العشق السرمدي

الجزء 23

🍒 الفصل الأول: بدونك لا اهوى الوجود

ناضو مراد وياسين حيت عندهم خدمة قبل مايوصل
وقت الحفل
 
براءة: ماما ريحان بنت خالتي غدي تجي

ذكرى: وي شوية وتوصل غادي دوز معاكم الفاكونص عاد ترجع لفرانسا

براءة: وخالتي علاش ماجاتش

ذكرى: متقدرش تجي وتسمح ف خدمتها صردات غير ريحان
اكرم: صافي كملات العصابة ,وليليان هي الزعيم ديالهم

ليليان قلبات فمها كتعيبو:نينيينيي  ليليان ليليان أي حاجة ليليان مالكوم غير حاضييني

اكرم: قادي فمك ولا نهرسو ليك شتك ضصرتي

سلمان: هههههه بعد منها نتا شاف فليليان:هههه ولايني حتا نتي زبايلك ليداروهالك ديما عليك الشبهات ماكاتعرفيش تبتي

ليليان: والله ماكاندير شي حاجة اخويا غير ضالميني 

اكرم: لا تبارك الله ماكاديري والو شكون شعل العافية ف جردة لور

ليليان: ماقصدتش كنا  بغينا  غير نديرو طاجين انا وريحان ونطيبوه فحالا فالغابة وهي تنود العافية

بلقيس : هههه شدت العافيا هربتي ودخلتي لبيتك تخبيتي ماقلتيها لحد خليتي جردة كلها تحرقت كون ماشافوش الكارد الدخان كانت تشد فالغابة

ليليان: واراه خفت

اكرم: اهاه هادي خفتي وطوموبيلت خالي يالاه وصلات مازال حتا ماجربها هزيتيها دخلتي بيها فحيط

ليليان: ماعرفتش كان جاني احساس بلي نعرف نسوك واصلا هي خفيفة غير قصتها وهي تدخل فالحيط

اكرم: دابا هادي ماتشدش راسها تدخل بيه فشي حيط

سلمان: ههههه ومازال مخرجة عينك ابنتي خليتي خالي مجنن كان قريب يعلقك

اكرم: وهادشي غير شوية من الإجرام لي كتدير

ذكرى: الحمد لله غير ملي كتخرج سالمة وماطرالها والو

براءة: علاش نسيتي اماما نهار  تهرست من رجليها ملي تلاحت من البالكو .قاتلك جاني قريب ماحسابليش غادي نتهرس

ليليان: حتا نتي ضدي والله وما سكتي حتا نبدا نفرش زبايلك حتا نتي

اكرم: اهاه هادشي فيه الفريش حتا نتي. استي الحسن عندك زبايلك فرشي فرشي نعرفو بعدا معامن جالسين

براءة: لا اخويا والله ماكاين شي حاجة

ليليان: اهاه وشكون قالي ندفع عصام ف لابيسين ملي كان كيقلب فتيليفونك

براءة تقجت وبدات تكحب: كح كح كح

ليليان: دابا كتكحبي نتي تهنيتي طيليفونك تخصر وانا كليت قتلا دالعصا من عندو

سلمان بنضرات قاتلة : وشنو كان عندك فداك تيلي لي درتي عليه هاد الحالة كلها

براءة: لا والو غير الضحك مع البنات وحشمت منو

ليليان قاطعاتها: لا لعساك كان عندهاا  مازال ماكملات هدرتها حتا كانت شدت ليها براءة فمها مغددة :غادي تسكتي ولا نضرب دينمك

قاطعات الحوار ملي دخلات ريحان بنت باقا صغيرة يكون عندها 16 سنة  داخلا كتجري وتغوت فحال ديما وتلحت على ذكرى معنقاها

ذكرى: الله يا بنتي بشوية عليك خلعتيني

ريحان: هههه غير توحشتك اخالتو

ذكرى باستها وعنقاتها: حتا انا توحشتك اروح خالتو .
سلمات عليهم كلهم وجلست قدام ليليان

بلقيس: كيف خليتي هداية مزيانة

ريحان: مزيانا غير نوضنا انا وياها الحرب عاد خلاتني نجي

بلقيس: علاش

ريحان: قالتلك مانسافرش بلا بيها حيت ملي كنتلاقاو انا و ليليان كنديرو الصداع

اكرم: ههههههه هالي قلنا وشهد شاهد من اهلها

ذكري: غير الله يستر وصافي  .يالاه نوضو نتوما باش توجدو راسكوم نالعشية .ريحان كملي فطورك وتبعيهم لتحت ن صبا

#يتبع