من يوم ماوعيت علي الدنيا
وانا بتخيلك معايا فكل حاجه وكل ثانيه
ملامحك كانت مخفيه ومش باينه
يوم ورا يوم بتبان تفاصيلك
ببقا معاك وكل حاجه بحكيلك
نصي التاني وكل حياتي
سبب سعادتي وابتساماتي
فقلبي موجود وفخيالاتي
سنين بتعدي وانت معايا
دايبه فيك يا كل منايا
رافضه كل اللي يقربلي وطالب رضايا
وفيوم شوفتك واتغير حالي
شوفت ملامحك اللي فخيالي
مش عارفه حصلي اي مش عارفه مالي
مقدرتش اسكت مقدرتش امسك دموعي.
مش عارفه فين حصوني اللي بنيتها وفين دروعي
يارب يكون عرفني زي مانا عرفته
من اول محطيت عيني عليه وشوفته
واقفه قدامه ومبلمه
حاسه اني غبيه ومش متعلمه
ازاي اعيط ادام حد مش عارفني
انا همشي بسرعه قبل مايشوفني
واول مالفيت واخدت خطوتي
سمعت صوته بيقولي ( قطتي)
لفيت بسرعه وظهرت لهفتي
ودموعي زادت من كتر فرحتي
ايوه عرفني هو ده اسمي هي دي كلمتي
بصيت عليه لقيته فاتح ايديه
جريت بسرعه وانا عيني فعنيه
دخلت فحضنه
وقلبي حضن قلبه
همسلي عرفتك من اول مالمحتك
قلبي نبضه زاد اول ما شم ريحتك
فوقت من زكرياتي
ببص حواليا
لقتني ف فرحي وف احلي يوم فحياتي
دمعت تاني عنيا
وانا شايفه ايديه فايديا
وبنرقص علي اجمل اغنيه
وبنحلم بحياتنا الجايه
بقلمي.........
