ريم : مرت امتحانات الوزاري نوعاً ما زينه الاسئلة جاوبت واليوم اخر متحان وصلني محمد ومتحنت جانت الاسئلة سهله كلش ورجعنا للبيت وتغدينا ابويه كال عكب باجر راح نروح بعد البصرة كلش فرحنا لان بابا اصلاً مجهز البيت والاثاث يعني بس نحضر ملابسنا نمت الظهر وكعدت العصر طلعت جنط السفر الكبار وحطيت كل ملابسي والجنطه الثانيه حطيت اغراضي و النص الثاني من ملابسي واجت ترف تساعدني وجنطه وسط حطيت الاحذيه و بطنها جنطه صغيره حطيت بيها المكياج وغيرها المهم كملت بعد ٣ ساعات تقريباً وراها رحنا لغرفه ترف وهم نفس الشي بقى بس غرفه محمد باجر راح نسويها محمد راح جابلنا اكل من بره وتعشينا رحت تمددت على القنفه استغربت اليوم فهد ممراسل دزيتله رساله وكتبت هلاوو فهد شلونك ماعده نت ...
فهد : اجت امتحانات ريمتي وهيه كلش تعبت واني هم اساعدها وادزلها مرشحات جانت تجاوب على كل الامتحانات وهذا الشي الي فرحني واكثر شي الي فرحني وخلاني حتى اركص انو بيت عمي ابو محمد راح يجون للبصرة يعيشون واشترو بيت بالفرع الي ورانا كلش قريب وكلش فرحت اليوم جان عندي شغل كومه وقضايا وحتى مراسلت ريمه كملت شغل ورجعت ظهري للكرسي اخخ شكد تعب غمضت عيوني واجه طيفها بالي من تضحك فتحت عيوني على صوت عمر وهو يدخل المكتب
