عزام...لتخافين هاج هذا موبايلج خليتلج بي رصيد ولزمي هذا الهتفون يشتغل على البلوتوث من يدزلج رساله ويحددلج الموقع نفس الرساله دزيها اليه ومن طلعين من الجامعه خابريني على الرصيد وحطي السماعه بأذنج لان هو راح يتواصل وياج على الرسائل من الوتساب حتلو تخابريني تجيج رساله وفتحتلج نت على الرصيد لان هو البارحه دزلج فتحي نت على الرصيد حتى يتواصل وياج
زينب...بله مالحكتو وخطفني
عزام...يعني انتي تتوقعين اعرضج لخطر واني مامتأكد من سلامتج يلا نزلي واستمتعي بيومج اليوم اول يوم الج جامعه وهااا ديربالج من الصداقات مو اي بنيه تأمنين بيها ماوصيج زينب ولا راح اكلج ديري بالج من الشباب لان اعرفج كلش زين
زينب...تمام ماشي يلا باي نزلت ودخلت للجامعه احس نفسي تايهه عمه اشواق جانت نفس الجامعه بس هي ادرس مرحله ثالثه يعني دوامها مرات قبلي ومرات وراي سألت عن قسمنا ودلوني وصلت لكيت قليل طلاب وطالبات بس كلت صباح الخير وهمه ردو ورحت كعدت بلاخير وبصف الحايط هم لان احس حيلي مهدود وبطني تأذيني اجه واحد من الطلاب
...صباح الخير
زينب...صباح النور
...ليش هيج كعدتي بلأخير وانت ناعمه اتقدمي لكدام قبل متصير هوسه تره هنا متبينين
زينب...شكرا الك بس اني افضل اكعد هنا
....براحتج اني محمد
زينب...اهلا بيك اني زينب
... اهلا وسهلا يلا اخذي راحتج
زينب...راح وكامو يجون الطلاب طبعا جنت الوحيده الي لابسه عبا كلهن جان لبسهن مستور واكثرهن جبه لابسات دخل الدكتور
الدكتور..صباح الخير اني دكتور وائل ادرسكم ماده ..........واليوم راح اتعرف عليكم اسمكم وعمركم وليش دخلتو هذا القسم
