رجعت لكم حبيت اقول لكم عن روايتي الجديد
بلاكم ما شفتوا حال مطلق
اتمنى تعجبكم
صلوا على النبي محمد صلى الله عليه وسلم
ــــــــــــــــــــــــــــــــــــ
وقفت لما سمعت صوت شخص تعشقه بس هو كسرها يقول لها/وش حالك ي الريم ؟
؟؟؟؟؟؟
وش حالها ؟وقح بعد ما كسرها يسأل عن حالة ؟
لفت وتكلمت بصوت هادئ/يعجبك حالي
رد بهدوء/حالي ي الريم مهوب زين وش القصيدة الي نشرتيها في الديره ؟
غمضت عيونها تتذكر لما جتها ميثى تبكي وهي تقول ان لافي يحبها
وقتها قالت
قالو يحبك قلت لا تظلمونه!
قالو يبيك قلت ي ناس تكفون.
انا عرفته قبل ما تعرفونه
ما قال احبك انتم الي تقولون!
انا دخيل الله الحب لا تغصبونه
الغصب لا ريح لا طعم لا لون
ما هو بكيفه يعشق الي تبون!
الحب اعمى طول عمره بلا عيون..
قريت رد في محاجر عيونه
يقول انا هايم بغيرك ومفتون
ردت على لافي بهدوء/وانا صادقه شفت بعيونك الحب بس الحب ذا مو لي
لافي بنفعال/مين قال يشهد علي ربي اني ما حبيت غيرك ولا راح احب غيرك وان ما حصل بيننا نصيب يحرم علي العيال لو تزوجت!
تحس بصدمه لذي الدرجه يحبها ردت بصوت مبحوح/قالوا انك تحب ميثى وتتسلا بي!
لافي بعقلانية/ي الريم الناس تكذب الكذبه وتصدقها يشهد علي ربي ان لا ليلي ليل ولا نهاري نهار ابوي غصبني على ميثى وانا ما ابيها
غمضت عيونها وبصوت واضح فيه نبرت البكاء/ وان ما حصل بيننا نصيب مبروك واول بنت لك سمها الريم ولا تحرم نفسك من العيال عشاني دخلت بسرعه بيت ريا وهي تمسح دموعها.....
ــــــــــــــــــــ
وقف بصدمه/نعممم ؟ انا اخر من يدري؟
تكلم فهد بقرف/ ذاك الشخص عمي ؟
معاذ بسعادة/أخيراً طلع ذاك اليعقوب يقرب لي
رد بغضب/على زق انت وياه ولف على ابوه/يبه صج منجد مطلق عمي؟
رد سعد بهدوء/اي نعم عمك ومضاوي عمتك من الرضاع!
صدمه وراء صدمه بنسبه لهم
.
.
.
تجمعوا البنات في بيت ريا وقعدوا يسولفون
شهد بهدوء/ يعني بتسافرين ؟
ردت ريا بستغراب/مجرد احلام ي غبيه كيف اسافر وانا ما عندي محرم غير عمي!
شهد بتفكير/امم صادقه الا وين تتمني تسافرين ؟
ريا بحماس/مكه حلم حياتي اشوف مكه
غدير بستغراب/ما عمرك شفتي مكه ؟
هلا بهدوء/شكله كذا
ريا بهدوء/امم شفتها لما كنت صغيره بس ما اتذكرها الصراحه
دخلوا البنات في عدت مواضيع دون دخول الريم معهم كانت ساكته تفكر بكلامه
.
.
.
جالس بلحوش مع عياله وعيال اخته ويضحك ويسولف
يعقوب بمزح/ تزوج الثالثة ترى نبغى اخوان خالتي ما عاد تجيب عيال وامي عجزت
نوره بهدوء/استغفرالله وش ذا الكلام
بدر بستغراب/وش الي استغفرالله مسوي ذنب هو
غازي بهدوء/المفروض يعقوب وبدر وبندر ما تخلوهم يجلسون معنى
عزام/اتفق مالنا بصداع الراس
مضاوي بستغراب/وراك ما رحتي معهم ي ام صقر؟
زوجت مشعل بهدوء/تعبانه ي عمتي ما ودي اروح
ام مشعل بهدوء/براحتك
.
.
.
.
.
وقف وهو ناوي يكمل الي كان يسويه قبل سنين يوم كان عمره في العشرين اي يوم كان شاب وسيم!
لف على ولده وبهدوء/ما علي منه المفروض انها لي من سنين والمفروض ان لي ورعان منها لكن مطلق سرقها مني
رد ولده بهدوء/ي يبه بفعلتك هاذي بتدمر بيتك وبيت مطلق ولا تنسى ان امي تدور الزله وفوق ذا لا تنسى ترى هي لها بنت ماهي موافقه عليك!
رد بهدوء وبرود وثقه/ما علي من احد ي زياد واسمع لا تفكر توقف بطريقي عندها خيارين تكمل معي حياته او تكمل حياته بلا رجال يوقف معها!
رد زياد بضيق من تصرفات ابوه الي كنها تصرفات مراهق/ ي يبه مهوب انا الي اوقف بطريق ابوي لكن قبل كل شي لا تنسى مطلق موجود بطريقك وغير مطلق عياله وغير عياله عيال اخته مضاوي سمعت انها موجوده وغير عيال مضاوي عيال اخوه سعد موجودين!
رد بهدوء/كلهم حطهم في الي انت خابره ما علي منهم ولا علي من اطلق شنب!
زفر بطفش
ملاحظه اهل ابو زياد مالهم دور كبير يعني يمكن بس ابو زياد وام زياد وزياد
.
.
.
قبل سنين عديدة في يوم كان فيها مطلق الشاب الوسيم النشيط صاحب العمر خمس وعشرين يركض يم ابوه الي غزاه الشيب ويم امه الي كبر السن واضح عليها مطلق وهو يلهث من الركض جلس جنب ابوه وهو يبتسم/ يمه يبه ابشركم ولدكم العود قرر يتزوج
تهلل وجه ابو مطلق بفرح/هاذي الساعه المباركه اشر وانا اروح اخطبها لك
ابتسم مطلق وهو يشوف امه تبكي من الفرح/الجازي بنت عبدالله
ابتسم ابو مطلق/ونعم ما اخترت بس خوفي تصير مشاكل تعرف عيال الديره يتنافسون عليه
مطلق بهدوء/ي يبه احبها وربي لذبح اي احد يفكر ياخذها مني
لفت امه بهلع/لا ي يمه لا تفجعني فيك لا تذبح وتصير قاتل عشان بنت
حب مطلق راس امه وابتسم/قلبي ما عشق غير الجازي ابيها حلال لي ما طلبت شيٍ مستحيل!
أبتسم ابوه/توكلنا على الله اليوم المغرب نخطب لك الجازي والله يكتب الخيره
في مكان اخر في نفس اليوم
وقف بفخر وغرور جنب ابوه كيف ما يكون مغرور و ابوه هو امير الديره وقريب راح تصير الاماره له خصوصاً انه وحيد امه وابوه و ماله عيال عم كبار ياخذون منه الاماره كل شي يبه موجود ناقصه الجازي ويصير عنده كل شي
لفت سمعه واحد من عيال الديره يقول مطلق خطب الجازي رد الثاني/متى خطبها
رد الاول/ لسا قاعدين عند ابو الجازي
راح يركض سياف وهو يتحلف بمطلق اخذ سلاحه
ودخل على المجلس وهو يسمع ابو الجازي يقول/وتم حياكم متى تبغون الزواج ؟
رد سياف بغضب/ تخسي ي الردي تاخذ الجازي بنت عبدالله بذمتي ان ما اخذتها انا الا اذبحك انت
رد مطلق بهدوء/اذبح ليكون بعلمك لو مت انا انت راح تدخل السجن وتقص وقتها الجازي بتروح لوحد غيري وغيرك
صرخ سياف/والله ما تاخذ الجازي
صرخ مطلق بغضب/واذا اختذها وش راح يصير
سياف وهو يصوب السلاح على راس ابو مطلق/اذبح ابوك واذبحك واذبح اي احد يفكر بلجازي!
كان بيتكلم عبدالله بس سكت لما شاف ابو سياف يعطي سياف كف وهو يصرخ/ما ربيتك كذا ي سياف ترفع السلاح على ربع ابوك تهدد في مجلس الرجال!
ما هقيتها منك قدامي
طلع سايف وهو يهدد بنه راح يجي اليوم الي تكون الجازي له
وتم بعدها زواج الجازي ومطلق ولكن مر على زواجهم سبع سنوات بدون ما يجيهم اطفال قالت له الجازي يتزوج بس هو رفض
بس راحت الجازي وخطبت له نوره صديقتها
نوره رفضت في البداية بعدين وافقت
حطت الجازي مطلق في الامر الواقع
تزوج مطلق نوره وجابت له عزام و و و تعرفون الباقي من عيال نوره
وسكب للماضي
.
.
.
رجعن البنات للبيت ونامن
قامت من النوم مفزوعه وخايفه من الصراخ والازعاج الي برا وقفت وشافت البنات يبكون
الريم بخوف/وشو وش فيه ؟ وش صاير
غدير وهي تبكي/ فيه هوشه برا
الريم بخوف/وش هوشته
غدير بدموع/ما ادري
هتيف وهي تحاول تهدي الوضع/ما راح يصير الا سكتت لما سمعت صوت اطلق نار وبعده صراخ ما تعرف مصدره!
أنت تقرأ
ي ابوي مثل حب متعب للريم ما انت لاقي
عاطفيةبلاكم ي محبين تاخذون القلوب وتخلون لنا الجسد؟ بلاكم ما تعرفون الحب الشريف؟ ... ليكن حب شريف وليكن بحدود! مشاكل ومصاعب وحب كاذب واخر حب عفيف اتمنى تعجبكم الكاتبه/ ريا العتيبي
