العشق السرمدي

الجزء 25

🍒العشق السرمدي
🍒 الفصل الأول:بدونك لا اهوى الوجود

وصلو السيارات لباب المنتجع لي كان كولو كارد ورجال امن كلهم مطوقين المكان  مستعدين لأي تهديد ولا صداع الباب عامر صحافة لي ماليين  المكان من برا وداخل ماباغين يفلتو حتا صفق صحفي وأي سيارة كتوصل من رجال أعمال أو فنانين و وزراء كيتهاتفو باش ياخدو احدت صور

الكارد غير شافو شكون ف السيارات حيوهم براسهم وسمحو ليهم بالدخول المنتجع كان الكبر ديالو خيالي فيه جميع وسائل الترفيه أوتيلات مسابح ملاهي ملاعب كل ما يخص الراحة والاستجمام وقفو السيارات قدام باب الأوتيل فين كاين الحفل نزلو البنات  باش يدخلو حتا تهاتفو عليهم الصحافة باغين ياخدو صور لأجمل  بنات ونساء عائلة مرتضى وكيسولوهم علي حياتهم و مستوياتهم ،البنات غير ساكتين وكيحاولو يدخلو والكارد داير بيهم حتا دخلو من باب الاوتيل كانت قاعة كبيرة  فيها طاولات فاللون الذهبي صوت الموسيقي ناقصة كتخليك تسمع وشوشات وقهقهات الزوار كانو الحضور بايين من الطبقة البرجوازية من لباسهم ومن مجوهرات نسائهم حتا من الوقفة وشدة الكاس والحركات كيبان مستواهم الاجتماعي
مراد شاف ذكرى تقدم عندها ولوا يديه على خصرها باسها من خدها وتقدم بيها كيعرفها على الحضور كدالك ياسين شد مرتو ومشا بقاو لبنات واقفين يالاه كيفكرو شمن تيجاه غادي يشدو حتا كيلقاو عصام واقف عليهم ومخنزر كي العادة

عصام: فين بسالامة

براءة: غير غدي نشوفو اخويا صحاباتي نوقفو معاهم

عصام: تحركو قدامي وقفو حدا الدراري تنفنفو ميعجبكم حال (قرب ن ليليان بنضرات قاتلة* ونتي حسابنا حتا لدار علي هاد الحالة معندويش دابا تحركييي

مشاو البنات وقفو فالطاولة قدام سلمان واكرم. ملي وقفات وهي كتبركم وتجنن

ليليان: تفوو يمشي يبعد مني ياك عندو مرتو يمشي يحكم فيها مالو معايا

سلمان: راه حاسبك ختو الصغيرة ومايبغيلكش المضرة وعندو الصح هاد لا غوب ماشي د وحدة عندها 17 سنة

ليليان: وعلاش أنا شنو دايرة لابسة فحالي فحال البنات لي هنا وزايدون انا مزوجة وعندي راجلي لي يحكم فيا

سلمان: قهرتينا براجلي راجلي ديري عقلك وديها فقرايتك ونتي اما الشطيح ولا الراجل

ليليان: هاداك سميتو لايس دونص ماشي شطيح وانا قربت الاحتراف كون متأجلتش المسابقة كون وصلت دابا العالمية

اكرم: اممم العالمية نتي غادي توصلي الهاوية  بهاد نص عقل لي عندك

براءة: إمتا الموعد الجاي نالمسابقة

ليليان: الشهر الجاي كنت متحمسة وتدربنا بزاف  فأخر لحضة تأجلت

اكرم:مازال غديرو ثنائى نتي وداك الدري

ليليان: اممم وائل اه انا وياه تختارنا فليكول

سلمان: كيفاش داير هاد الدري

ليليان قلبت عينيها: تانتا غادي تبدا عليا بالدروس فحال عصام

سلمان: انا منوقفش فطريق طموحاتك ولكن زيكزاك والبسالة لا ،نتي كنعرفوك ملي كانت عندك 13 سنة وفهاد السنين عتابرناك ختنا منا وفينا موهبتك نشجعوك فيها ونوقفو معاك حتا تنميها مي متخلي حد يضصر عليك ديما خلي بينكم حواجز ونهار تسالي مسابقة  تديري بلوك لهاد لمعرفة

ليليان: ولكن هو من صحابي

سلمان: ماكاينش صاحبي حنا صحابك وحنا خوتك تبغي تخرجي حنا نخرجوك تبغي تناقشي ضحكي أي حاجة بغيتيها حنا موجودين.ماعمرك تيقي فالصحاب فأي لحضة يتقلبو عليك ويحفرو ليك

ليليان عنقاتو :شكرا اخويا نتا اكتر واحد كتعرف كيفاش تنصحني

سلمان بادلها العناق: علاش حنا شحال عندنا من ليليان

اكرم: براءة عتقي اختي ها صاحبتك الزهوانية كتقلب عليك

براءة: أأ شكون دارت شافتها وشيرات ليها: هههه حرام عليك كتصطا عليك

اكرم: انا بالله والشرع معاها تعطيني غير التيساع

مروى: سلااااام
 
براءة سلمات عليها : سلام حبيبة صافا

مروى عينيها غير على اكرم: تخي بيان ما بيل احم اكرم صافا
اكرم حرك ليها راسو : اممم مزيان

مروى حست راسها تقمعات وهي تسكت

#يتبع