𝐏𝐄𝐄𝐊-𝐀-𝐁𝐎𝐎 : 𝐔𝐍𝐓𝐎𝐔𝐂𝐇𝐀𝐁𝐋𝐄 || 𝐉.𝐉𝐊

خريطه مفاهيم الروايه

هاي، الفصل الخاص اللي قبل انتهاء بيكابو اللي وعدتكم بيه اني هاوضح كل حاجه قد تبدو مش مفهومه.

بس الاول تعالوا ندردش شويه عن الروايه بعدين اشرحلكم.

جاتلي منين الفكره؟

بصراحه كنت بقرأ روايه لواحده اسمها جينيفر والروايه لتايهيونغ، اسمها [ steal your boyfriend] ممكن تكون تعرفوها بس حساب الكاتبه معدش موجود والروايه اتمسحت اعتقد.

المهم كان عاجبني اوي حوار المرأه المسيطره في العلاقه، والكاتبه كانت خايفه انها تتعمق في الحاجات دي عشان الهجوم من الناس والكلام ده.

المهم انا اتحمقت اوي وشوحت بإيدي كدا وقولت أنا هاعمل الفكره الكريتيف دي وبالفعل بدأت بيها، وقررت أختار جونغكوك عشان ادمر صورته بصراحه 😭😭

ازاي؟ اصل كل الروايات بتكون عن ان جونغكوك مسيطر ورجولي ومهيمن وجامد فشخ، فأنا قررت أني هادمر صورته النمطيه دي وهاخليه الخاضع.

البطل أصلا كان هايكون نامجون 🤡 حسيتها مش راكبه وبعد تناقش طويل مع صحابي الاشرار اللي دعموني وبقوة في أني ادمر صوره جونغكوك النمطيه في الواتباد قررت أني هاعمل الفكره واستحمل اللي يجرالي بعدها.

منين جالي العنوان؟ وايه العنوان الغريب ده؟

قررت اني هاخلي عنوان الروايه اسم اغنيه، و وانا بسمع اغنيه ريد فيلفت بيكابو، طقت في دماغي اترجم اسم الاغنيه ولقيته مترجم لـ (نظره خاطفه) عجبني اوي الاسم ولقيته كريتيف اوي، اما بالنسبه للعنوان الجانبي، فأنا كنت بحب أوي ألبوم ايفيرغلو اللي كان نازل ساعتها وكانت اغنيتي المفضله منه اسمها UNTOUCHABLE قولت اله

اغنيتي المفضله اللي مافيش يوم ما سمعتهاش فيه وما احطهاش اخس عليا، وقررت هايكون اسم الروايه نظره خاطفه : لا يلمس.

حلو اوي اسم كريتيف فشخ نروح بقي علي الوصف، فضلت أفكر لوقت طويل في أكتر وصف يثير الجدل ويخلي القارئ عنده فضول يعرف محتوي الروايه دي هايبقي ايه، والوصف بصراحه يشد اوي وانا قاصده الحركه دي.

كنت ساعتها بكتب اول روايه ليا بعد انقطاع لا بأس به، بعد ما حسابي القديم معرفتش ارجعه قررت هابدأ بدايه جديده واحاول انجح زي ما نجحت في حسابي القديم والحمدلله نجحت.

بالنسبه بقي للفكره، عارفه فيه شويه تناقض في الاحداث والبعض مش عاجبه ومش هايعجبه ان جينور عضوه في بلاك بينك، كنت في الوقت اللي كتبت فيه بيكابو بلينك، ومالقتش فرقه اشهر منهم احط جينور فيها عشان تبقي معروفه كفايه عالمياً

لما اعدل الروايه هاعدل الجزء ده معاها متخافوش، بالنسبه للسيكشوال بارتس فا كلها هاتتعدل وهاتبقي اقل شفايفه وتفاصيل، لاني مش حابه اني اخد ذنوب قرأتكم لحاجات زي دي وانا ذنوبي مكفياني وبحاول اكفر عنها فا مش محتاجه ذنوب اكتر.