العشق السرمدي

الجزء 20

🍒 الفصل الأول: بدونك لا اهوى الوجود

ليليان : يالاه نوضي نوضي نوضي

ذكرى: اويلي فين غدي نوض

ليليان: نوضي نتقداو

براءة: هاي هاي . شوفلك بتيبانة  باغا تبين حداكتها نتي كتعرفي
حتا تاكلي مقاد  بقالك غير الطياب

ليليان: انوضي نتقدا دهازي قالك الطياب

ذكرى: اشمن دهاز اويلي.

ليليان: كيفاش اشمن دهاز ياكما مزوجاني فابور فين
الكسيوات ،الشورطات والديباردور وزيد شوميز دونوي
سيكسي.  (دارت شافت ف براءة ) قيدي نتي هادشي باش منساو والو

ذكرى: اويلي على موصيبة بلاني بيها الله مكتعرفيش الحشمة

ليليان: نتي مالك هاد النهار شنو بغيتيني ندخل عليه بجلابة

براءة:  ههههه عتقي عتقي اماما ولدك مشا فيها ولات هي لي غدي دخل عليه

ليليان: ياك هو كيحشم اذا ضاروري تكون مبادرة واحد فينا وانا مغديش نبقا محرومة

ذكرى: نعلة الله عليك مكتهديش ابنتي

ليليان: دابا خلينا من هادشي فين سليمة تعاوني نقل حوايجي لبيت بعلي قرة عيني

ذكرى تنهدات : براءة خليني ابنتي بغيت نهضر معاها

براءة ناضت : واخا ماما خرجات وسدت الباب

ذكرى: ليليان احم. شنو كيعنيلك يوسف ابنتي

ليليان جاها سؤال مفاجئ: مم مافهمتش اماما

ذكرى: اوكي نبدل سؤال احم واش كتبغيه يعني كتحسي بشي  حاجة من جيهتو
هي عارفا الجواب لكن باغا تسمع منها ،عندها أمل تقول ليها لا انا مبغاهش باغا نكمل قرايتي يوسف غير دطريت نتزوجو

ليليان:  احم ماعرفتش اماما شنو كيعني هاد الاحساس ملي كنسمع سيرتو ولا سميتو كنتوتر قلبي كيولي يضرب بجهد فحالا باغي يخرج من صدري كنحس بسخانة فوجهي وكرشي كتدور  ديما كنقلب على اخبارو فالمواقع  تصاورو كلهم فتيليفوني  كنحس بحالا كنعرفو من زمان احم معرفتش ادا كان هادشي كيعني كنبغيه

ذكرى بقات ساكتة ماعارفا باش تجاوبها جات تقوليها
بلي يوسف مكيبغيكش تزوجك حيت بززت عليه صدقت جابدة هاد الموضوع لي بلوكاها مابقاتش قادرة تواجهها وتقول الحقيقة

ذكرى: هووووف  لمهم لي بغيت نخبرك نتي بنتي لي مولدتهاش واخا يوقع لي وقع كتبقاي بنتي نتي باقا صغيرة بغيتك تديها فقرايتك وماتهمليهاش تشوفي بعيد وتكوني مستقبلك متخلي حتا حاجة تشغلك ولا توقفلك فطريقك وانا ديمة غادي نبقا فجنبك وباباك مراد فضهرك بغيتك تكوني قوية وحتا حاجة متطيحك ولا تحبطك

ليليان عنقاتها وحطت راسها على صدرها : عارفة اماما وحتا انا كنبغيك بزاف انا عمرني شفت ماما ماتت وهي كتولدني  عشت ديما محرومة من هاد الكلمة حتا لقيتك حنيتي فيا معاك حسيت بمعنى الأم نكون ناعسة تجي تغطيني نكون مريضة تسهر بالليل فجنبي هادشي كولو كنت محرومة منو عشت العاذاب مع با ومراتو ضرب واهانة كنت كنعس فبيت خارج دار قدام الكوري غير فالارض وناكل غير شياطتهم نخدمهم بليل ونهار غير باش يخلوني نكمل قرايتي نزلت ليها دمعة من عينيها دلوني وهانوني وحتاقروني اماما كانو ديما كعيطولي المنحوسة حيت بسبابي ماتت ماما

ذكرى: عنقاتها وزيرات عليها فصدرها :ماعاش لي يهينك ويحتاقرك وانا فالحياة وماماك وصل اجلها ونتي معندك يد ف موتها ربي بغاها

#يتبع....

ارائكم توقعاتكم لأجزاء ليوم. شنو فنضركم غادي يكون مصير ليليان ويوسف.

بنات ادا عاجباكم القصة ديرولها اشهارات باش البنات يزعمو عليها
قبلاتي 😘