🍒 الفصل الأول: بدونك لا اهوى الوجود
سلمان :مرت خالي الله يهديها هي لي بززات عليه هو ماكانش موافق
سحر : مافهمتش؟ من ايمتا كانو يبززو على شيحد فينا حاجة ماباغيهاش
سلمان: ماكانش عندها حل اخر نهار جات الدادا فاطمة تبكي وتشكي بسباب حفيدتها لي ناوي باها يزوجها براجل فعمرو خمسين عام وهي مازال ماقفلات ربعطاش مشات شافتها وعزات عليها تما اصرات تزوجها واحد من ولادها . عصام مزوج احم احم (نسا راسو حتا خرجات من فمو، حاول يتدارك الموقف ويكمل) احم وفهد عصبي متقدرش عليه بقا ليها غير يوسف تاصلات بيه وقتارحاتها عليه موافقش فالأول ولاكن ملي تعصبات وطاحت بغيبوبة السكر وافق ولكن بشرط نهار تكمل تمنطاش سنة يطلقها تعيش حياتها صرد غير الوكالة باش زوجوهم من داك الوقت وهو مع فهد فألمانيا عمرو حتا شافها
سحر: مشااكيل مع هاد العائلة كلها وحريرتو وماماك كيف بقات
سلمان: هبط رأسو بحزن، فحال ديما باقة فنفس الحالة باقا مقادراش تنساها واخا دازت 20 سنة على موتها
سحر: الله ياخد الحق فلي كان سباب بنادم مافقلبو رحمة، باش يخطفو رضيعة يلاه عندها اسبوع ويقتلوها خاصهم يتحرقو حيين حتا يموتو، الموت البطئ
سلمان:فهد داير جهدو وزيادة هو والوزير الأول د ألمانيا تقريبا رجال العصابة كلهم ودعو وقريب يتطوا هاد الملف واخا غدي يبقا ديما مفتوح فقلبنا
سحر: هي ماشي بنت الدنيا ربي بغاها وارحمها من العذاب لي كانت غدي تعيشو فهاد الدنيا
سلمان: الحمد لله على كل حال
سحر وقفات : يالاه اخويا تصبح على خير الدار دارك و البيت لي عجبك نعس فيه
سلمان: تصبحي على خير
سحر طلعات لبيتها وطلقات شعرها كدير لراسها مساج بحركات دائرية باش ينقص الحريق تكات بلاصتها ومدات يديها لمجر هزات الكينات لي رجعت مدمنة عليهم ومايمكنش تنعس ادا مشرباتش جوج ولا تلاتة دالحبات غمضات عينيها وهي كتحارب مع الأرق
#يتبع
أنت تقرأ
العشق السرمدي
Action🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
