"يامساء هالليل ياعطر ودخون ‏ياغرام باهر يا أحلى العمر"

19

الله اكبر
سبحان الله
الحمدلله
لا إله الا الله

—
"في بيت ابو سيف"-في الديره لكن الحي الجديد-
دخل ابو سيف بضيق واضح على وجهه
وسمع هيفاء تقول بعصبيه:غرام امشي الله ياخذك اخلصي المواعينننن تنتظر
غرام: اوفففف طيب جاييهه
هيفاء شافت ابو سيف وعملت روحها مسكينه:ياغرام يبنتي ليش تصارخين وتتأففين ترا بس ناديتك
نزلت غرام مستغربه من كلام هيفاء الهادي
بس شافت ابوها عرفت
ابو سيف:افا ياغرام ليش تصارخين على هيفاء تراها بحسبة امك
قالت بنفسها:-اي بحسبتها لان كلهم ملاعين-
غرام: ابشر
غسلت اللي عليها وترك نص لبنات هيفاء
وصلحت لها اكل تروق عليه
دخلت هيفاء بقوهه
غرام:شوي شوي لا تكسرين الباب ترا ماهو غرام عشان يتحمل
هيفاء:اص ولا كلمه واقسمي لاميره من اكلك
غرام:والله ما اعطيها حتى باكلي تخاشروني
احمدي ربك غسلت نص مواعينك انتي وبناتك
هيفاء:نصها!!!!!!!
طنشتها غرام وطلعت باكلها لغرفتها
"عند سيف بغرفته"
ضايقه فيه الدنيا مرهه خصوصًا لما درا من ابوه ان امه جايه بيتهم
ضايع ومحتار كيف يقول لغرام
ولا عنده باهر عشان يشاوره كيف
"عند بيت آل جاسر "
البيت كله مدهر ويرتبون للغدا الرجال
ورد بالمطبخ مع امها
ولمياء ترتب البيت وتتحلطم
"عند الرجال"
نفس الوضع داخل البيت كان نفسه في العزبه
باهر وسعود ماسكين يزهبون القهوه والشاهي
وغيث راقد على المركا
وجاسر للأن مختفي ومايدرون عنه شيء!
-
دخل ابو جاسر بعصبيه وهو يشوف غيث نايم
ابو جاسر:ابك ذا راقد جعله مرقد حسن قم قم حسبي عليك الرياجيل جو وانت منبطه تربي ذنبك
فز غيث يدور بالمجلس وطلع للبيت يشوف امه وش تبي
__
بالليل |جو اهل سالم ام سيف وغرام ولمى وعبدالله|
تجمعو الحريم ببيت ابو جاسر بما انه حلف عليهم وببته اكبر بيت الديره
والرجال بـ قصر القبيله 'مدري اذا عندكم او لا لكن دايم بـ كل ديره يكون قصر متقاطين فيه كل القبيله وكل مره يصير عزيمه او شي يعزمون فيه'
~الحريم~
ليالي كانت تسلم بدون نفس وقلة صبر تنتظر بنتها بس
ولمى فرحتها عظيمه بشوفة بنات على قدها بسيطين ومو متكلفين ويتجاكرون مثل اللي تعرفهم من بنات صديقات امها
لمياء:ياي عشقي لهجة الكويت
لمى:ياعيوني انتي
ورد:غرام طولت شكل دلال مستقعده لها ههههههههههه
لمى:مين دلال؟
قاطعهم نداء عبدالله لـ لمى