I Ship My Rival X Me [ဘာသာပြန်] Dropped!

Chapter-1

[Unicode]

[1]
ကျွန်တော့်ပြိုင်ဘက် ကုယီးလျန်။
သူက B- List မျက်နှာသစ်သရုပ်ဆောင်တစ်ယောက်ဖြစ်ပြီး Idol တစ်ယောက်မှာ ရှိသင့်ရှိထိုက်တဲ့ ရုပ်ရည်အပြင် အလွန်ထူးချွန်ပြောင်မြောက်တဲ့ ထိပ်တန်းသရုပ်ဆောင်စွမ်းရည်တွေနဲ့ ကောင်းချီးပေးခံထားရသူဖြစ်တယ်။

သူပါဝင်သရုပ်ဆောင်ထားတဲ့ ဘယ်လို ဒရာမာ၊ ဘယ်လိုဇာတ်ကားမဆို၊ ခေါင်းဆောင်မင်းသား​ဖြစ်ဖြစ်၊ ဒုတိယခေါင်းဆောင်မင်းသား ဒါမှမဟုတ် အရံနေရာကပဲ သရုပ်ဆောင်ရဆောင်ရ သူကတော့ လီလီပန်းလေးကို ရွှေချထားသလို တစ်လက်လက်တောက်ပနေဦးမှာပဲ။

များစွာသော ရုပ်ရှင်ဝေဖန်ရေးသမားတွေက သူ့ကို ထောင်သောင်းချီတဲ့ စကားလုံးတွေနဲ့ ရိုးရိုးသားသားမြှောက်ပင့်နေကြတဲ့အချိန် ကုမ္ပဏီဘက်ကလည်း ကမ္ဘာကြီးတုန်လှုပ်ပျက်စီးသွားစေလောက်တဲ့အထိ အလွန်အကျူး ချီးကျူးထောပနာပြုနေပြန်တယ်။
သူ့ရဲ့ Weibo ပို့စ်တွေကိုဝင်ကြည့်လိုက်တိုင်းမှာလည်း  Comment တွေထဲမှာ ချစ်စိတ်တွေပြည့်လျှံနေတဲ့ ပန်းပွင့် Emoji တွေကိုပဲ အမြဲတန်းလိုလိုမြင်နေရတာ။

ကျွန်တော် ဝေ့ယန်ဇီ ကတော့ဖြင့် C- List မျက်နှာသစ်သရုပ်ဆောင်တစ်ယောက်ဖြစ်ပြီး Idol တစ်ယောက်မှာရှိသင့်တဲ့ ရုပ်ရည်အသွင်အပြင်ရှိတဲ့အပြင် ကြက်ဥအနှစ်လိုသရုပ်ဆောင်စွမ်းရည်ကိုပိုင်ဆိုင်ထားတဲ့သူဖြစ်ပါတယ်။

ကျွန်တော်သရုပ်ဆောင်ထားရတဲ့ ဘယ်ဒရာမာ၊ ဘယ်ဇာတ်ကားမဆို၊ ဘယ်နေရာကပဲ သရုပ်ဆောင်ရ ဆောင်ရ ကျွန်တော်က အမွေးဖွားဖွားနဲ့ ခွေးမြီးလိုပန်းတစ်ပွင့်သာသာရယ်ပါ။ ကျွန်တော့်အခြေအနေက အမြဲလိုလို ခြောက်သွေးညိုးနွမ်းမှုရဲ့ နှုတ်ခမ်းဝမှာရောက်နေတာ။ ကျွန်တော့်လိုပန်းကတော့ဖြင့် ပန်းအိုးထဲအထည့်ခံရဖို့တောင် ထိုက်တန်မနေပါဘူး။

သူသာလျင် အင်တာဗျူးမှာ ဇာတ်လမ်းအတွင်းဇာတ်ကောင်ရဲ့ စိတ်ပိုင်းဆိုင်ရာ တိုးတက်ဖွံ့ဖြိုးမှုတွေကို ပွင့်ပွင့်လင်းလင်းပြောနိုင်သူပဲ..။ ဒါ့အပြင် သူ Golden Award ဆုကိုရယူနိုင်ဖို့ အသည်းအသန် ကြိုးစားနေပါတယ်ဆိုတဲ့ အချက်ကို ဖုံးကွယ်မထားဘဲနဲ့တောင် များစွာသောအသိအမှတ်ပြုမှုတွေကိုရရှိနေနိုင်သေးတယ်လေ..။