العشق السرمدي

الجزء 15

🍒 العشق السرمدي
🍒 الفصل الأول: بدونك لا اهوى الوجود

عند فهد لي كان وصل هو ويوسف لواحد ديبو كاين وسط الغابة غير الخلا  لا طير يطير ولا كائن يسير
سكون رهيب  وضلام دامس يخليك تشعر بالخوف،  مكان ماكاينش لي كيوصل ليه  نزلو من الطوموبيل
وتقدمو لباب ديبو لي حارسينو جوج من لي كارد

فهد: تهليتو فيه                                                   

لكارد: ضيفناه مزيان و خلينا ليك شرف تزهق روحو  

فهد: اممم مزيان                                                 

دفع يوسف الباب بعصبية وتبعو فهد يديه فجيابو      
وعاقد حجبانو نفسو طالعة هابطة فحالة كان فسباق  
وهو فعلا كان فسباق مع الزمن باغي يوصليه ف أسرع وقت ماباغيش يضيع حتا دقيقة من تعديبو غير شافو  وهي تضهر ابتسامة علي وجهو المنضر ديالو رضاه      ورضا نفسيتو واخا ماشي مية فالمية  كان معلق من    رجليه وراسو مدلي لتحت جسمو كولو مشرط كانو      ضاربينو بالسوط كولو مخطط ودمايات هابطين من كل خط  حالتو تصعب على أي واحد الا عليهم هوما
حيت بسبابو وبسباب العصابة لي منضم ليها ضمرو فرحة العائلة كلها عيشوهوم فترة اليمة نهار خطفو بنت عمتهم وهي رضيعة يلاه عندها اسبوع وقتلوها
هاد الحادتة خلات العائلة تعيش سنين فالسواد والحداد
ولحد الأن  عمتهم كتعاني ماقادراش تنسا وعايشة غير بالدوايات والمهدئات وجها ديما حزين نسات الضحكة ،  عمتهم لي كانت كلها حيوية فطفولتهم
هي ليكانت عندها الخاطر معاهم تخرجهم تديهم البارك تلعبهم وتلعب معاهم والقصر لي كان ديما صداعهم هوما
يجريو وهي تجري موراهم كلها نشاط وحيوية  وصوت ضحكتها كيتسمع من بعيد رجعات كتلة من السواد حجرة باردة ادا محركتيهاش متحركش وادا مخرجتيهاش متخرجش ديما حابسة راسها وساكتة اولا كتبكي بفراق بنتها دمروها ودمرو حياتها

#يتبع

هادو اجزاء ليوما. نتلاقاو غدا فنفس التوقيت. ادا عجباتكم القصة والأجزاء وحتا ادا ماعجباتكمش . خليو ليا تعاليقكم  اولا انتقاداتكم عليها حيت كيحمسوني بزااف وكنقراه تعليق بتعليق. 😘😘