🍒 الفصل الأول: بدونك لا اهوى الوجود
اصبحنا واصبح الملك لله شميسة حارة والجو صخون
السكات والهدوء فقصر مرتضى منغير غرفة وحدة
لي ديمة صداعهم مسموع فالقصر كلو
ليليان طالعة فوق الناموسية وكتجري من قنت لقنت
بحال شي قردة وبراءة وراها
براءة: هبطي لمك ارا العكر لهنا
ليليان :ولا بغيتو ندير غير شوية عافاك عافاك
براءة: نتي ارا لهنا المكياج لي نجيب تساليه تقول
كتاكليه وزايدون لاش باغا ديريه
ليليان: وحتا نتي كديريه
براءة: كتعاندي معايا ديلمك انا عندي لافاك وكاندير غير شوية . نتي باغا تمشي ليسي فحال الشيخة مكرهتيش ديري ميكاب السهرات
هما بااقين كيتغاوتو تحل عليهم الباب
ذكرى: مالنا على هاد الصداع ماتعرفوش تهدرو بشوية
براءة: جابك الله اماما شوفي هاد نص ميترو شنو دايرة فوجها
ذكرى علات عينيها وهي تصدم : اويلي مالك على هاد الحالة غادا العرس
ليليان: لا .دايرة غير شوية
ذكرى: باغا تكلسي حدا باباك هاكا
ليليان: بابا مكيقول والو عندو عادي
ذكرى: وعصام ماخايفاش منو
ليليان: ماغاديش نعلي راسي باش مايشوفنيش
ذكرى: تحركي غسلي وجهك الحمارة و اجي بغيت نهدر معاك
ليليان: كتدرب رجليها فالأرض وتغبن ولا ولا بغيت نبقا دايراه مالك ديما حاكرة عليا غير انا
ذكرى: دابا غدي تحركي ولا نجي انا نغسلو بيدي
ليليان: لا غير خليك بلاصتك باش نتي كتغسلي وكتصرفقي فنفس الوقت حافضاك وشارباك
دخلت غسلت وجها خرجت لقاتهم جالسين فواحد الجليسة قدام الناموسية
ليليان: مادام سيدة القصر كتسناني ادا شي حاجة مهمة
ذكرى: جلسي بغيت نقولك شي حاجة
ليليان: ها انا جالسة حسستيني بلي انا مهمة ( دارت يديها على كتاف ذكرى ) شنو
باغا تستاشري معايا عندك شي مشكيلة مع سي مراد
ذكرى بالغوات: داااااا با غادااااا تجلسي تسكتي ولا ننتف
والديك. ليليان دارت يديها على فمها زعما هانا ساكتة
ذكرى معرفاتش كيفاش تبدا. غمضات عينيها وتنهدات وطلقاتها : احم يوسف غادي يجي
ليليان: ا اامتا
ذكرى:ماقالش إمتى ولكن قريب فاي لحضة تلقايه جا
ليليان: ربي ربي غادي يجي
ذكرى: امممم كتحرك ليها راسها ب اه لسانها مربوط ماقادراش تهدر
ليليان: حلفي بالله بلا متعنزيني على والو
ذكرى: موالفة نكدب عليك انا
ليليان: يالاه نوضي نوضي نوضي
#يتبع
أنت تقرأ
العشق السرمدي
Acción🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
