : وين نروحو ؟
- هيثم : معمبالناش .
- مريم : نروحو للبحر.؟
- سارة : امممم نروحو .
- اميرة : واه مي انا منروحش .
- هيثم : علاش ؟
- اميرة : راني عيانة . و زيد مارانيش حابة نعوم . حابة نخرج . نمشي .
- اسامة : الله غالب رانا حابين نروحو للبحر . دونك روحي وحدك .
- عبد المالك: نروح معاك . أصلا مام انا حاب نمشي .
تبسمو ڨاع على جنب . جازت 25 دقيقة و هوما قاعدين فالكوزينة . بعدها ناضو البنات يوجدو رواحهم . لبست اميرة هكا بحكم مراهيش رايحة للبحر . 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اما آية هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و فوقو هكا 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و سارة لبسة مايو هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و تحتو سروال عريض . و مريم هكا 👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و فوقو هكا روبة كحلة طويلة.
🎥🎥🎥🎥🎥🎥🎥🎥🎥🎥🎥🎥🎥 نهاية البارت نتمنى الدعم الكامل منكم و نحبكم و دوك سمحولي راهم يعيطولي نتعشا . باي
أنت تقرأ
كرونيك " القدر لا يسأل" 💞
Romanceهادي حكاية اميرة و عبد المالك راهو مكتوب التعريف تاع الشخصيات في الكونت لي راحلي .https://www.wattpad.com/user/SophiaMehenni?utm_source=android&utm_medium=link&utm_content=share_profile&wp_page=user_details&wp_uname=Sophia-mh&wp_originator=SMuLIfXiT...
