الصعيدية والتركي ♥️🌏 مكتملة

البارت التاسع ♥️

©©في منزل عائلة أتاكول ...
#وفي الشقة الخاصة بأمير وبيرك .. دخل كلٌ منهما للشقة ونظروا إليها بإنبهار من وسعها وزوق أثاثها ...

"والدة سهيلة" :- معلشي يا ولاد بقى الشقة مش قد المقام يعني وصغيرة شوية بس دي أحلى شقة عندنا والله ويارب تعجبكم وترتاحوا فيها .

"أمير" بنفي وابتسامة :- لأ لأ بالعكس دي حلوة أوي وكبيرة جداً حتى علينا ممكن نضيع فيها من وسعها .

"بيرك" بمرح :- الشقة دي أكبر من بيتنا إللي ف تركيا أصلا من حجمها يا طنط وحلوة أوي أوي .

"ياسمين" :- أنا وجنجونة إللي فرشنا الشقة وحطينا كل حاجة فيها على الله زوقنا يعجبكم يا جماعة .

"بيرك" بابتسامة حالمة :- وهو عجبني بس ده يخبل ويهبل ويجنن كمان وزوقك تحفة .

"جنا" :- طيب أنا هروح أذاكر علشان ورايا مذاكرة وإمتحانات الثانوية ع الأبواب خلاص يلا عن إذنكم .

"سهيلة" بهمس لها :- إستني وإتفرجي على المسلسل التركي إللي شغال ده علشان شكل الحلو وقع ع بوزه ومحدش سمى عليه وغرق لشوشته .

"ياسمين" بخجل ونظرت للسقف :- احم إلهي يعمر بيتك يارب وتتهنوا فيها كمان .

"نهلة" غمزت لها وقالت بهمس :- هو إيه النظام ياسو الصنارة بتاعتكم غمزت ولا إيه وطلعت خيرها .

"والدة سهيلة" بجدية :- طيب يلا يا بنات نخرج كلنا ونسيب الشباب يرتاحوا من السفر ولو إحتاجتوا أي حاجة قولولي علطول وأنا أعملهالكم .

"دوروك" وهو يلكزه بغيظ :- تعرف تتلم وتهمد عشان دماغي لفت منكم ومامتها هتاخد بالها يا زفت أنت .

"بيرك" بتأوه وضيق :- ااااه يخربيتك بالراحة هرست رجلي وبعدين أنت عايز تحب لوحدك وأنا حرام عليا يعني ولا إيه أوف ويلا روح شوف حبيبة القلب قبل ما تروح عند صديقها وتفقعك زومبة .

"سهيلة" :- طيب ماما أنا هروح عند قدير وأشوفهم لأحسن يكونوا محتاجين مساعدة ولا حاجة .

"ياسمين" بغمز وخبث :- لأ إنتي إطلعي للعشة فوق وحطي باقي الأكل للفراخ وبعدين روحي عندهم وأنا هروح معاكي تكون جنا خلصت .

"والدة سهيلة" بنفي :- متروحيش غير لما يطلبوا إذا عايزين حاجة ويلا إطلعي فوق وشوفي الأكل بتاع الفراخ حطيه عندهم وإنزلي نضفي المطبخ .

"سهيلة" بتذمر وغيظ :- يووه وهو مفيش غيري هنا ف البيت يحط الأكل ليهم وينضف يااارب إمتى أطلع من هنا وأسافر وأرتاح بقى .

^^قالت سهيلة كلامها وغادرت من الشقة وهي تتكلم مع نفسها بغيظ والجميع يضحك عليها .. أما دوروك نظر حوله ثم تسلل للخارج وصعد خلفها بسرعة^^

#دخلت سهيلة إلى الغرفة وهي متذمرة ووضعت لهم الطعام وقبل خروجها وجدت دوروك يقف ورائها ...