هلـو عمـري
اجيتكم بقصة جديدة وطبعا كالمعتاد حقيقه
ومن نوع مختلف عن قصصي الباقية
..................
قصـة جديـدة
بعـنـوان ( نيران أبو ذيبـه )
الكاتبه / نبأ السلطان
غضـب :
انا بماي وجهي ولا مرض يبقى
ابن ذي قار انومس ذهب مو فضة
وي العوز اعارك عركة الشياب
وما اتعب وامل بطلابة الخوة
اذا عندك شماته اسحكهم برجليك وضل اسحك عليهم حيل واتبختر .
زعلوا والما زعلوا خلهن يولون
ويطبهم مرض فوك المرض واكثر
انا من انفض عباتي كلهم يطيحون
وخيرهم يضل ناعور بس يفتر
.............
مشـهد ....
عـام الـ ١٩٨٧
في احد بيوت ذي قـار ..هناك قصة حـب
الشيـخ خيـون : انه شيخ عشيرة الـ ... عشكت بنت خالتي حد الجنون وحبيتها بعد انه شروكي والشروكي معروف بحبة ووفائه
انه ضابط لجيش العراقي وشيخ عشيرة والحمدلله الله وفقني وكدرت اوازن بين عملي وامور العشيرة بلخصوص
بيوم من الايام فكرت اروح واحجي لامي عن حبيبتي وبعد خلص نفذ صبري لازم ازوجها واخلية تحت عيوني الناس وعشيرتي كلها تعرف احبها وتحبني ورايدها الي وتريدني
حجيت ويا الحجيه على زواجي واتفقت وياها تخطبلي بنت خالتي ..حبيبت روحي (حياة )
جنت راجع للبيت شفت احلام مرت اخوي اجت باتجاهي
نصيت راسي
حجت هيه
احلام:خوية يا خيون يا شيخنا اني عندي الك مرة اتحطها على الجرح تطيب ..كالوا تريد تخطب
خيـون:اي والله ان شاء الله امي راح تخطبلي بنت خالتي تدرين بية اني احبها ومن زمان
احـلام :على بختك يا شيخ ، ليش تخطبها مو اخيتي موجوده ازوجها الك تخليك فوك راسها ودللك دلال ما موجود
خيـون : لا اختي ماريدها اختج اكو غيري من يتمناها بس انه كلبي رف الوحده بس وهي حياة بنت خالتي
..........................
غـلاف القصه
أنت تقرأ
نيران أبو ذيبه
Mystery / Thrillerهلـو عمـري اجيتكم بقصة جديدة وطبعا كالمعتاد حقيقه ومن نوع مختلف عن قصصي الباقية .................. قصـة جديـدة بعـنـوان ( نيران أبو ذيبـه ) للكاتبه /نبأ السلطان غضـب : انا بماي وجهي ولا مرض يبقى ابن ذي قار انومس ذهب مو فضة وي العوز اعارك عركة...
