العشق السرمدي

الجزء 31

🍒 الفصل الأول: بدونك لا اهوى الوجود

أندريا: بيبي فين سهيتي

يوسف: والو ، احم واش مليتي

أندريا شدات يدو وتكات على كتفو: لا حبيبي الحفلة
زوينة عاجبني الحال اصلا مايمكنش نكون معاك ونمل

يوسف:ملي نمشيو ل( قاطعو عصام لي وقف عليه
مخنزر ونطق)

عصام وهو ضاغط على سنانو: ملي نمشيو لدار بقا واقف فالجردة باش نتفاهم مع ديينمممك

يوسف: عصام خويا نتا عارف

قاطعو مرة اخرى

عصام بعصبية : هاد الساعة ماعارف والو، لي عارف غادي نقلع لجد بوك قلاو*يك لي فرحان بيهم وجايبلي معاك قح*بة

يوسف: احمم عصام ماشي وقت هاد الهدرة

عصام: لقاك فجردة لورانية مالقيتكش ندخل نجرجر بوك قدامها

يوسف : احم غادي تلقاني تما

عصام قلب الدورة وراجع يكمل السهرة واخا مابقاتش عندو لكانا لحتا شي قل*وة باغي غير يسالي هاد الصداع حاس براسو غادي يتفركع بلحريق

يوسف بقا يتمتم ويسب مع راسو : هادشي لي بقا لدينمي نضارب مع عصام بسباب برهوشة ،تفو

علا عينو و اتوماتيكمو عينيه مشاو ليها شكون منغيرها أميرة الحفل وذات أجمل طلة بين الحاضرات حاضيها وماعارفش علاش حاضيها كيشوف جميع تحركاتها وقفتها الأنيقة يديها لي ماسكين بعضهم وصبعانها لي كيتحركو بسرعة وكتلعب فالخاتم كأنها متوترة من شي حاجة ومرة مرة تطلع يديها لقصتها تصايبها ولا تحك عنقها كتطلع راسها تواني وترجع تنزلو ممخلياليهش فرصة يحقق فجمال وجهها لكن الأكيد من ملامحها باينة فايتة الجمال لهيه ،دار كيشوف القاعة هو كيشوف وهو كيطلع فحاجبو ملي لقا أغلبية الشباب لي تما عينيهم عليها كيشوف الرجال كيتمعنو فتفاصيلها هالي كيشوف شعرها هالي مؤخرتها هالي منزلش عينيه من وجهها وكاين لي ضرب الدورة غير بالريط باش يشوفها من لور نضراتهم كانت كتختالف كاين لي كيشوف بنضرات اعجاب وكاين لي كيشوف بنضرات شهوة هو عارف هاد النضرات مزيان شنو كتعني قلب عينيه كيحاول يتفادا الشوفة فيها وفنفس الوقت كيفكر مع راسو شكون هاديك واش حبيبة سلمان خصوصا ملي شافهوم قرابين لبعضهم بزاف وكيهدر معاها فحالا قريبة ليه ، لكن لا بسرعة حيد هاد الفكرة من راسو هو كيعرف عقلية خوتو وولاد عمتو كيغيرو بزااف مايمكنش تكون حبيبتو ويخليها تجي لابسة هاد لا غوب تنهد بسخط ماعارفش مالو وعلاش كيفكر فيها لي عارف انها سحراتو بجمالها هو مزال كيفكر حتا شاف براءة غادا من حداه تسلم على شي معرفة وناداها

يوسف :براااااءة

براءة ضارت تشوف شكون عيط لقات يوسف وهي ترجع عنو: خوياا عيطيلي

يوسف: اممم احم اه عيطتلك بغيت نسولك

براءة:اهااااه

يوسف:اححم شكون البنت لي واقفة معاكم

براءة قوصت حاجبها وضارت تشوف علاش كيدوي : هاديك لي زايدة معانا مروة صاحبتي علاش كتسول

#يتبع

هادو هوما اجزاء ليوم. لي قرات تخلي ليا تعليق يحمسني. بغيت غير نقول ليكم الأجزاء لي جيين . ناااااار يا حبيبي ناااااار 🔥🔥🔥