العشق السرمدي

الجزء 29

🍒 الفصل الأول: بدونك لا اهوى الوجود

ذكري كتقاد ليها شعرها: صافي احبيبة انا نخرج ونتي داااابا تبعيني نوقفو نص ساعة ونعتاذر بحجة راسي كيضرني ونمشيو

ليليان حركت ليها براسها بواخا

ذكرى عنقاتها: انا ديما معاك وملي نخرجو لقاعة عيني غادي تكون عليك ادا حسيتي براسك باغية تمشي غير عطيني اشارة اوكى

ليليان عاودات حركت ليها راسها

ذكرى: براءة ختك قدام عينيك متخرجيش بلا بيها

براءة: كوني هانية اماما شوية ونخرجو

خرجت ذكرى وسدات الباب وبقات براءة قدام ليليان متوترة ماعارفة كيفاش تتصرف ولا شنو تقول ليها عمرها توترات قدام ليليان حتا ليوم

وقفات ليليان قدام المراية كتحاول تمسح دموعها وتسيطر عليهم خصوصا ليوما نهار مهم بزاف مايمكنش تضيع مجهود عصام وباباها فهاد المشروع هي عارفا هاد المشروع مهم ليهم وخصرو فيه ملايين لاتحصى مايمكنش تتصرف شي تصرف لي يطيح بسمعة عائلة مرتضى ،لازم عليها تتهدن وتتصرف عادي باش ماتيرش الشبهات مسحات عينيها مزيان ونشات عليهم باش ميبقاوش حومر او وقفات قدام باب الحمام

براءة: ختي حاسا براسك مزيان ،نخرجو

ليليان خدات نفس عميييييق وزفراتو : مزيااااان يالاه نخرجو

حلت الباب وخرجت غادة فالكولوار الخاص بالحمامات كتحاول تصنع ابتسامة واخا ماشي حقيقية وكتقاد كتافها و وقفتها باش ماتبانش كترعد وقفات فباب القاعة وتنهدات عاد واصلات الدخول وبراءة وراها
كانت القاعة كيفما خلاتها كل مجموعة واقفة مع بعضها تاحد ماراد البال منغير عائلتها لي كانو كلهم حاضيينها وعينيهم عليها عارفين غدي تكون مدمرة من لداخل واخا من برا كتبان هادئة وقفات قدام سلمان واكرم ومروى صاحبة براءة لي غير لاسقة ف اكرم

سلمان بلا ميبين قرب عندها كيهدر بشوية: ما برانسيس صافا

ليليان شافت فيه بابتسامة باهتة : صافا غير  قلبي كيحتاضر وصافي 

ذكرى من بعيد واقفة مع الضيوف وعينيها عليها سولاتها غير براسها زعما واش نتي بيخير بتاسمات ليها ليليان وحركت راسها مطمناها
هبطت راسها الأرض  ومزيرة على يديها مانعة عينيها تقلب عليه ولا تشوفو حاسة بالجو ولا كئيب كلشي ولا ضلام فعينيها بداو مراسيم الافتتاح و عصام ومراد عطاو كلمة وشكرو عائلتهم وناس لي دعماتهم تحت تصفيق الحضور وتطلقت موسيقى هادئة كل واحد شد مراتو او حبيبتو وتقدمو لوسط القاعة يرقصو

أماني : بيبي ممكن نرقصو

عصام مخنزر: عمرك شتيني كنرقص

أماني: بليييييز بيي

قطعها: غدي توقفي وتسكتي تبارك الله ماغاديش تسكتي بعدي من حدايا ، را لي فيا كافيني

فجيهة خرى واقفة براءة و اكرم

اكرم: هاد العائلة كلهم مسطيين

براءة: والله اخويا مابقيت فاهما والو بقات فيا ليليان بالمعقول كون تشوف حالتها فالحمام كتقطع فالقلب

اكرم: هادا هو حال الحب من طرف واحد فأي لحضة تخرج منو خاسر

براءة: والله عندك الحق من الأول ماكانش عليها تتعلق بييه وتبغييه وهو ماباغيهاش

أكرم داير يديه فجيبو: هاد الكلام موجه ليك حتا نتي

براءة: ع علاااش انا

اكرم بضحكة : عليا انا من امتا وليتي تخبي عليا هم

براءة: شنو خبييت نتا الوحيد لي عارف جميع أسراري

اكرم: خبيتي خبيتي بلي كتبغي كمال صاحب عصام

براءة: هاااا ومييين عرفتييي

اكرم: هههههههه يعني الشك ديالي كان ف محلو

براءة توترات: لا ماشي صحييح هادشي

اكرم: لا صحييح والدليل هاد التوتر لي نتي فيه، براءة نتي ختي قبل ما تكوني بنت عمي نصحك نصيحة قلبك خليه عندك ماتعطيه لحد حتا تأكدي بلي حتا هو عاطيك قلبو

براءة بتاسمات وتنهدات: عطيتووو ولي عطى الله عطااه

اكرم: هادشي لي مابغيناش نتمنى متخرجييش حتا نتي خاسرة

براءة: نتمنى