العشق السرمدي

الجزء السادس

  🍒 الفصل الأول: بدونك لا اهوى الوجود    
               
                                       
ف بلد أخر ألمانيا  وبالضبط فالعاصمة برلين  تحديدا      فالطريق السريع كان راكب فوق موتور ومكسيري          باقصى سرعة كأنه متسابق مع الزمن من قوة السرعة كيبان فحال البرق كيخطف البصر ميمكنش  تشوفو       فقط صوت الموتور لي مزلزل المكان ؛ فجأة توقف    الصوت ونزل بجسدو الضخم كيقلع الكاسك من راسو     حتا ضهرو ملامحو الشرسة عينيه كوحل فحال الليل     الدامس نضرتو حادة كتخلع ميمكنش تطول فيه          
الشوفة لحيتو كحلة وشعرو كحل وقوي نازل علي         جبهتو عرقان وفازك وقطرات من لماء نازل على عنقو    جسمو كيبان فحال الوحش كتافو وصدرو  عراض لابس كولشي كحل فكحل  جبد من جيمو تيليفون وجاوب     بنبرة قاسحة                                                           

فهد : هرب تاني ولد القح*بة ولايني منرتاح حتا نشدو    شحال قدو يبقا مخبي نلقاه نلقاه                               

ياسين: صافي غير رجع اولدي شنو غادي نستافدو بنتي  ماتت  ولي عطا الله عطاه وماماك هنا بالها مامرتاحش ونتا عارفها مريضة وفيها السكر كضل النهار كولو تسول فيك بالها مامرتاحش مبغيتش يوقعليك شيحاجة  باااركة عليا الكية دبنتي متزيدش تعدبني حتا نتا          

فهد:  نتا عارف هدرتك مغادي تغير والو وانا           ماغديش نتراجع وميمكليش نتراجع بعد مبقاتلي          خطوة  وحدة نهار الأول واعدتك بحياة كل قطرة من     دمي غننتاقم من أي واحد كانت عندو يد فموتها وهدا    دين على رقبتي وقريب نوفي بوعدي وهي فين ماكان  
قبرها غدي ترتاح                                                      

ياسين (تنهد): الله يرضي عليك ولكن واعدني نهار  تشدو ترجع لدارك                                                 
                                                     
فهد: وعد  ؛قطع تيليفون ورجع كسيرا راجع ادراجو يستنا تاني الفار يخرج من غارو و ينقض عليه  باش يرتاح  ويريح عائلتو و ياخد بتأرها حيت ميمكنش فرد من   عائلة مرتضى دمو يروح بلاما ياخدو القصاص من اجلو   

☆نرجعو تاني عند سحر ليكانت وصلت لفيلتها كانت     فيلا زوينة وعصرية ديكوراتها غالب عليهم اللون الأسود فحال حياتها لاحت ساكها فوق السرير ودخلت تاخد      دوش خفيف يريحها شوية بعد المعركة لي خاضتها مع   عقلها وخرجت منها خاسرة ومهزومة كالعادة ماهي الا   دقائق وخرجت ملوية فبنوارها حناكها وفمها حومر الدم غدي يخرج منهم شعر اسود واصل لضهرها فازك          وكيقطر على الأرض  حطات حوايجها وحيدات البنوار    باش تلبس وادا بيه كيبان جسمها المتير  لحمها بيض      حتا طاش مفيهش  صدرها واقف وحجمو مثالي           وكرشها داخلة ضهرها هابط متسلسل كيوصل لجوج      حفيرات اسفله  وكتخرج مؤخرة بارزة جسمها وجمالها   كانو لعنة يمكن تصيب أي واحد شافهم بالعمى  بسباب   تناسقهم أي واحد يقدر يتغرم بيها من النضرة الاولى     ويتسحر برونقها حتا يتصدم بشخصيتها لي               مكتنطابقش مع شكلها نهائيا  مسحات جسمها ولبسات    بيل سميطات وبيكيني وتبعاتهم بصورفيت كري            مسحات شعرها ولواتو بمقبط ونزلت تصيب قهوة كحلة راسها كيزدح عليها شعلت سيجارة على بيدمن القهوة     تقطر حتا كتحس بحركة فضهرها والهوا بارد فعنقها       بحالا شيحد غدي يضربها.وبحركة لا ارادية كانت         ضارت ولواتليه يديه وعلات رجلها وضرباتو لضهرو حتا  تلاح الأرض بنضرات حادة نزلت عينيها باش تشوف       شكون هانت عليه نفسو وقتاحم مملكتها غير شافتو      بردات نفسها وترخاو ملامحها ملي لقاتو صاحب           دعواتها  شكون منغيرو لي زاعم عليها ، ناض كيتألم شاد فضهررو                                    

سلمان : مال دينمك على هاد الحالة ضهري فرعتيه       

سحر: (شاافت فيه وضارت تهز كاسها من البريسا كانت   سالات من العصير )،ديما كنقولك ضحكك الباسل مديروش معايا                                                      

سلمان: مال مك وليتيلي بروسلي هنا؟ مبقيناش نقدو     عليك بقالك شوية وتسوطيني وليت قدي قدك مبقا       احترام                                                                   

سحر: رشفت من كاسها وشافت فيه وتقدمات جلست   فالاريكة ودارت رجل على رجل ؛نتا عارف الاحترام اخر همي نفسي  ومكنحتارمهاش ونهار كتجاوز حدودها كندعس عليها  بصباطي باش تقاد  فمتجيش تطلب المستحيل            

سلمان تنهد وجلس قدامها : تبدلتي بزاف                     

سحر: تاحاجة ماكتبقا على حالها  اذا كان الكون وكيدور والفصول وكتغير وبعد الليل كيطلع النهار  شكون انا باش منتبدلش                                                                

سلمان:  لحد الان ممتيقش وباقي ماولفت  هاد التحول لوقعلك                                                                  
سحر:دابا تولف بشوية عليك تاحد مزاربك لمهم كيف     خليتي المغريب والعائلة شنو خبارهم                          

سلمان : فحال ديما كل واحد مشغول فهمو والقصر ولا   خاوي وكئيب ملي مشيتو                                         

سحر: والخدمة ،ودراري عندك شي خبار عليهم           

سلمان: الخدمة بيخير غير عمي كيضل يتشكا الحمل كتر عليه شريكاتو ومشاريع الدراري وزيد عليهم شريكاتك    لي سمحتي فيهم والدراري نتي عارفة واحد كيجري من بلاد لبلاد و التاني  ماباغيش يرجع حتا تكمل مراتو تمنطاش باش يرجع يطلقها                                       

سحر:  وعلاش وافق يتزوجها ملي باغي                      يطلقها؟؟

#يتبع