العشق السرمدي

الجزء 26

🍒 الفصل الأول: بدونك لا اهوى الوجود

دازت واحد المدة فالحفل كل شوية يجي شي حد يهنئ العائلة على المشروع، عائلة مرتضى ضروري يكونو مبتاسمين وفرحانين قدام الكاميرات  باش ميخليوش فين يشدوهم ، الدراري باقين بنفس الوقفة قدام البنات منغير عصام لي لاصقة فيه أماني ماكاتفوتش الفرصة باش تضهر معاه فالصور ،مراد شاد ذكرى ملسقها فيه...

فهاذ الأثناء وقفت سيارة مازيراتي اخر موديل فباب الأوتيل ونزل منها لابس كوستيم اسود مزير عليه عضلاتو كيبانو مرسومين جسمو كيبان ضخم ،طويل ومكلضم عينيه وشعروكوحل فحال ليل فتحت الباب لي قدامو ونزلت بنت رشيقة وانيقة لابسة كسوة قصيرة فالبلو مبينا رجليها الطوال والبويض اصلا هي كلها طويلة ومفتوحة من الصدر مبينا حجم صدرها خارج وشعرها الاشقر نازل على ضهرها وقف عطا مفاتيح السيارة نالكارد ومد ليها يديه شدات تحت دراعو ودخلو للقاعة،
الجو فالحفل كان هادئ نوعا ما  ،غير نقاشات خفاف ورجال الأعمال كيتكلمو على مشاريعهم وصفقاتهم والنساء كيتكلمو على الجمعيات لي منضميين ليهم والموسيقى خفيفة حتا كيتقلب الجو ملي كيشوفو الصحافة كلها كتجري لباب القاعة تاحد مافهم شنو كاين وشكون هادا لي الصحافة كاتهافت عليه كلشي دار كيشوف باغين يكتاشفو شكون صاحب هاد الاهتمام كلو كلشي كيستناه يتحرك باش يضهر وماهي الا تواني حتا كلهم دارو يديهم على فمهم من الصدمة مامتيقينش بلي بعد غياب 4سنين رجع بطلة جديدة اكيد كبر وحجمو وبنيتو  تزادت راه كمل التلاتينات ودخل لواحد وتلاتين

ليليان كانت عاطية لباب بضهرها وشادة تيلي ماراداش البال حتا كتحس بالجو سكت علات عينيها فبراءة لقاتها مصدومة ومخرجة عينيها تعجبت من منضرها جات تسولها مالك حتا كتسمع الاسم لي نطقت بيه

براءة: ي ييووسف

ليليان قلبها ضرب بشدة من هاد الاسم ،هو ديما كيضرب ملي كتسمع سميتو ولكن ليوم كتر يمكن غترافق سميتو شوفتو يمكن واقف وراها ،قلبها كتحس بيه غادي يوقف ومعدتها ضراتها حاسا بلي وجها حمر طلعت معاها السخانة باغا تدور وماقادراش حاسا بداتها تقيلة عليها كلهوم مشاو كيجريو يسلمو عليه ويعنقوه وهي باقة واقفة بلاصتها ماعارفاش شنو دير واش تدور واش تمشي عندو ولا تهرب من تما كاع قبل ماتسخف تحدات نفسها واضعة يديها على قلبها لي قريب يخرج من بلاصتو وبدات كدور ببطئ بشوية بشوية وعينيها كيدورو كيقلبو على محبوبها لي ضلت ربع سنين فانتضارو وهاهي باقي غير تواني وغادي تشبع من شوفتو وحتا من حضنو دارت وعينيها جات على الحشود لي دايرين بيه من العائلة والصحافة بقاو عدسات عينيها كيقلبو متلهفيين حتا كيتفيكساو عليييه لحضتها وقف العالم ف عينيها مابقا كيبان ليها حد فالوجود منغيرو كلشي كيبان ليها غير تشاش هو الوحيد لي صورتو واضحة وقفتو جسمو شعرو عينيه ضحكتو هادشي كامل حققت فييه، ياااااااه اخييييرا شافتو قدامها شكلو كيفما كانت متوقعاه واحسن، الصور لي كانو عندها ديالو كانو ضالمينو الواقع اجمل بكتير فاقت من سهوتها ملي سمعت الصحافة كيسولوه وهو كيجاوب بقات كتقرب  بشوية باغا تسمع صوتو وتزيد تدقق فيه حتا كتشوفو دار وشد فشي حد كان وراه .شد فيديها وجابها حداه ودار يديه على خصرها مقربها ليه

#يتبع