©©في غرفة نوم الفتيات ...
#دخلت سهيلة إلى الغرفة ووجدت جنا تدرس قليلاً فجلست على الفراش وأمسكت بقطتها الصغيرة ...
"جنا" :- متفكريش كتير يا لوليتا وركزي ف دراستك ومستقبلك يا حبيبتي خلاص فاضلك سنة وتتخرجي وتشتغلي وسيبك من الحب والهبل ده دلوقت .
"سهيلة" :- والنبي تسكتي يا جنجون أصل الواحد ع شعرة وهيطق من الغيظ وأصلا أنا مليش دعوة بكلام الحب والعشق والمحن ده وخليني ألاعب كوتي بدال ما أقوم أجيبه من شعره الأشقر .
"جنا" بضحك :- ههههههههه طب قومي إعمليها على الأقل تتفشي فيه وتريحي نفسك أو لما تشوفه كوتي تخربشه وتعضه وإنتي تتفرجي عليه بيتبهدل .
"سهيلة" بابتسامة مرحة :- أيوة والله يا جنجون دي فكرة عظمة أوي وهخلي كوتي أول ما تشوفه تجري عليه تخربشه وتجننه ويا سلام بقى لو عنده ڤوبيا أنا هضرب الضربة فيه ضربتين .
"جنا" :- والله مجنونة ويلا بقى إطلعي علشان عايزة أذاكر شوية قبل ما نجهز العشا مع ماما وشوفي إنتي هتعملي إيه وياريت تفكري كويس قبل ما تقرري .
"سهيلة" بضيق :- ولا هعمل ولا هتنيل وهسيبها على ربنا ويحلها من عنده وإللي فيه الخير يقدمه ربنا يلا ذاكري إنتي علشان الإجازة قصيرة والتيرم قريب وأنا هقول لبابا ع الدورس ونحجز بدري .
^^خرجت سهيلة من الغرفة وإتجهت للشرفة بعد أن وجدت والدتها تجلس مع زوجة عمها تتحدثتان سوياً فتركتهم ودخلت إلى ركنها المفضل الصغير^^
"سهيلة" وهي تجلس على أرجوحتها بتذمر :- أهووه مكملش يوم ف مصر والغيرة بدأت يووه طب بعدين بقى ف الموال الغريب ده ياااارب الحل من عندك .
"نهلة" :- مالك يابت زعلانة وبتكلمي نفسك ليه كده وبصراحة بقى الواد شايل ومعبي منك ع الآخر وقفل الموضوع زي الدومينو بالضبة والمفتاح .
"ياسمين" :- أه والله يا سوسو ده طلع مقهور أوي أنا زعلانة علشانه بجد وإنتي قاعدة هنا حاطة إيدك ف الماية الباردة وبتتمرجحي .
"سهيلة" بغضب ونظرت إليهم :- وبقولكم إيه إطلعوا من دماغي أنتو الاتنين وخلوني لوحدي ف حالي أنا مش ناقصة والحكاية خلصانة ومن قبل ما تبتدي .
"نهلة" بجدية :- طيب وبصراحة ومن غير كدب إنتي مش بتحسي بحاجة من ناحيته ومخبية علشان فعلا خايفة تتوجعي وتتأثر علاقتك بصديقك .
"سهيلة" بتنهد وحيرة :- مش عارفة يا نهلة وأخوكي معرفوش كويس ولسه جاي هنا جديد ومختلفين عن بعض جداً وأنا أصلا لسه بدرس ومليش ف الموضوع ده علشان تربيتي وديني مأثرين فيا وطبيعتي دبش وبحدف طوب ويعني من الآخر مش هيستحملني .
"ياسمين" بغيظ :- يا سلااااام وهو مين الحمار إللي قالك كده ياختي مال صداقتك مع قدير ومال حُبك لإبن عمك دلوقتي نفسي أفهم .
أنت تقرأ
الصعيدية والتركي ♥️🌏 مكتملة
Romanceالجزء الأول من سلسلة الصعيدية والأجنبي بطلتنا المجنونة إللي تعرفوها 😂 معاها كمان بطلات جديدة مختلفة هتنور الرواية الجديدة أبطالنا الشباب أتراك وقمرات من الآخر يعني 😂 وطبعا فيها أشرار بس مش هيفضلوا كتير معانا يارب تعجبكم وتحبوها 🤲🌍
