العشق السرمدي

الجزء 18

🍒 الفصل الأول: بدونك لا اهوى الوجود

فبيت ذكرى كانت جالسة قبالت المراية كتدهن الكريم
لحمها هي من النوع لي مهتمة بنفسها وبجمالها بزاف
مراد متكي فوق الناموسية شاد الطابليط كيشوف أحوال الخدمة وفنفس الوقت كيعلي عينيه يشوفها
حاس بلي بيها شيحاجة مبرزطاها

مراد: فتح يديه ونادا عليها ذكرى حبيبة اجي عندي اجي . ناضت ذكرى من بلاصتها وجات عنقاتو حاطا
راسها علي صدرو هز ليها راسها بيديها باش تشوف فيه

مراد : مالك اعمري واش عندك شي مشكيل

ذكرى فحالا كانت غير كاتسناه غير سمعاتو بداو دموعها
كينزلو وكتشهق حتا خلعاتو

مراد بخوف: ذكرى مالك شنو واقعلك مالك ماتخلعينيش
عليك

ذكرى كتشهق: هئ هئ  خخخا يفة

مراد: مناااش شنوو  مخوفك

ذكرى: يوسف قال قريب يجي وانا خايفة على ليليان

مراد تنهد عاد رجعات فيه الروح حسابليه واقعة ليها شي حاجة

مراد: نتي كنتي عارفة هاد النهار طال الزمان ولا قصار غادي يجي شنو كنتي متوقعة

ذكرى : كنت متوقعا يتعرف عليها ويبغيها كيفما بغيتها انا

مراد: ذكرى نتي عارفة انا اكتر واحد كنت ضد هادشي وعتارضتك لكن نتي كنتي مصرة  انا كنت عارف
غدي يجي هاد النهار وهانتي وصلتي لكلامي نهار قتليك
غادي ضمري واحد فيهم

ذكرى: هئ هئ  حرااام عليك علاش كتزيد على مابيا علاش هئ هئ

مراد عنقها بقات فيه: شووووو صافي لي مكتاب هو
ليغادي يكون واخا غادي تعدب شويا ولكن غادي تنسا
وترجع تعيش حياتها بعيدة عليه

ذكرى: كيفاش ترجع فين  بعيدة هاااديك بنتي متتحركش من قدام عيني

مراد: واش نتي حمقة مالي انا غادي نفرط ف كبدتي من نهار جات لداري وعرفت قصتها وعذابها مع باها ومراتو درتها بنتي بحالها بحال براءة وعمرني نفرق بيناتهم  وهادي دارها حتا هيا

ذكرى: بغيت نهدر معاها ونحاول نهيئ الوضع باش ماتصدمش

مراد: أحسن حاجة غديري. لاهوما من عندك ولا تجي من عندو

ذكرى: اوكي الصباح نهدر معاها صافي مابقيتش قادرة
نتحمل عقلي تبلوكا بالتخمام وقلبي ضارني هئ هئ
معرفتش مالي انا مكتاب عليا غير لبكا قلبي باقي مرتاح
من جيهت سحر تزادت حتا ليليان والمشكيلة ولادي
هما السباب فالألم وانا مكتفة ومافيدي ماندير

مراد: تعودي من ابليس الله يهديك كلشي مكاتيب
نتي مافيدك والو سحر قوية وعايشة حياتها وليليان
مغديش نفرطو فيها  صافي ريحي نفسك ونعسي
عنقاتو وكتحاول تنعس وماتفكر فوالو

#يتبع...