العشق السرمدي

الجزء الثالث

🍒 الفصل الأول: بدونك لا اهوى الوجود

سلمان: نتي عارفة انا عمرني لمتك و ديما كنت معاك
   ضدو كنت متمني نشوفكم معا بعضكم وحتا ملي تبدلتي وليتي تكمي وتشربي وسكنتي نفسك فهاد الشخصية الباردة مقدرتش نلومك نتي عارفة معزتك فقلبي قداش ومن ديمة كنعتابرك ختي ومانبغيلكش المضرة بغيت نشوفك فرحانة. بغيت سحر دشحال هادي الضحكة مكتفارقش وجهها

سحر :تنهدات سلمان انا عارفة لي كاين نتا ممضطرش تشرح ليا غير عافاك مبغيتش نعاود نهضر فهاد الموضوع . انا نسيت الماضي وراضية على نفسي وشخصيتي دابا. وحاسا بلي هدا اكتر وقت قوية فيه وهاد البرود راه عشت فيه خمس سنيييين. حتا ولا طبعي هاكا نتمنا تتفهمني

سلمان:نتي تعرفي وانا معاك ديما وفأي قرار تاخدتيه

سحر بابتسامة: عارفة لي كاين

سلمان: وقف لمهم انا غادي فليل نتلاقاو فدار دابا عندي مانقدي

سحر حركت راسها وبقات مبتاسمة راسما وجه بارد حتا خرج سلمان فور ماسد الباب تحولت الابتسامة المسطنعة نوجه عبس وحزييين تنهدات من اعماقها طاردة جبل من الالام  هزت كاسها ليكان فوق البيرو ولاحتو لحيط لقبالتها وهي كتردد بصوت حاد: نسيتك..نسيتك.. نسييييتك صافي خرج من عقلي كيما خرجتك من قلبي نتا ماضي وفات ومغديش يولي ميمكنش من ورا هاد المجهود كامل لي درت نرجع نفكر فيك. دارت يديها على راسها حاضناه كتنهج وذكريات الماضي كتزورها دايرا كل ما فجهدها باش تطردها لكن تحدي العقل وقوتو قدر يتغلب عليها حتا ستسلمت سامحا لذاكرتها ترجع تمن سنين الوراء كانت بنت مراهقة عندها خمسطاش سنة 

جمالها سبحان لي خلقها عينيها باللون العسلي  الفاتح    مكاينش لي يشوفهوم ومايدوخش فصفائهم ولمعتهم    نيف  منقاد وفم صغير ولونو بحال التوت شعرها كان     فوق المؤخرة بشوية ملامحها جميلة وهادئة وجسمها     متالي وخا معالمها الانتوية مكانتش ضاهرة بزاف          بسباب صغر سنها الا ان شكلها مع وجهها كان عامل        ميكس خيالي اي واحد كيشوفها كتصدمو كأنها             سينفونية او معزوفة من عالم تاني كتشتت كل من        شافها ولا سمع صوتها الهادئ الخجول كانت طفلة بريئة  وخوافة معمرها كانت بهاد القوة والتجبر لي هيا عليهم   حاليا كانت غير الا شيحد خنزر ولا نهط فيها تبكي         وتنخصص.

#يتبع