لينا : كتب كتاب مين
احمد : انتي ايه بس اللي قومك من السرير مش احنا اتفقنا انك هترتاحي
لينا : انا قومت عشان اجيب ماية ، قولي بقي كتب كتاب مين
نور : احنا معزومين علي كتب كتاب بس بنفكر نعتذر يعني عشان انتي تعبانة
لينا : و نعتذر ليه انا عايزة اروح عشان بقالي كتير ماخرجتش برا الشغل
احمد : طيب بصي اطلعي نامي و نبقي نشوف الموضوع دا بعدين
لينا : ماشي تصبحوا علي خير
بعد ما لينا طلعت
ابراهيم : ما كنت قولتلها و خلاص يا احمد
احمد : اقولها ايه بس يا ابراهيم ، انا اصلا مش مقتنع بالكلام دا
يحيي : لازم يا احمد بيه اديك شوفت ايه اللي حصل ، لازم تبقى معايا
ابراهيم : يا احمد انت اكيد خايف عليها زيي و اكتر مني بس احنا لازم نحميها
احمد : حتي لو انا وافقت هي مش هتوافق
يحيي : سيب الموضوع دا عليا
تاني يوم الصبح في فيلا الدسوقي
لينا : صباح الخير يا اهل البيت
نور : صباح النور انتي لابسة كدا و راحة فين
لينا : انا هروح الشركة
نور :لا طبعا يا بنتي هو انتي مش بتتعبي دا انتي لسه عاملة حادثة امبارح
لينا : اه فكرتيني انا هاخد عربيتك اروح بيها
نور بعدم تصديق : هو انتي طبيعية زينا كدا
لينا : نونو انتي عارفة اني بتخنق من القاعدة في السرير هروح ابص بصة خفيفة كدا عالشغل و ارجع
لينا وصلت الشركة
يحيي دخل مكتب لينا
يحيي : مصدقتش لما عمي قال انك هنا
لينا : ليه
يحيي : غالبا الحادثة أثرت علي مركز الفهم عندك
لينا بضحك : لعلمك بقي انا بيطلع مني احلي شغل لما ببقي تعبانة
يحيي بضحك : طب سيبك من الكلام دا ، كنت عايزاك في موضوع
لينا باهتمام : موضوع ايه
يحيي : ايه رأيك نكتب الكتاب الاسبوع الجاي
لينا : و ماله و بعدين ، ثانية انت قولت ايه انا سمعت صح
يحيي : بقول نكتب الكتاب الاسبوع الجاي
لينا : ما هو يإما انت بتهزر يإما انا اللي مش فاهمة ، انت بتتكلم جد
يحيي : فيها ايه لما نكتب الكتاب يعني
لينا : يحيي احنا مكملناش اسبوع خطوبة نقوم نتجوز كدا علطول لا يا عم انا مش موافقة
يحيي : ليه بس
لينا : عشان انت غامض بالنسبالي ، افرض مثلا انك عايز تتجوزني عشان تنتقم مني ، ولا تطلع بخيل أو تطلع بتاع ستات و مقضيها و أنا أقول هو ليه متجوزش كل دا اتاري
يحيي بصدمة : اتاري ايه
لينا : انت طمعان في فلوسي مش كدا ، عشان انا غنية و عندي عربيات ، لأ بس انت معاك فلوس بس ممكن تكون طماع بردو
يحيي بعدم تصديق : انا
لينا : اه انت هو انا كنت اعرفك اصلا ، اوعي يكون انا هموت فأنت عايز تفرحني مثلا ، قول الحقيقة
يحيي : حقيقة ايه كل دا عشان بقولك نكتب الكتاب ، دا انا لو سيبتك شوية تسرحي بخيالك ممكن تطلعيني يهودي
لينا : يعني أنت شايف أن كلامي مش منطقي ، و كلامك هو المنطقي هو في حد بيتجوز بعد ما يخطب بكام يوم ما تعقل الكلام يا يحيي
يحيي : طب انتي معترضة علي ايه
لينا : دا لسه بيسأل ، بص يا يحيي ، انا و انتي لسه منعرفش بعض كويس عشان تاخد قرار زي دا و ياريت تقفل الموضوع دا علي كدا
يحيي : بس .. انا
لينا : من غير بس لو سمحت يا يحيي احترم قراري
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
