العشق السرمدي

الجزء 30

🍒 الفصل الأول: بدونك لا اهوى الوجود

ليليان عيات تحاول تبقا مهبطة راسها ومتعليهش  حاولات وحاولات  وحاولات  ولكن فالنهاية مقدراتش وقلبها غلب عليها ،علات عينيها باحتة عليه واذا بها كتلقا منضر زاد عسر قلبها وزاد دمرها ،لقات يوسف واقف وحاضن اندريا وهي مدخلة راسها فعنقو كتوشوش ليه ويديها كتخبش فلا فيست ديالو وهو مبتاسم وكيشوف  فيها بنص عين ومرة مرة يقيص شعرها ويصايب قصتها هاد المنضر يقدر يعجب أي واحد ويقدر ياخدليهم صورة كاع لانهم كيبانو بحال جوج عشاق كيموتو فبعضهم ولا عصافير الحب لكن بالنسبة ليها كان كابوس مكرهاتش تغمض عينيها وتحلو تلقا هادشي حلم وهو مازال ماجا وتحل تصاورو وتحلم بيه معاها وحاضنها ،ولكن تسير الرياح بما لا تشتهي السفن، غمضات عينيها وخدات نفس عميق محاولة منها باش تسيطر على دموعها وعاودات حلاتهم على منضر تاني، اندريا شادة فيد يوسف وغادين لوسط لقاعة يرقصو وصلو لوسط تحت تصفيقات الحضور لي كيشوفوهم ثنائي زوين بدات موسيقى حنينة وتصلطات عليهم الأضواء  شد يوسف خصر اندريا قربها ليه وهي علات يديها لواتهم على راسو وحطات راسها على صدرو بقاو كيرقصو فجو رومانسي ومرة مرة كتطلع يديها تلمس خدو وتبوسو من الخد التاني الحضور كلهم حاضيينهم بابتسامة إلا هي لي كاتشوف فيهم بقهر وألم وعينيها مغرغرين حاسة بقلبها كيتفتت مئة قطعة ماكرهاتش تكون هي بلاصتها مكرهاتش هي تكون كتوشوش ليه وتقولييه شحال كتبغييه مكرهاتش تمشي تجرها من شعرها وتبعدها علييه غيرانة غارت علييه وبزااف لكن يديها مربوطة  اولا قدام الحضور ماباغاش الشوهة وثانيا كرامتها مكتسمحلهاش تصرف بهاد الطريقة وخا كتمووت عليه

يوسف كان حاضنها ومنساجم مع الرقصة فجو هادئ والإضاءة خفيفة نوعا ما منغير الأضواء لي موجهين  ليهم  حتا كيعلي عينيه صدفة و كيتفيكساو على وحدة قبالتو واقفة مع خوتو وكتشوف فيه بطريقة غريبة نزل عينيه وعاود علاهم لقاها مازال كاتشوف فيه كان فجيهتها  الضلام مقدرش يفرز ملامحها لكن قدرات تلفت انتباهو تحبسات الموسيقى وشعلو الاضواء  وتوقفات الرقصة تحت تصفيقات الحضور ورجعو واقفين فمكانهم ،واقف يوسف وهو محاملش الوضع خصوصا انه عارف بلي هو محاصر بنضراتهم ومتأكد انهم ماراضيينش بهادشي لكن هو مكانش عندو حل اخر هو عارف ادا كان جا بلا ميتزوج كانت الام ديالو غادي ترفض يطلقها وغادي تبقا تحاول تجمع فيهم هادي الطريقة لي لقا باش ماماه تفقد فيه الأمل ويتم الطلاق بلا مشاكل، علا عينيه جيهة براءة وهو يلقاها واقفة مع نفس البنت لي شاف معرفش علاش لفتت انتباهو وبقا كيحقق فيها كانت بنوتة ماطويلة ماقصيرة لابسة كسوة مزيرة ومبينة مؤهلاتها المغرية مؤخرتها كانت حجمها كبير وصدرها صغير ومجموع لابسة طالون عالي زايدها فالطول فتحة الكسوة من الفخض والضهر مبين لون جسمها الحليبي صافي كتر من القياص  ومن اكتر الحوايج لي جدباتو ليها لون شعرها الاورنج كان لون مختالف وماكايناش شي وحدة فالحاضرات عندها هاد اللون باين لونو طبيعي وماشي من الصبغات ومعالياه بطريقة زوينة مخليا عنقها لبيض كيبان ولابسة سلسلة نازل من لور كتداعب ضهرها  تشها غير تمصو  تدارك نفسو وخرج من السهوة ليفيها متفاجئ من نفسو ماعارفش علاش سها فيها لكن لحقيقة تقال منضرها كان ملفت واخا محققش فوجهها حيت بعيدة عليه لكن شكلها عجبو