غفران : و الفرح اللي كمان كام ساعة
لينا : انا مش هتجوز دوروا علي حد غيري
غفران : انتي بتهزري صح
لينا بجدية : برا عني ، يدور علي عروسة غيري بقي
غفران : ماشي بلاش فرح
لينا عيطت
غفران حضنها : ممكن اعرف بتعيطي ليه بقي ، انتي بتحبيه
لينا كانت ساكته و مش بترد و بعدين مسحت دموعها
لينا : هو اصلا ميستاهلش يلا يا غفران اجيب نور و روح عشان نمشي زمانهم قلقانين
في أوضة لينا في الفندق
روح : يعني ايه اللي حصل يا يحيي
نور : خلينا بس نشوف هي فين الأول و بعدين نشوف ايه اللي حصل
في الوقت دا دخلت لينا
لينا : يلا يا روح يلا يا نور عشان نمشي
روح و نور : نمشي فين
لينا : هنروح عالبيت
روح : اهدي كدا يا لينا و خلينا نشوف ايه اللي حصل
يحيي : ممكن تسيبونا لوحدنا يا جماعة دقيقتين بس
بعد ما روح و غفران و نور خرجوا
يحيي : خليني اشرحلك اللي حصل
لينا ببرود: و ماله احنا كدا كدا فاضيين ، اوه سوري انا فاضية مش عارفة انت بقي ، انا لو منك بلاش تضيع وقت و دور علي عروسة ولا ندور ليه ما احنا ممكن ننادي لارا هنا
يحيي : لارا مين اللي اتجوزها أو حتي ابصلها يا لينا و الله اللي حصل أن فستانها كان واقع عليه حاجة و طلبت مني تدخل الحمام
لينا بسخرية : يا حنين ، طب و ايه غسلتها الفستان ولا اروح اغسله انا
يحيي : لينا انا عارف انك من حقك تزعلي بس من حقي ابرر اللي حصل و تصدقيني
لينا : حقك انت ملكش حق في أي حاجة حتي ملكش حق تقف هنا ، تعرف الغلط كله عليا انا اللي وافقت أن كل حاجة تتم بالسرعة دي
يحيي : لينا و الله انا اسف و عارف اني غلطان بس عشان خاطري بلاش تعملي فينا كدا
لينا بتفكير : ماشي يا يحيي ، بس اوعي تفتكر اني هعديها كدا ، ممكن تتفضل تخرج من هنا
يحيي خرج ، روح و نور راحوا ليحيي
روح : عملت ايه يا يحيي اقتنعت صح
يحيي : الحمدلله ممكن نلبس بقي عشان مفيش وقت
نور دخلت ل لينا الاوضة
نور : بتفكري في ايه
روح : اكيد مش بتفكر في حاجة ، يحيي كويس و بيحبها و اكيد ايا كان المشكلة هيحلوها سوا
نور : استني بس يا روح كدا ، لينا بتفكري في ايه
لينا : ولا اي حاجة
نور بشك : يعني خلاص هتنزلي الفرح
لينا : اومال مين اللي هينزل يعني
لينا ابتدأت تحط ميك اب و لبست الفستان و الكل لبس
نور : ما شاء الله ايه الجمال دا يا حبيبتي ، الف مبروووك
روح : زي القمر يا حبيبتي ، يلا بقي عشان ننزل
لينا : ننزل فين
نور : ايه ننزل فين دي ، اكيد الفرح
لينا : لا ما انا مش هنزل في حتة انا بس كنت بشوف شكلي بالميك اب و الفستان
روح : انتي اكيد بتهزري صح
لينا : خالص ، يحيي غلط و أنا من حقي الغي الفرح
نور : انتي متستحيل تعملي كدا
لينا : المستحيل اني انزل و كمان اتجوز الكداب دا ، و اهو اللي غلط يستحمل نتيجة غلطه ، وهو لازم يطلقني في اقرب وقت بدل ما افرج عليه الاوتيل كله
احمد في الوقت دا خبط
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
