من وانا فاللفه بيدعولي
ابقا حاجه كويسه وبيقولولي
ذاكري وركزي عشان حلمك تنولي
متسميعش للي يحبطك
طنشي وخدي بس اللي يبسطك
امشي فطريقك وشوفي بس اللي قدامك
متبصيش لورا اهيه ظاهره احلامك
سمعت كلامهم وذاكرت
من سنه لسنه وعافرت
واهي جات الثانويه ودخلت
احلامي بتتبني قدامي
دور دور ورا التاني
تلت سنين اخدتهم وانا بعاني
ربنا كرمني فيهم وبانت الهمه
وجبت مجموع دخلني كليه القمه
فرحت واهلي فرحولي
وقعدت معاهم فاللمه
بزيطه وزفه غنولي
ودعولي انهيها وانا سالمه
واخرج منها مهندسه عالمه
خمس سنين كمان من التصميم
محاضرات وسكاشن وامتي نخلص من التعليم
علي الله فالاخر نلاقي التعظيم
وصلنا لسنه التخرج و المشروع
بنركز ونشتغل وكل الكلام مسموع
وجه اليوم الموعود.
يوم التخرج المشهود
خلصنا اخيرا من التعليم
وهنبدا حياه جديده زي المولود
هنمشي طريق الشغل وهنعدي الحدود😂
سنه ورا سنه والشغل مش موجود
كل اعلان ينزل نقدم ورقنا ونعمل حبه مجهود
مبيقلوش غير نفس الردود
سيب ورقك وهنبقي نكلمك فيوم محدود
طب ليه ياربي يعشموني بالوعود
افضل احلم وابني فمستقبل موعود
وفالاخر اقع علي جذور رقبتي مهدود
طب فين الحلم وفين الامل المنشود
كل طريق امشيه مسدود
لا وبيقولوها بكل برود
لازم واسطه لطريق مفرود
طب انا هفرسكم وهرد بنفس البرود
هجيبلكم واسطه هتغنيكم عن كل البنود
ومين غيره رب الكون و الوجود
هكتر دعايا وازود السجود
يمكن يستجيب لي ربي الودود
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
